Kpojiemɔ 11:13 - ŊMALƐ KRƆŊKRƆŊ LƐ

¹³ Ni nakai ŋmɛlɛtswaa lɛ nɔ nɔŋŋ lɛ shikpɔŋ hoso waa, ni maŋ lɛ mlijai nyɔŋma mli ekome wule, ni shikpɔŋ hosomɔ lɛ mli lɛ agbe gbɔmɛi akpei kpawo, ni mɛi ni shwɛ lɛ she gbeyei, ni amɛkɛ anunyam hã ŋwɛi Nyɔŋmɔ lɛ.

Ṅmãle̱ Kroṅkroṅ Le̱

¹³ Ni nakai ṅmle̱tſā le̱ no̱ noṅṅ le̱ šikpoṅ hoso wā, ni maṅ le̱ mlidšãi nyoṅma mli ekome wule; ní šikpoṅhosomo̱ le̱ mli le̱ agbe gbomei akpei-kpawo, ni mei ni ſe̱ le̱ še gbeyei, ni ame̱ṅõ anumnyam ame̱hã ṅwei Nyoṅmo̱ le̱.

Kpojiemɔ 11:13 ပူးပေါင်းရင်းမြစ်များ

1 Mose 6:4

Nakai bei lɛ amli kɛ no sɛɛ fɛɛ lɛ Nyɔŋmɔbii lɛ kɛ gbɔmɛi abiyei lɛ fɔfɔɔ asaabui yɛ shikpɔŋ lɛ nɔ. Bii nɛɛ tsɔmɔ gbɔmɛi kãkãlɔi ni agbɛii hehee kɛjɛ blema bei lɛ amli tɔ̃ɔ.

Yesaia 29:6

Yehowa, Taiatsɛ lɛ, kɛ ŋwɛi shiimɔ kɛ shikpɔŋhosomɔ kɛ gbɛɛmɔ kpeteŋkple kɛ lasuogbele kɛ ahum kɛ la ni kpãtãa nii hiɛ aaakpɔ̃ bo.

Yeremia 13:16

Nyɛwoa Yehowa, nyɛNyɔŋmɔ lɛ, hiɛ nyam, be ni ehãko duŋ awo nyɛ, be ni nyɛbɔ̃iko tɛrɛmɔ yɛ gɔji ni anɔ ewo duŋ lɛ anɔ; ni be mli ni okwɛɔ la gbɛ lɛ, ehãa duŋ moŋ woɔ, ni duŋ lɛ woɔ kabitii.

Maleaki 2:2

Kɛji nyɛbooo wiemɔ nɛɛ toi ni nyɛkɛaato nyɛtsui mli, bɔ ni afee ni nyɛkɛ nyɛjeŋba awo migbɛi hiɛ nyam lɛ, no lɛ mibalomɔ nyɛ; mibalomɔ nibii ni ahãa nyɛ ni nyɛkɛkwɛɔ nyɛhe lɛ fɛɛ. Anɔkwale mli lɛ, milomɔ nibii nɛɛ momo ejaakɛ nyɛbuuu mikitã lɛ.

Yohane 9:24

Kɛkɛ ni amɛtsɛ nuu ni sa ni eji shwilafo lɛ nɔ ni ji shii enyɔ, ni amɛkɛɛ lɛ akɛ, “Ŋɔɔ anunyam ohã Nyɔŋmɔ; shi wɔ lɛ wɔle akɛ gbɔmɔ nɛɛ eshafeelɔ ji lɛ.”

Bɔfoi 1:15

Nɛkɛ be nɛɛ mli lɛ Petro te shi edamɔ nyɛmimɛi lɛ ateŋ (mɛi fɛɛ ni ebabua amɛhe naa lɛ aaafee oha kɛ nyɔŋmai enyɔ) ni ekɛɛ,

Yoshua 7:19

Kɛkɛ ni Yoshua kɛɛ Akan akɛ, “Mibi, wo Yehowa, Israel Nyɔŋmɔ lɛ, hiɛ nyam, ni asaŋ jiemɔ eyi. Jajemɔ otsɔ̃ɔ mi nɔ ni ofee; kaashiu mi sane nɔ.”

Kpojiemɔ 11:11

Ni gbii etɛ̃ kɛ fã lɛ sɛɛ lɛ wala mumɔ jɛ Nyɔŋmɔ ŋɔɔ ba amɛmli, ni amɛte shi amɛdamɔ amɛnaji anɔ, ni gbeyei kpeteŋkple mɔmɔ mɛi ni na amɛ lɛ.

Kpojiemɔ 11:19

Ni agbele Nyɔŋmɔ Sɔlemɔtsu lɛ naa yɛ ŋwɛi, ni ana ekpãŋmɔ adeka lɛ yɛ eSɔlemɔtsu lɛ mli, ni srawai gbala kɛ gbɛɛmɔ ni nyɔŋmɔ shimɔ ni shikpɔŋ hoso ni nyɔŋmɔŋtɛi babaoo nɛ.

Kpojiemɔ 14:7

Ni ekɛ gbee ni wa kɛɛ, “Nyɛshea Nyɔŋmɔ gbeyei ni nyɛkɛ anunyam ahãa lɛ ejaakɛ ekojomɔ ŋmɛlɛtswaa lɛ eshɛ; ni nyɛjaa mɔ ni fee ŋwɛi kɛ shikpɔŋ kɛ ŋshɔ kɛ nuhiŋmɛii lɛ!”

Kpojiemɔ 15:4

Namɔ po sheŋ bo gbeyei, Nuŋtsɔ, ni ewoŋ ogbɛ́i lɛ hiɛ nyam? Ejaakɛ bo okometoo ji Mɔ krɔŋkrɔŋ; ejaakɛ jeŋmaji lɛ fɛɛ aaaba ni amɛbaja yɛ ohiɛ, ejaakɛ ajie ojalɛ nitsumɔi lɛ ashi faŋŋ.”

Kpojiemɔ 19:7

“Nyɛhãa wɔmii ashɛa ni wɔmli afilia wɔ ni wɔwo ehiɛ nyam! Ejaakɛ Toobi lɛ yookpeemɔ lɛ eshɛ, ni eŋa lɛ esaa ehe eto.

Kpojiemɔ 3:4

Shi kɛ̃lɛ oyɛ mɛi fioo ko yɛ Sarde, mɛi ni woko amɛtadei lɛ amuji; ni amɛkɛ mi baanyiɛ yɛ atadei yɛji amli, ejaakɛ amɛsa nakai.

Kpojiemɔ 6:12

Ni mina be ni etse naasɔomɔ ni ji ekpaa lɛ, ni naa, shikpɔŋ hoso waa, ni hulu tsɔ ediŋ tamɔ kpekpe ni akɛ yitsɔi fee, ni nyɔɔŋtsere muu lɛ tsɔ̃ tamɔ lá;

Kpojiemɔ 8:5

Ni bɔfo lɛ kɔ tsofakɛŋma shãanɔ lɛ, ni eje efɔleshãa latɛ lɛ nɔ la lɛ eko ewo lɛ obɔ̃, ni etsi eshwie shikpɔŋ lɛ nɔ, ni nyɔŋmɔshiimɔi kɛ gbɛɛmɔi kɛ srawagbalamɔi kɛ shikpɔŋhosomɔ ba.

1 Samuel 6:5

No hewɔ lɛ, nyɛfea abua ni fũufuu nyɛ lɛ henɔ kɛ kwakwei ni bafite nyɛshikpɔŋ lɛ nɔ lɛ henɔ okadii, asaŋ nyɛwoa Israel Nyɔŋmɔ lɛ. Eko lɛ eeegbɔjɔ piŋmɔ lɛ mli ehã nyɛ kɛ nyɛjemawɔji lɛ kɛ nyɛshikpɔŋ lɛ hu.