Kpojiemɔ 11:10 - ŊMALƐ KRƆŊKRƆŊ LƐ

¹⁰ Ni mɛi ni yɔɔ shikpɔŋ lɛ nɔ lɛ aaanya yɛ amɛnɔ ni amɛmli aaafli amɛ, ni amɛ aaamajemajee amɛhe keenii, ejaakɛ nɛkɛ gbalɔi enyɔ nɛɛ piŋ mɛi ni yɔɔ shikpɔŋ lɛ nɔ lɛ.

Ṅmãle̱ Kroṅkroṅ Le̱

¹⁰ Ni mei ní hĩo̱ šikpoṅ le̱ no̱ le̱ aanyã́ ye̱ ame̱hewo̱ ní ame̱mli aafliame̱, ni ame̱amãdšemãdše amehe kẽnii, edšake̱ ne̱ke̱ gbaloi enyo̱ ne̱ pī mei ní hĩo̱ šikpoṅ le̱ no̱ le̱.

Kpojiemɔ 11:10 ပူးပေါင်းရင်းမြစ်များ

1 Maŋtsɛmɛi 18:17

Be ni Ahab na Elia lɛ, Ahab kɛɛ lɛ akɛ, “Bo Israel haolɔ lɛ, bo nɛ?”

1 Maŋtsɛmɛi 21:20

Be ni Ahab na Elia lɛ, ekɛɛ, “Ei mihenyɛlɔ, bo onine egbe mi nɛɛ.” Elia here lɛ nɔ ekɛɛ, “Minine egbe bo lɛɛlɛŋ, ejaakɛ ohã efɔŋfeemɔ eŋɔ bo nom yɛ Yehowa hiɛ.

1 Maŋtsɛmɛi 22:18

Kɛkɛ ni Ahab kɛɛ Yehoshafat akɛ, “Ani mikɛɛɛ bo akɛ egbaŋ gbalɛ jurɔ kɔkɔɔkɔ yɛ mihe, fe efɔŋ pɛ?”

1 Maŋtsɛmɛi 22:8

Israel Maŋtsɛ Ahab kɛɛ Yehoshafat akɛ, “Mɔ kome ko yɛ, ni kulɛ wɔɔnyɛ wɔyabi Yehowa daaŋ gbee yɛ eŋɔɔ. Lɛ ji Imla bi Mikaia lɛ; shi moŋ misumɔɔɔ esane, ejaakɛ egbako gbalɛ kpakpa ko yɛ mihe dã, fe akɛ be fɛɛ be lɛ gbalɛ gbonyo.” Shi Yehoshafat kɛɛ akɛ, “Nii akakɛɛ nakai!”

Lalai 13:4

Kaahã mihenyɛlɔ miikɛɛ akɛ, “Miye enɔ”, ni mihaolɔi lɛ akanya yɛ mishigbeemɔ hewɔ.

Lalai 35:19

Kaahã mɛi ni nyɛɔ mi yakatswaa lɛ miiye mi yɔɔ; ni kaahã mɛi ni he tsɛ̃ɔ mi yakatswaa lɛ mikpɛkpɛɛ mi.

Lalai 89:42

Ohã ehenyɛlɔi anine etsɔ̃ enɔ; ohã ehenyɛlɔi fɛɛ miinya.

Abe̱i 24:17

Kɛji ohenyɛlɔ gbee shi lɛ, kaanya, ni kɛji etɛ lɛ, omli akafili bo.

Yeremia 38:4

Kɛkɛ ni lumɛi nɛɛ tee ni amɛyakɛɛ Maŋtsɛ Zedekia akɛ, “Hã agbe nɛkɛ nuu nɛɛ, ejaakɛ tabilɔi ni eshwɛ yɛ maŋ lɛ mli lɛ kɛ maŋ muu lɛ fɛɛ anijiaŋ miije wui yɛ nɛkɛ wiemɔi nɛɛ ni ewieɔ ewoɔ amɛtoiiaŋ lɛ ahewɔ. Nuu nɛɛ taooo maŋbii lɛ ekpakpa, fe efɔŋ moŋ.”

Yeremia 50:11

Yehowa kɛɛ akɛ, “Nyɛ mɛi ni nyɛha miwebii anii, eyɛ mli akɛ nyɛmiinya, ni nyɛmli efili nyɛ tamɔ tsinabi oblayoo ni miigbɛlɛ abele; ni nyɛmiibolɔ tamɔ okpɔŋɔ nuu moŋ nɛ,

Obadia 1:12

Kulɛ esaaa akɛ bo hu oyi awa tamɔ amɛ nɔŋŋ. Oyeɔ onyɛmimɛi Yudabii lɛ ayɔɔ yɛ amanehulu ni banina amɛ lɛ hewɔ; ni ebɛ akɛ ooonya yɛ amɛhiɛkpãtãmɔ gbi lɛ nɔ; ni esaaa akɛ oshwãa yɛ haomɔ gbi lɛ nɔ.

Mika 7:8

Ao mihenyɛlɔ, kaaye mi yɔɔ. Kɛ migbee shi lɛ, mibate shi ekoŋŋ; kɛ duŋ wo mi lɛ, Yehowa aaatsɔ̃ la ahã mi.

Mateo 10:22

Ni mɛi fɛɛ aaanyɛ nyɛ yɛ migbɛi lɛ hewɔ; shi mɔ ni hiɛɔ mli kɛyawulaa shi lɛ, aaahere eyiwala.

Yohane 16:20

Anɔkwale mikɛɔ nyɛ akɛ, nyɛ lɛ nyɛbaafo ni nyɛbaawo yara, shi je lɛ baanya; nyɛ lɛ nyɛbaaye ŋkɔmɔ, shi nyɛkɔmɔyeli lɛ aaatsɔ̃ miishɛɛ.

Yohane 7:7

Je lɛ nyɛɛɛ nyɛ anyɛ; shi mi lɛ enyɛɔ mi, ejaakɛ miyeɔ ehe odase akɛ enitsumɔi lɛ nitsumɔi fɔ̃ji ni.

Bɔfoi 5:33

Shi be ni amɛnu lɛ ewo amɛmli la ni amɛto amɛyiŋ akɛ amɛaagbe amɛ.

1 Korintobii 13:6

enyãaa nɔ sha he; shi anɔkwale moŋ he enyãa;

Kpojiemɔ 12:13

Ni be ni drako lɛ na akɛ ashɛ lɛ afɔ̃ shikpɔŋ lɛ, etiu yoo lɛ ni fɔ binuu lɛ.

Kpojiemɔ 13:14

Ni ekɛ okadii ni ahã lɛ hegbɛ akɛ efee yɛ kooloo lɛ hiɛ lɛ shishiuɔ mɛi ni yɔɔ shikpɔŋ lɛ nɔ lɛ, ni ekɛɔ mɛi ni yɔɔ shikpɔŋ lɛ nɔ lɛ akɛ amɛfee amãgã amɛhã kooloo lɛ ni klante naa pilamɔ yɔɔ ehe ni ehiɛ kã lɛ.

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

Kpojiemɔ 16:10

Ni bɔfo ni ji enumɔ lɛ fɔse etɔ lɛ mli nii lɛ eshwie kooloo lɛ maŋtsɛ sɛ̃i lɛ nɔ, ni emaŋtsɛyeli lɛ wo duŋ, ni gbɔmɛi kɔ̃mɔ amɛlilɛii yɛ nɔnaa lɛ hewɔ.

Kpojiemɔ 3:10

Ejaakɛ oye miwiemɔ ni kɛɔ akɛ, ‘Miamɔ ohiɛ’ lɛ nɔ hewɔ lɛ, mi hu mato bo shweshweeshwe yɛ kaa ŋmɛlɛtswaa ni baaba jeŋ muu lɛ fɛɛ nɔ ni akɛbaaka mɛi ni yɔɔ shikpɔŋ lɛ nɔ lɛ mli.