Kpojiemɔ 10:5 - ŊMALƐ KRƆŊKRƆŊ LƐ

⁵ Ni bɔfo lɛ ni mina akɛ edamɔ ŋshɔ lɛ nɔ kɛ shikpɔŋ lɛ nɔ lɛ wó eninejurɔ nɔ kɛtee ŋwɛi,

Ṅmãle̱ Kroṅkroṅ Le̱

⁵ Ni bo̱fo le̱ ní mina ake̱ edamo ṅšo̱ le̱ no̱ ke̱ šikpoṅ le̱ no̱ le̱ wó eninedšŭrõ no̱ ke̱-te ṅwei,

Kpojiemɔ 10:5 ပူးပေါင်းရင်းမြစ်များ

1 Mose 14:22

Shi Abram kɛɛ Sodom maŋtsɛ lɛ akɛ, “Mina Ŋwɛi Flooflo Nyɔŋmɔ ni ji ŋwɛi kɛ shikpɔŋ bɔlɔ lɛ

Nehemia 9:6

“Bo okome too ji Yehowa, Bo obɔ ŋwɛi kɛ ŋwɛii amli ŋwɛi kɛ ŋwɛinii huhai abɔ lɛ fɛɛ. Bo obɔ shikpɔŋ kɛ nɔ fɛɛ nɔ ni yɔɔ nɔ, ŋshɔi kɛ nɔ fɛɛ nɔ ni yɔɔ amɛmli; ni bo nɔŋŋ ohãa amɛ fɛɛ kwa naa wala ni ŋwɛinii babaoo lɛ, bo nɔŋŋ amɛjaa.

Lalai 146:5

Ajɔɔ gbɔmɔ ni Yakob Nyɔŋmɔ lɛ ji eyelikɛbualɔ, mɔ ni ehiɛ kãa Yehowa, eNyɔŋmɔ lɛ nɔ lɛ.

2 Mose 20:11

Ejaakɛ gbii ekpaa Yehowa kɛbɔ ŋwɛi kɛ shikpɔŋ kɛ ŋshɔ kɛ amɛmli nibii fɛɛ; ni gbi ni ji kpawo lɛ nɔ lɛ ejɔɔ ehe. No hewɔ ni Yehowa jɔɔ hejɔɔmɔ gbi lɛ, ni efee lɛ krɔŋkrɔŋ lɛ.

2 Mose 6:8

Mikɛ nyɛ aaatee shikpɔŋ lɛ ni mikã he kitã akɛ mikɛbaahã Abraham kɛ Isak kɛ Yakob lɛ nɔ. Mi ji Yehowa.’ ”

Ezekiel 20:15

Asaŋ mikã amɛ kitã yɛ ŋa lɛ nɔ akɛ mikɛ amɛ baŋ shikpɔŋ ni mikɛhã amɛ lɛ nɔ; shikpɔŋ ni hi ni ebaa nii, ni eji shikpɔji lɛ ateŋ nɔ ni hi fe fɛɛ lɛ.

Ezekiel 20:23

Kɛ̃lɛ, mikã amɛ kitã yɛ ŋa lɛ nɔ akɛ magbɛ amɛ mashwã jeŋmaji lɛ ateŋ, ni magbɛ amɛ mashwã shikpɔji lɛ anɔ;

Ezekiel 20:28

Ejaakɛ be ni mihã amɛyashɛ shikpɔŋ ni mikã kitã akɛ mikɛaahã amɛ lɛ nɔ lɛ, gɔŋkpɔ fɛɛ gɔŋkpɔ ni kwɔ, loo tso kusuu fɛɛ tso kusuu ni amɛaana lɛ, amɛyashãa amɛ afɔlei lɛ yɛ jɛi, ni amɛkɛ afɔleshãa nɛɛ wo mimli la; jɛi nɔŋŋ amɛshãa amɛtsofakɛŋmai lɛ yɛ, ni jɛi nɔŋŋ amɛfɔse amɛdãa afɔle lɛ amɛshwie shi yɛ.

Ezekiel 20:42

Kɛji mikɛ nyɛ bashɛ Israel shikpɔŋ lɛ nɔ, shikpɔŋ ni mikã he kitã akɛ maŋɔ hã nyɛtsɛmɛi lɛ, no nyɛkɛaale akɛ mi ji Yehowa.

Ezekiel 20:5

Bɔ ni Nuŋtsɔ Yehowa kɛɛ nɛ, gbi ni miŋɔ Israel lɛ mikã Yakob shwiei lɛ akitã ni mihã amɛle mi yɛ Ijipt shikpɔŋ lɛ nɔ. Mikã amɛ kitã akɛ, ‘Mi ji Yehowa, nyɛNyɔŋmɔ lɛ.’

Ezekiel 36:7

No hewɔ lɛ, bɔ ni mi, Nuŋtsɔ Yehowa mikɛɔ nɛ, Miikã midiɛŋtsɛ mihe kitã akɛ, majimaji ni bɔle nyɛ lɛ hu hiɛ baashwie shi nakai nɔŋŋ.

Ezekiel 47:14

Mikã shikpɔŋ nɛɛ he kitã akɛ mikɛbaahã nyɛtsɛmɛi lɛ, agbɛnɛ lɛ etsɔ̃ nyɛgbɛfaŋnɔ. No hewɔ lɛ, nyɛjaa lɛ bɔ ni mɔ fɛɛ mɔ ana pɛpɛɛpɛ tamɔ enyɛmi.

Daniel 12:7

Ni nuu ni wo klala ni yɔɔ faa lɛ sɛɛ lɛ wo eninejurɔ kɛ ebɛku nɔ kɛtee ŋwɛi, ni ekã mɔ ni hiɛ kã kɛyaa naanɔ lɛ kitã. Minu ni ekɛɛ, “Ebaakã he kɛyashi afii etɛ̃ kɛ fã, beyinɔ ni aaakumɔ hewalɛ ni waa mɛi krɔŋkrɔŋi lɛ ayi lɛ agbe naa; kɛkɛ lɛ aaagbe enɛɛmɛi fɛɛ naa.”

Bɔfoi 14:15

“Ataamɛi, mɛni nyɛfeɔ nɛɛ? Wɔ hu gbɔmɛi adesai ji wɔ tamɔ nyɛ nɔŋŋ, ni wɔmiijaje Sanekpakpa wɔmiitsɔ̃ɔ nyɛ, koni nyɛku nyɛsɛɛ kɛjɛ nɛkɛ yakayakanii nɛɛ ahe kɛba Nyɔŋmɔ hiɛkãalɔ lɛ ŋɔɔ, mɔ ni fee ŋwɛi kɛ shikpɔŋ kɛ ŋshɔ kɛ nii fɛɛ ni yɔɔ amɛmli lɛ.

Bɔfoi 17:23

Ejaakɛ be ni mihoɔ ni mikwɛ nii ni nyɛjaa lɛ, mina afɔleshãa latɛ ko hu ni aŋma yɛ nɔ akɛ, ‘Nyɔŋmɔ ni aleee lɛ nɔŋ.’ No hewɔ lɛ, mɔ ni nyɛleee lɛ ni kɛ̃ lɛ nyɛjaa lɛ lɛ, lɛ nɔŋŋ ehe sane mijajeɔ mitsɔ̃ɔ nyɛ nɛɛ.

Romabii 1:20

Ejaakɛ ehenii ni anaaa ni ji enaanɔ hewalɛ kɛ nyɔŋmɔ ni eji lɛ fɛɛ lɛ, kɛjɛ jeŋbɔɔ mli beebe lɛ atsɔ̃ɔ enii ni efee lɛ anɔ ayɔseɔ ni anaa faŋŋ, no hewɔ lɛ, amɛbɛ naajiemɔ ko;

5 Mose 32:40

Ejaakɛ miiwo minine nɔ kɛya ŋwɛi, ni miikɛɛ akɛ, miyɛ kɛmiiya naanɔ lɛ,

Hebribii 6:13

Ejaakɛ be ni Nyɔŋmɔ wo Abraham shi lɛ, akɛni ebɛ mɔ ko ni fe lɛ diɛŋtsɛ ni eeekã lɛ kitã hewɔ lɛ, ekã lɛ diɛŋtsɛ ehe kitã

Kpojiemɔ 1:18

kɛ hiɛkãalɔ lɛ. Migbo, ni naa, mihiɛ kã kɛmiiya naanɔi anaanɔ, ni mihiɛ gbele kɛ gbohiiaje naa samfei lɛ.

Kpojiemɔ 10:2

Ni ehiɛ wolo bibioo ko ni agbele naa yɛ edɛŋ; ni ekɛ enanejurɔ ma ŋshɔ nɔ, ni ekɛ enane abɛku hu ma shikpɔŋ nɔ.

Kpojiemɔ 14:7

Ni ekɛ gbee ni wa kɛɛ, “Nyɛshea Nyɔŋmɔ gbeyei ni nyɛkɛ anunyam ahãa lɛ ejaakɛ ekojomɔ ŋmɛlɛtswaa lɛ eshɛ; ni nyɛjaa mɔ ni fee ŋwɛi kɛ shikpɔŋ kɛ ŋshɔ kɛ nuhiŋmɛii lɛ!”

Kpojiemɔ 16:17

Ni bɔfo ni ji kpawo lɛ fɔse etɔ lɛ mli nii lɛ ewo kɔɔyɔɔ mli ni gbee ni wa ko jɛ maŋtsɛ sɛ̃i lɛ mli yɛ Sɔlemɔtsu lɛ mli kɛɛ akɛ, “Agbe naa!”

Kpojiemɔ 4:11

“WɔNuŋtsɔ kɛ wɔNyɔŋmɔ, osa akɛ oŋɔ anunyam kɛ woo kɛ hewalɛ lɛ, ejaakɛ bo obɔ nii fɛɛ, ni osuɔmɔ naa abɔ amɛ ni amɛyɔɔ wala.”

Kpojiemɔ 4:9

Ni be ni hiɛkãalɔi lɛ ŋɔɔ anunyam kɛ agbojee kɛ shidaa amɛhãa mɔ ni ta maŋtsɛ sɛ̃i lɛ nɔ ni ehiɛ kã kɛyaa naanɔi anaanɔ lɛ,