Kpojiemɔ 11:15 - ŊMALƐ KRƆŊKRƆŊ LƐ

¹⁵ Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Ṅmãle̱ Kroṅkroṅ Le̱

¹⁵ Ni bo̱fo ní dši kpawo le̱ kpá, ni anu gbēi wudši ye̱ ṅwei mīkē̱ ake̱: Dše ne̱ṅ *maṅtše̱yeli le̱ étsṍ wo̱-Nuṅtšo̱ le̱ ke̱ e-Kristo (moni efo̱le̱ mũ) le̱ nõ, ni eeye maṅtše̱ ke̱-ate nāno̱i anāno̱. *Dan. 2,44; 7.27. Zak. 14,9.

Kpojiemɔ 11:15 ပူးပေါင်းရင်းမြစ်များ

Lalai 110:4

Yehowa ekã kitã, ni etsakeŋ ejwɛŋmɔ, “Bo ji osɔfo kɛmiiya naanɔ yɛ Melkizedek gbɛjianɔtoo lɛ naa.”

Lalai 146:10

Yehowa baaye maŋtsɛ kɛaatee naanɔ, Zion, oNyɔŋmɔ lɛ aaaye maŋtsɛ kɛaatee yinɔi fɛɛ nɔ. Nyɛjiea Yehowa yi!

Lalai 2:2

Shikpɔŋ lɛ nɔ maŋtsɛmɛi lɛ tseɔ atua, ni lumɛi lɛ hu feɔ ekome; amɛkpãŋɔ Yehowa kɛ maŋtsɛ ni efɔ lɛ mu lɛ yinɔ.

Lalai 72:11

Maŋtsɛmɛi fɛɛ aaakoto lɛ, majimaji fɛɛ kwa aaasɔmɔ lɛ.

Lalai 82:8

Oo Nyɔŋmɔ, ba! Ba ni obaye je lɛ nɔ; ejaakɛ majimaji lɛ fɛɛ lɛ, onɔ ni.

Lalai 86:9

Oo Nuŋtsɔ, jeŋ majimaji fɛɛ ni bo obɔ lɛ aaaba abakoto bo; ni amɛbaawo ogbɛi lɛ hiɛ nyam.

2 Mose 15:18

Yehowa aaaye maŋtsɛ kɛaatee naanɔi anaanɔ.”

Yesaia 27:13

Aaakpã tɛtɛrɛmantɛrɛ wulu ko nakai gbi lɛ, ni mɛi fɛɛ ni elaaje yɛ Asiria shikpɔŋ lɛ nɔ lɛ, kɛ mɛi ni ashwie amɛ kɛtee Ijipt shikpɔŋ lɛ nɔ lɛ aaaba, ni amɛaabaja Yehowa yɛ Gɔŋ Krɔŋkrɔŋ lɛ nɔ yɛ Yerusalɛm.

Yesaia 44:23

Ao ŋwɛi, la ejaakɛ Yehowa etsu enii! Ao shikpɔŋ lɛ shishi, bɔɔ oshe! Ao gɔji, nyɛwoa lala nɔ! Ao koo kɛ tso fɛɛ tso ni yɔɔ mli, nyɛlaa! Ejaakɛ Yehowa ekpɔ̃ Israel ni aawo ehiɛ nyam yɛ Israel.”

Yesaia 55:5

Naa, ooofɔ̃ nine otsɛ maji ni oleee; ni maji ni leee bo hu aaahiɛ foi kɛaaba oŋɔɔ, yɛ Yehowa, oNyɔŋmɔ lɛ hewɔ, ejaakɛ ewo ohiɛ nyam!

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Ezekiel 37:25

Amɛaahi shikpɔŋ ni nyɛtsɛmɛi lɛ hi nɔ lɛ nɔ, shikpɔŋ ni mikɛhã mitsulɔ Yakob lɛ. Amɛ kɛ amɛbii kɛ amɛbii abii baahi nɔ kɛya naanɔ; ni mitsulɔ David baaye amɛnɔ lumɔ kɛya naanɔ.

Ezekiel 47:5

Esusu nu lɛ mlikwɔlɛ, ni efee ninetalɔi akpe, ni nu lɛ tsɔ̃ faa ni minyɛɛɛ mafo. Ejaakɛ nu lɛ mli kwɔ ni etsɔ̃ faa ni anyɛɛɛ afo, shi seremɔ asereɔ kɛfoɔ.

Daniel 7:14

Ahã lɛ nɔyeli kɛ anunyam kɛ maŋtsɛyeli hewalɛ koni majimaji kɛ asafoi srɔtoi kɛ wiemɔi srɔtoi ashikpɔji anɔ bii fɛɛ asɔ̃mɔ lɛ. Emaŋtsɛyeli lɛ naanɔ maŋtsɛyeli ni, ni esɛɛ efoŋ; ni mɔ ko mɔ ko nyɛŋ hiɛ akpãtã.

Daniel 7:18

Shi Nyɔŋmɔ Ofe lɛ bii hetselɔi lɛ anine baashɛ maŋtsɛyeli lɛ nɔ, ni eeehi amɛdɛŋ kɛya naanɔi anaanɔ.”

Daniel 7:22

kɛyashi beyinɔ ni mɔ ni Etsɛ Naakpa lɛ ba, ni ebabu Ŋwɛi Flooflonyo lɛ mɛi krɔŋkrɔŋi lɛ bem. Kɛkɛ ni be bashɛ, ni aŋɔ nɔyeli hewalɛ awo mɛi krɔŋkrɔŋi lɛ adɛŋ.

Daniel 7:27

Kɛkɛ lɛ abaatu shikpɔŋ tso muu lɛ fɛɛ nɔ maŋtsɛyeli hewalɛ lɛ kɛ egbojee lɛ fɛɛ awo Nyɔŋmɔ Ofe lɛ mɛi krɔŋkrɔŋi lɛ adɛŋ. Amɛmaŋtsɛyeli hewalɛ nɛɛ sɛɛ efoŋ, ni shikpɔŋ lɛ nɔ lumɛi fɛɛ baasɔ̃mɔ amɛ, ni amɛbaabo amɛ toi.”

Hosea 2:23

Mahã mimɛi lɛ ahe shi yɛ shikpɔŋ lɛ nɔ, ni mahã amɛshwere. Mɛi ni atsɛ amɛ akɛ ‘Mɔbɔnalɛ etã’ lɛ, kɛ mɛi hu ni atsɛ amɛ akɛ ‘Nyɛjeee mimɛi’ lɛ, mibana amɛ fɛɛ mɔbɔ. Ni makɛɛ amɛ akɛ, ‘Mimɛi ji nyɛ,’ ni amɛaahere nɔ akɛ ‘bo ji wɔNyɔŋmɔ lɛ.’ ”

Obadia 1:21

Tabilɔi kunimyelɔi aaajɛ Yerusalɛm ayatua Edom, ni amɛaaye enɔ; ni Yehowa diɛŋtsɛ aaaye Maŋtsɛ.”

Mika 4:7

Ni mikɛ akpaketsɛmɛi ni yɔɔ maŋsɛɛ shɔŋŋ, kɛ maŋ, mɛi ni eshwɛ lɛ baaje shishi, ni mafee amɛ maŋ ni da agbo. Ni Yehowa aaaye amɛnɔ maŋtsɛ yɛ Zion Gɔŋ lɛ nɔ kɛaajɛ nakai be lɛ kɛaatee naanɔ fɛɛ.”

Zakaria 14:9

Nakai gbi lɛ nɔ lɛ aaale lɛ akɛ Yehowa kome kɛ egbɛi hu koome; ejaakɛ lɛ ebaaye shikpɔŋ muu lɛ fɛɛ nɔ maŋtsɛ.

Zakaria 2:11

Nakai gbi lɛ nɔ lɛ, maji babaoo kɛ amɛhe aaahã Yehowa ni amɛaatsɔ̃ mimɛi, ni mahi amɛteŋ. No nyɛkɛaale akɛ Yehowa Taiatsɛ lɛ ni tsu mi nyɛŋɔɔ lɛ.

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

Mateo 24:31

Ni eeetsu ebɔfoi lɛ kɛ tɛtɛrɛmantɛrɛ ni gbee wa, ni amɛaabua ehalamɔbii lɛ anaa kɛaajɛ kɔɔyɔi ejwɛ lɛ anɔ, kɛajɛ ŋwɛi naagbeehe kome kɛaaya naagbeehe kroko lɛ.”

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

Luka 1:33

Ni eeeye Yakob we lɛ nɔ maŋtsɛ kɛaatee naanɔ. Ni emaŋtsɛyeli lɛ sɛɛ efoŋ.”

Luka 15:10

Nakai nɔŋŋ, miikɛɛ nyɛ akɛ, Nyɔŋmɔ bɔfoi lɛ naa miishɛɛ yɛ eshafeelɔ kome ni tsakeɔ etsui lɛ hewɔ.”

Luka 15:6

ni kɛ eba shĩa lɛ, etsɛɔ eshieŋtsɛmɛi kɛ ekuŋbii kɛkpeɔ, ni ekɛɔ amɛ akɛ, ‘Nyɛkɛ mi anaa miishɛɛ, ejaakɛ mina mitoo ni laaje lɛ.’

Bɔfoi 4:26

Shikpɔŋ nɔ maŋtsɛmɛi lɛ ete shi edamɔ shi, ni lumɛi lɛ hu anaa ebakpe shi ewo Nuŋtsɔ lɛ kɛ mɔ ni efɔ lɛ mu lɛ!’

Hebribii 1:8

Shi Bi lɛ, ekɛɛ yɛ ehe akɛ, “Ao Nyɔŋmɔ, omaŋtsɛ sɛi lɛ ma shi kɛmiiya naanɔi anaanɔ, ni omaŋtsɛ tso lɛ, jalɛ maŋtsɛ tso ni.

Kpojiemɔ 10:7

shi moŋ be mli ni aaanu bɔfo ni ji kpawo lɛ gbee be ni eehé ekpã etɛtrɛmantrɛ lɛ, no lɛ agbe Nyɔŋmɔ teemɔ sane lɛ hu naa, bɔ ni ejaje etsɔ̃ɔ lɛ diɛŋtsɛ etsuji ni ji gbalɔi lɛ.”

Kpojiemɔ 12:10

Ni minu gbee wulu ko yɛ ŋwɛi miikɛɛ, “Agbɛnɛ yiwalaheremɔ lɛ kɛ hewalɛ lɛ kɛ maŋtsɛyeli lɛ etsɔ̃ wɔNyɔŋmɔ lɛ nɔ, ni hegbɛ lɛ etsɔ̃ eKristo lɛ nɔ, ejaakɛ ashɛ wɔnyɛmimɛi lɛ anaaflɔlɔ lɛ ni folɔɔ amɛnaa yɛ wɔNyɔŋmɔ lɛ hiɛ nyɔɔŋ kɛ shwane lɛ afɔ̃.

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”

Kpojiemɔ 16:17

Ni bɔfo ni ji kpawo lɛ fɔse etɔ lɛ mli nii lɛ ewo kɔɔyɔɔ mli ni gbee ni wa ko jɛ maŋtsɛ sɛ̃i lɛ mli yɛ Sɔlemɔtsu lɛ mli kɛɛ akɛ, “Agbe naa!”

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 19:1

Nii nɛɛ asɛɛ lɛ, minu gbee ni wa ni tamɔ asafo babaoo gbee yɛ ŋwɛi ni miikɛɛ, “Haleluya! Yiwalaheremɔ kɛ anunyam kɛ hewalɛ lɛ ji wɔNyɔŋmɔ lɛ nɔ!

Kpojiemɔ 19:6

Ni minu gbee ko tamɔ asafo kpeteŋkple gbee kɛ nui babaoo kɛ nyɔŋmɔshiimɔi ni naa wa agbɛɛmɔ miikɛɛ, “Haleluya! Ejaakɛ Nuŋtsɔ, wɔNyɔŋmɔ Ofe lɛ miiye maŋtsɛ!”

Kpojiemɔ 20:4

Ni mina maŋtsɛ sɛ̃ii ni mɛi ni akɛ kojomɔ ehã amɛ lɛ tara nɔ. Ni mina mɛi ni afolɔ amɛyii yɛ Yesu he odaseyeli lɛ kɛ Nyɔŋmɔ wiemɔ lɛ hewɔ lɛ asusumai lɛ, kɛ mɛi ni jako kooloo lɛ loo emãgã lɛ ni amɛheko ekadi lɛ yɛ amɛhiɛŋtsei anɔ loo amɛdɛ̃ lɛ. Amɛtsɔ̃mɔ hiɛkãalɔi ekoŋŋ, ni amɛkɛ Kristo ye maŋtsɛ afii akpe.

Kpojiemɔ 8:12

Ni bɔfo ni ji ejwɛ lɛ kpã etrɛtrɛmantrɛ, ni atswa hulu mlijai etɛ̃ mli ekome kɛ nyɔɔŋtsere mlijai etɛ̃ mli ekome kɛ ŋulamii amlijai etɛ̃ mli ekome nɔ, amɛmlijai etɛ̃ mli ekomekome lɛ wo duŋ, ni shwane mlijai etɛ̃ mli ekome lɛ jeŋ tseee ni nyɔɔŋ hu nakai nɔŋŋ.

Kpojiemɔ 9:1

Ni bɔfo ni ji enumɔ lɛ kpã etɛtrɛmantrɛ lɛ, ni mina ŋulami ko jɛ ŋwɛi bagbee shikpɔŋ lɛ nɔ, ni akɛ bu kwɔŋkwɔŋ lɛ naa samfee lɛ hã lɛ.

Kpojiemɔ 9:13

Ni bɔfo ni ji ekpaa lɛ kpã etɛtrɛmantrɛ lɛ, ni minu gbee ko kɛjɛ shika afɔleshãa latɛ ni ma Nyɔŋmɔ hiɛ lɛ akloŋtoi ejwɛ lɛ mli