Kpojiemɔ 10:4 - ŊMALƐ KRƆŊKRƆŊ LƐ

⁴ Ni be ni nyɔŋmɔ shiimɔi kpawo lɛ wo amɛgbei lɛ, kulɛ miiŋma; ni minu gbee ko jɛ ŋwɛi miikɛɛ akɛ, “Sɔomɔ nii ni nyɔŋmɔshiimɔi kpawo lɛ wie lɛ anaa oto, ni oka ŋma.”

Ṅmãle̱ Kroṅkroṅ Le̱

⁴ Ni beni nyoṅmo̱šimo̱i kpawo le̱ wo ame̱gbēi le̱, kũle̱ mīhe maṅmã; ni minu gbē ní dše̱ ṅwei mīkē̱mi ake̱: *So̱omo̱ nii ní nyoṅmo̱simo̱i kpawo le̱ wie le̱ anā, ní okaṅmã. *Dan 8,28; 12,4. 9.

Kpojiemɔ 10:4 ပူးပေါင်းရင်းမြစ်များ

Yesaia 29:11

Enɛɛmɛi ahe ninaa lɛ etsɔ̃ tamɔ wolo ni asɔo naa mli wiemɔi eha nyɛ. Kɛji akɛ wolo lɛ hã mɔ ko ni eeenyɛ ekane, ni afã lɛ akɛ, ‘Kanemɔ’ lɛ, ebaakɛɛ akɛ, ‘Minyɛŋ, ejaakɛ asɔo naa.’

Yesaia 8:1

Yehowa kɛɛ mi akɛ, “Kɔ tao kpeteŋkple koni akɛ niŋmaa okadii ni dara aŋma wiemɔ nɛɛ yɛ nɔ, ‘Haanii yaa oya! Ofɔ̃yelinii yaa mramra.’ ”

Yesaia 8:16

Nyɛ mikaselɔi lɛ, nyɛbaa tsɔsemɔ wiemɔi lɛ ayi yɛ nyɛteŋ.

Daniel 12:4

Shi ekɛɛ mi akɛ, “Bo, Daniel, tsiimɔ wiemɔi nɛɛ anɔ, ni osɔo wolo nɛɛ naa kɛyashi naagbee be lɛ. Ni mɛi pii aaagba amɛhe naa kɛya kɛba kɛtao nɔ ni eba lɛ shishi; ni nilee aaafa.”

Daniel 12:9

Eto he ekɛɛ akɛ, “Daniel, kwɛmɔ ohiɛgbɛ ni oya! Wiemɔi lɛ atsimɔ nɔ, ni asɔo amɛnaa kɛyaashi naagbee be lɛ aaaba.

Daniel 8:26

Naa, daa leebi kɛ gbɛkɛ afɔle ni ashãa lɛ he ninaa ni agbala mli atsɔ̃ɔ bo lɛ, anɔkwale ni. Shi bo lɛ okɛto onakutsoŋ, ejaakɛ be kplaŋŋ baaho aya dani sane nɛɛ baaba mli.”

5 Mose 29:29

“Teemɔŋ nibii lɛ Yehowa, wɔNyɔŋmɔ lɛ, koome nɔ ni; shi kɛji ajie nɔ ko kpo atsɔ̃ɔ pɛ, nɔ lɛ etsɔ̃ wɔ kɛ wɔbii anɔ kɛmiiya naanɔ, bɔ ni afee ni wɔye mla nɛɛ mli wiemɔi lɛ fɛɛ kwa nɔ.”

Kpojiemɔ 1:11

ni kɛɛ akɛ, “Nɔ ni onaa lɛ; ŋmaa owo wolo mli, ni okɛmaje asafoi kpawo lɛ: Efeso kɛ Smirna kɛ Pergamo kɛ Tiatira kɛ Sarde kɛ Filadelfia kɛ Laodikea.”

Kpojiemɔ 1:19

No hewɔ lɛ, ŋmaa nii ni ona lɛ kɛ nii ni yɔɔ kɛ nii ni baaba yɛ nii nɛɛ asɛɛ lɛ.

Kpojiemɔ 10:8

Ni gbee ni minu kɛjɛ ŋwɛi lɛ kɛ mi wie ekoŋŋ ni ekɛɛ, “Yaa ni oyahe wolo lɛ ni agbele naa lɛ yɛ bɔfo ni damɔ ŋshɔ lɛ nɔ kɛ shikpɔŋ lɛ nɔ lɛ dɛŋ.”

Kpojiemɔ 22:10

Ni ekɛɛ mi akɛ, “Kaasɔo nɛkɛ wolo nɛɛ mli gbalɛ wiemɔi lɛ anaa, ejaakɛ be lɛ ebɛŋkɛ.