Kpojiemɔ 11:12 - ŊMALƐ KRƆŊKRƆŊ LƐ

¹² Ni amɛnu gbee waa ko jɛ ŋwɛi miikɛɛ amɛ akɛ, “Nyɛkwɔa kɛbaa biɛ nɛɛ!” Ni amɛkwɔ kɛtee ŋwɛi yɛ atatu mli, ni amɛhenyɛlɔi lɛ na amɛ.

Ṅmãle̱ Kroṅkroṅ Le̱

¹² Ni ame̱nu gbē kpeteṅkple dše̱ ṅwei mīkē̱ame̱ ake̱: Nyekwo̱a ke̱-baä bie̱ ne̱! Ni *ame̱kwo̱ ke̱-te ṅwei ye̱ atatu le̱ mli, ni ame̱henye̱lo̱i le̱ naame̱. *2 Maṅ. 2,11.

Kpojiemɔ 11:12 ပူးပေါင်းရင်းမြစ်များ

2 Maŋtsɛmɛi 2:1

Agbɛnɛ be bashɛ ní Yehowa baaŋɔ Elia kɛya ŋwɛi yɛ lasuogbele mli. Elia kɛ Elisha nyiɛ gbɛ kɛjɛ Gilgal;

2 Maŋtsɛmɛi 2:11

Be ni amɛnyiɛ gbɛ kɛyaa ni amɛwieɔ lolo lɛ, naa, la shwiili kɛ la okpɔŋɔi ba, ni amɛbagbala Elia kɛ Elisha teŋ. Ni Elia tsɔ̃ lasuogbele lɛ mli kɛtee ŋwɛi.

2 Maŋtsɛmɛi 2:5

Gbalɔi aku ko ni yɔɔ Yeriko lɛ mli bii lɛ ba Elisha ŋɔɔ ni amɛbabi lɛ akɛ, “Ani ole akɛ ŋmɛnɛ Yehowa baaŋɔ onuŋtsɔ lɛ kɛje oŋɔɔ kɛya?” Ni ehã amɛ hetoo akɛ, “Mi hu mile, nyɛ lɛ, nyɛfea diŋŋ kɛkɛ!”

2 Maŋtsɛmɛi 2:7

Ni gbalɔi aku lɛ mli bii nyɔŋmai enumɔ ni nyiɛ amɛsɛɛ kɛtee lɛ, yadamɔ sɛɛ flɛŋŋ, shi amɛyi enyɔ lɛ amɛdamɔ Yordan Faa lɛ naa.

Lalai 112:10

Mɛi fɔ̃ji naa enɛ, ni amɛmli woɔ la, amɛkpeɔ amɛnyanyɔji ashishi, ni amɛlaajeɔ; mɛi fɔ̃ji ataomɔnii fɛɛ feɔ yaka.

Lalai 15:1

Yehowa, namɔ aaabote obuu lɛŋ? Namɔ aaaja yɛ Zion, ogɔŋ krɔŋkrɔŋ lɛ nɔ?

Lalai 24:3

Namɔ aaakwɔ Yehowa gɔŋ lɛ? Ni namɔ aaadamɔ ehe krɔŋkrɔŋ lɛ?

Lalai 86:17

Too mi suɔmɔ ni okɛsumɔɔ mi lɛ he okadi ko, koni mɛi ni nyɛɔ mi lɛ ana, ni amɛhiɛ agboi; ejaakɛ bo, Yehowa, oye obua mi, ni oshɛje mimii.

2 Mose 14:25

Ehã amɛshwiilii lɛ anaji lɛ bɔi fuu, ni ekɛwo Ijiptbii lɛ hejaramɔ. Kɛkɛ ni Ijiptbii lɛ kɛɛ akɛ, “Nyɛhãa wɔjoa Israelbii lɛ anaa foi ejaakɛ Yehowa kɛ wɔ miiwu miihã amɛ.”

Yesaia 14:13

Shi bo lɛ okɛɛ ohe akɛ, ‘Mibakwɔ kɛya ŋwɛi kɛho Nyɔŋmɔ ŋulamii lɛ ahe. Mawo mimaŋtsɛ sɛ̃i lɛ nɔ kɛya ŋwɛi shɔŋŋ, ni mata nɔ yɛ kpee gɔŋ lɛ nɔ, yɛ kooyigbɛ shikpɔŋ lɛ nɔ tɔ̃ɔ.

Yesaia 40:31

Shi mɛi ni hiɛ kã Yehowa nɔ lɛ, amɛaana hewalɛ hee: amɛaafliki tamɔ okropɔŋ amɛaajo foi, ni etɔŋ amɛ amɛaanyiɛ hu, ni amɛgbɔjɔŋ.

Yesaia 60:8

Mɛɛ ji nibii nɛɛ ni hoɔ tamɔ atatu loo tamɔ okpoi ni eku amɛsɛɛ kɛmiiba amɛtsu naa nɛɛ?

Maleaki 3:18

No dani nyɛbaana ekoŋŋ nɔ srɔto ni yɔɔ jalɔ kɛ efɔŋfeelɔ teŋ, kɛ srɔto ni yɔɔ mɔ ni sɔ̃mɔɔ Nyɔŋmɔ kɛ mɔ ni sɔ̃mɔɔɔ Nyɔŋmɔ teŋ.”

Luka 16:23

Ni be ni eyɔɔ hejaramɔi amli yɛ gbohiiaje ni eyaawo ehiɛ nɔ lɛ, ena Abraham yɛ shɔŋŋ, kɛ Lazaro ni hɔ emlishi.

Bɔfoi 1:9

Be ni ewie nii nɛɛ lɛ, amɛmiikwɛ lɛ nɔŋŋ ni awo lɛ, ni atatu ko ŋɔ lɛ kɛje amɛhiɛ kɛtee.

1 Tesalonikabii 4:17

no sɛɛ lɛ wɔ mɛi ni wɔhiɛ kãmɔ ni eshwɛ lɛ, aaasha wɔ kɛ amɛ fɛɛ yɛ atatui amli kɛaatee Nuŋtsɔ lɛ kpeemɔ yɛ kɔɔyɔɔ mli, ni nakai wɔkɛ Nuŋtsɔ lɛ aaayahi shi daa.

Kpojiemɔ 12:5

Ni yoo lɛ fɔ binuu ni kɛ dadetso baakpala jeŋmaji lɛ fɛɛ lɛ; ni asha ebi lɛ kɛtee Nyɔŋmɔ ŋɔɔ yɛ emaŋtsɛ sɛ̃i lɛ masɛi.

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.

Kpojiemɔ 4:1

Nii nɛɛ asɛɛ lɛ mikwɛ, ni naa, shinaa ko ni agbele yɛ ŋwɛi; ni klɛŋklɛŋ gbee ni minu ni tamɔ tɛtɛrɛmantɛrɛ ni kɛ mi wie lɛ kɛɛ, “Kwɔɔ kɛba biɛ nɛɛ, ni matsɔ̃ɔ bo nii ni sa akɛ aba mli yɛ nii nɛɛ asɛɛ.”