Kpojiemɔ 11:11 - ŊMALƐ KRƆŊKRƆŊ LƐ

¹¹ Ni gbii etɛ̃ kɛ fã lɛ sɛɛ lɛ wala mumɔ jɛ Nyɔŋmɔ ŋɔɔ ba amɛmli, ni amɛte shi amɛdamɔ amɛnaji anɔ, ni gbeyei kpeteŋkple mɔmɔ mɛi ni na amɛ lɛ.

Ṅmãle̱ Kroṅkroṅ Le̱

¹¹ Ni gbĩĩ etẽ ke̱ fã le̱ se̱ le̱ wala mumo̱ dše̱ Nyoṅmo̱ ṅõ ba ame̱mli, ni ame̱te ši ame̱damo̱ ame̱nãdši ano̱, ni gbeyei kpeteṅkple mõmo̱ mei ní naame̱ le̱.

Kpojiemɔ 11:11 ပူးပေါင်းရင်းမြစ်များ

1 Mose 2:7

Kɛkɛ ni Nuŋtsɔ Nyɔŋmɔ kɛ shikpɔŋ sũ shɔ̃ gbɔmɔ, ni emu wala mumɔ ewo egugɔ mli, ni gbɔmɔ tsɔ bɔɔnɔ ni hiɛ kã.

Yeremia 33:9

Ni maŋ nɛɛ gbɛi baahã mimli afili mi, ni ebaatsɔ̃ miyijiemɔ kɛ mihiɛ nyam yɛ jeŋ maji fɛɛ ni aaanu ejuji fɛɛ ni mifee amɛ lɛ he lɛ ahiɛ. Amɛtsui baafã, ni amɛhe baakpokpo yɛ ejuji fɛɛ ni mifeɔ maŋ nɛɛ kɛ shweremɔ ni mihãa amɛshwereɔ lɛ hewɔ.”

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Bɔfoi 5:11

Ni gbeyei kpeteŋkple mɔ asafo muu lɛ fɛɛ kɛ mɛi fɛɛ ni nu nii nɛɛ.

Bɔfoi 5:5

Ni be ni Anania nu nɛkɛ wiemɔi nɛɛ, egbee shi, ni egbo. Ni gbeyei kpele mɔmɔ mɛi fɛɛ ni nu lɛ.

Romabii 8:11

Shi kɛ mɔ ni tee Yesu shi kɛjɛ gbohii ateŋ lɛ mumɔ lɛ hiɔ nyɛmli lɛ, mɔ ni tee Kristo shi kɛjɛ gbohii ateŋ lɛ aaahã nyɛgbɔmɔtsei ni baagboi lɛ hu yi ana wala yɛ eMumɔ ni hiɔ nyɛmli lɛ hewɔ.

Romabii 8:2

Ejaakɛ mumɔ mla ni hãa wala yɛ Kristo Yesu mli lɛ ekpɔ̃ mi yɛ esha kɛ gbele mla lɛ dɛŋ.

Yoshua 2:9

ni eyakɛɛ amɛ akɛ, “Mile akɛ Yehowa kɛ shikpɔŋ nɛɛ ehã nyɛ, ni nyɛhe ŋmiŋmi emɔmɔ wɔmaŋbii fɛɛ, ni shikpɔŋ lɛ nɔ bii fɛɛ ejijaa yɛ nyɛhewɔ;

Kpojiemɔ 11:13

Ni nakai ŋmɛlɛtswaa lɛ nɔ nɔŋŋ lɛ shikpɔŋ hoso waa, ni maŋ lɛ mlijai nyɔŋma mli ekome wule, ni shikpɔŋ hosomɔ lɛ mli lɛ agbe gbɔmɛi akpei kpawo, ni mɛi ni shwɛ lɛ she gbeyei, ni amɛkɛ anunyam hã ŋwɛi Nyɔŋmɔ lɛ.

Kpojiemɔ 11:9

Ni mɛi komɛi ni jɛ maji lɛ kɛ akutsei lɛ kɛ maji anɔ wiemɔi lɛ kɛ jeŋmaji lɛ amli lɛ aaakwɛ amɛgbohii lɛ gbii etɛ̃ kɛ fã, ni amɛkpɛlɛ̃ŋ ni afu amɛ.