Kpojiemɔ 11:18 - ŊMALƐ KRƆŊKRƆŊ LƐ

¹⁸ Ni jeŋmaji lɛ amli efu. Ni omlifu be lɛ eshɛ kɛ be ni abaakojo gbohii lɛ. Ni abaawo otsuji ni ji gbalɔi lɛ kɛ krɔŋkrɔŋbii lɛ kɛ mɛi ni sheɔ ogbɛi lɛ gbeyei, mɛi bibii kɛ mɛi wuji lɛ anyɔmɔ. Ni abaafite mɛi ni fiteɔ shikpɔŋ lɛ!”

Ṅmãle̱ Kroṅkroṅ Le̱

¹⁸ ni dšeṅmãdši le̱ amli efũ, ni *omlifũ ešẽ ke̱ be ní abakodšo gbohĩĩ le̱ ni abawo otšũdši ní dši gbaloi le̱ ke̱ kroṅkroṅbii le̱ ke̱ mei ní šeo̱ ogbe̱i le̱ gbeyei, mei bibii ke̱ mei wudši le̱, anyõmo̱, ni abafite mei ní fiteo̱ šikpoṅ le̱. *15,1. Lal. 2,1. 5. 12.

Kpojiemɔ 11:18 ပူးပေါင်းရင်းမြစ်များ

Lalai 103:11

Shi moŋ, bɔ ni ŋwɛi kwɔ fe shikpɔŋ lɛ, nakai esuɔmɔ ni tsakeee lɛ fa hã mɛi ni sheɔ lɛ gbeyei lɛ.

Lalai 110:5

Nuŋtsɔ lɛ yɛ oninejurɔ nɔ; eeetswia maŋtsɛmɛi ashi yɛ emlifu gbi lɛ nɔ.

Lalai 147:11

Shi moŋ Yehowa naa mɛi ni sheɔ lɛ gbeyei lɛ ahe miishɛɛ, kɛ mɛi hu ni kɛ amɛhiɛ fɔ̃ɔ esuɔmɔ ni sɛɛ efooo lɛ nɔ lɛ.

Lalai 2:5

Ekɛ amɛ aaawie yɛ emlifu naa, ni ekɛ mlila aaawo amɛhe gbeyei.

Lalai 85:9

Lɛɛlɛŋ efee kralo kɛbaahere mɛi ni sheɔ lɛ gbeyei lɛ ayiwala koni anunyam ahi wɔshikpɔŋ lɛ nɔ.

Jajelɔ 12:13

Sane tso muu lɛ ni onu lɛ fɛɛ naagbee nɛ. She Nyɔŋmɔ gbeyei, ni oye ekitãi lɛ anɔ, ejaakɛ enɛ ji nitsumɔ kwraa ni gbɔmɔ yɔɔ tsumɔ.

Jajelɔ 8:12

Yɛ mli akɛ eshafeelɔ feɔ esha shii oha, ni ewala sɛɛ tsɛɔ moŋ nɛ, kɛ̃lɛ mile akɛ mɛi fɛɛ ni sheɔ Nyɔŋmɔ gbeyei lɛ ebaahi ehã amɛ, ejaakɛ amɛsheɔ Nyɔŋmɔ gbeyei;

Daniel 11:44

Shi saji ni baajɛ bokãgbɛ kɛ kooyigbɛ aba lɛ baawo ehe gbeyei; ni ekɛ mlila kpele baaya eyakpãtã gbɔmɛi babaoo ahiɛ butuu.

Daniel 7:26

No sɛɛ lɛ, ŋwɛi kojolɔi aaatara shi akojo lɛ, ni abaashɔ̃ nɔyeli hewalɛ lɛ yɛ edɛŋ, ni aaakpãtã ehiɛ butubutu.

Daniel 8:25

Eŋaalee lɛ hewɔ lɛ, kɛtsɔ̃ enɔ lɛ lakamɔ baafa pii, ni ebaawo ehe nɔ. Ebaakpãtã mɛi babaoo ahiɛ, be mli ni amɛleee amɛhe be. Ebaate shi ewo jeŋ fɛɛ Lumɔi alumɔ lɛ; shi abaakpãtã ehiɛ, be mli ni adesa nine etako ehe tete.

Mateo 5:12

nyɛnyaa ni nyɛmli afilia nyɛ ejaakɛ nyɛnyɔmɔwo fa yɛ ŋwɛi; shi nakai amɛwa gbalɔi ni tsɔ̃ nyɛhiɛ lɛ ayi.”

Luka 1:50

Emɔbɔnalɛ yɛ mɛi ni sheɔ lɛ gbeyei lɛ anɔ kɛyashi yinɔi ayinɔi.

Hebribii 9:27

Gbii abɔ ni ekã shi ehã gbɔmɛi akɛ shi kome amɛgboiɔ, shi no sɛɛ lɛ abaakojo amɛ lɛ,

Kpojiemɔ 10:7

shi moŋ be mli ni aaanu bɔfo ni ji kpawo lɛ gbee be ni eehé ekpã etɛtrɛmantrɛ lɛ, no lɛ agbe Nyɔŋmɔ teemɔ sane lɛ hu naa, bɔ ni ejaje etsɔ̃ɔ lɛ diɛŋtsɛ etsuji ni ji gbalɔi lɛ.”

Kpojiemɔ 11:2

Ni kpo ni yɔɔ Sɔlemɔtsu lɛ agbo lɛ naa lɛ, shi no sɛɛ ni okasusu no, ejaakɛ akɛhã jeŋmaji lɛ, ni amɛaanaanaa maŋ krɔŋkrɔŋ lɛ nɔ nyɔji nyɔŋmai ejwɛ kɛ enyɔ.

Kpojiemɔ 13:10

Kɛji ato akɛ aŋɔ mɔ ko nom lɛ, aaaŋɔ lɛ nom; ni kɛ ato akɛ akɛ klante agbe mɔ ko lɛ, klante akɛaagbe lɛ. Biɛ wɔnaa krɔŋkrɔŋbii lɛ ahiɛmiamɔ lɛ kɛ amɛhemɔkɛyeli lɛ yɛ.

Kpojiemɔ 13:16

Ni ehã akadiɔ mɛi fɛɛ, mɛi bibii kɛ mɛi wuji, niiatsɛmɛi kɛ ohiafoi, odehei kɛ nyɔji yɛ amɛninejurɔ loo amɛhiɛŋtsei anɔ.

Kpojiemɔ 14:10

lɛ hu eeenu Nyɔŋmɔ mlifu dãa ŋmiiŋmi ni akɛwo emlifu kpulu lɛ mli lɛ eko, ni aaapiŋ lɛ yɛ la kɛ swɔɔ mli yɛ bɔfoi krɔŋkrɔŋi lɛ ahiɛ kɛ Toobi lɛ hiɛ.

Kpojiemɔ 15:1

Ni mina naakpɛɛ okadi kroko yɛ ŋwɛi, eda ni eyɛ naakpɛɛ: bɔfoi kpawo ni hiɛ haomɔi kpawo ni ji naagbeenii lɛ, ejaakɛ nomɛi akɛgbeɔ Nyɔŋmɔ mlila lɛ naa.

Kpojiemɔ 15:7

Ni hiɛkãalɔi ejwɛ lɛ ateŋ mɔ kome kɛ shika tɔi kpawo ni eyimɔ obɔ̃bɔ̃ kɛ Nyɔŋmɔ ni hiɛ kã kɛyaa naanɔi anaanɔ lɛ mlila lɛ hã bɔfoi kpawo lɛ.

Kpojiemɔ 18:6

Nyɛwoa lɛ nyɔmɔ tamɔ bɔ ni lɛ hu ewo lɛ, ni nyɛkua nyɛbɔa he toi enyɔ nyɛhãa lɛ yɛ enitsumɔi lɛ anaa. Kpulu lɛ ni efutu dãa yɛ mli lɛ, nyɛfutua lɛ toi enyɔ nyɛwoa mli nyɛhãa lɛ.

Kpojiemɔ 19:15

Ni tsi ni naa ba jɛɔ edaaŋ, koni ekɛ no atswia jeŋmajiaŋbii lɛ anii; ni ekɛ dadetso aaakpala amɛ. Ni eeenaanaa Nyɔŋmɔ Ofe lɛ mlifu ni naa wa lɛ wainŋaanɔ lɛ nɔ.

Kpojiemɔ 19:18

koni nyɛbaye maŋtsɛmɛi aloo kɛ asafoiatsɛmɛi aloo kɛ hewalɔi aloo kɛ okpɔŋɔi aloo kɛ mɛi ni tara amɛnɔ lɛ aloo kɛ odehei kɛ nyɔji kɛ mɛi bibii kɛ mɛi wuji fɛɛ aloo.”

Kpojiemɔ 19:5

Ni gbee ko jɛ maŋtsɛ sɛ̃i lɛ mli kɛɛ, “Nyɛjiea wɔNyɔŋmɔ lɛ yi, nyɛ mɛi ni ji etsuji lɛ fɛɛ kɛ nyɛ mɛi ni nyɛsheɔ lɛ gbeyei, mɛi bibii kɛ mɛi wuji lɛ fɛɛ!”

Kpojiemɔ 20:12

Ni mina gbohii lɛ, mɛi bibii kɛ mɛi wuji, damɔ maŋtsɛ sɛ̃i lɛ hiɛ, ni agbele woji anaa; ni agbele wolo kroko ni ji wala wolo lɛ hu naa. Ni adamɔ nibii ni aŋmala yɛ woji lɛ amli lɛ anɔ akojo gbohii lɛ yɛ amɛnitsumɔi lɛ anaa.

Kpojiemɔ 20:15

Ni kɛji mɔ ko yɛ ni anãaa akɛ aŋma egbɛi yɛ wala wolo lɛ mli lɛ, ashɛɔ lɛ afɔ̃ɔ la kpaakpo lɛ mli.

Kpojiemɔ 22:12

“Naa, miiba nɔŋŋ, ni mihiɛ minyɔmɔwo lɛ kɛmiiba, ni mawo mɔ fɛɛ mɔ nyɔmɔ bɔ ni sa enitsumɔ lɛ.