Kpojiemɔ 1:5 - ŊMALƐ KRƆŊKRƆŊ LƐ

⁵ kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Ṅmãle̱ Kroṅkroṅ Le̱

⁵ ni ke̱-dše̱ Iesu Kristo, ní dši *odasefonyo ano̱kwafo le̱, gbohĩĩ ateṅ †kromo̱bi ke̱ šikpoṅ le̱ no̱ maṅtše̱mei le̱ **ano̱yelo̱ le̱ deṅ. Moni sumoo̱wo̱, ní eke̱ le̱dientše̱ elá ††etšū wohe ke̱-dše̱ wohe ešai le̱ amli, — *3,14. Ioh. 18,37. †Kpods. 1,18. Koi. 1,18. **Kpods. 19.16 ††7,14. Heb. 9,14.

Kpojiemɔ 1:5 ပူးပေါင်းရင်းမြစ်များ

Lalai 51:2

Fɔ mihe nishaianii lɛ fɛɛ oshwie, koni ohã mihe atse,

Lalai 72:11

Maŋtsɛmɛi fɛɛ aaakoto lɛ, majimaji fɛɛ kwa aaasɔmɔ lɛ.

Lalai 89:27

Mafee lɛ mikromɔbi kɛ shikpɔŋ lɛ nɔ maŋtsɛmɛi lɛ ateŋ mɔ wulu fe fɛɛ.

Abe̱i 14:5

Odasefonyo anɔkwafo maleee; shi apasa odasefonyo maleɔ pam.

Yesaia 55:4

Naa, mifee lɛ majimaji lɛ ahiɛnyiɛlɔ kɛ tatsɛ, koni etsɔ̃ mihe odaseyelɔ ehã majimaji lɛ.

Daniel 2:2

No hewɔ lɛ, Maŋtsɛ Nebukadnezar fã akɛ ayatsɛ ashwãifeelɔi kɛ klamɔfoi kɛ ŋkunyaayelɔi ni yɔɔ Babilonbii ateŋ lɛ abaha lɛ koni amɛbatsɔ̃ɔ lɛ elamɔi lɛ ashishi. Be ni gbɔmɛi nɛɛ shɛ maŋtsɛ lɛ hiɛ lɛ,

Daniel 7:14

Ahã lɛ nɔyeli kɛ anunyam kɛ maŋtsɛyeli hewalɛ koni majimaji kɛ asafoi srɔtoi kɛ wiemɔi srɔtoi ashikpɔji anɔ bii fɛɛ asɔ̃mɔ lɛ. Emaŋtsɛyeli lɛ naanɔ maŋtsɛyeli ni, ni esɛɛ efoŋ; ni mɔ ko mɔ ko nyɛŋ hiɛ akpãtã.

3 Mose 13:58

Atade lɛ loo kpãi ni akɛlo lɛ loo kooloo wolo nɔ lɛ ni afɔ he lɛ, kɛ nɔ ni ekadi mli lɛ je mli lɛ, afɔ he ekoŋŋ koni ehe atse.

Zakaria 13:1

“Nakai gbi lɛ nɔ lɛ abaagbele nu hiŋmɛi naa ahã David we lɛ kɛ mɛi ni yɔɔ Yerusalɛm lɛ, koni akɛfɔ amɛhe eshai kɛ amɛhe muji ashwie.”

Mateo 20:28

Tamɔ bɔ ni Gbɔmɔ Bi lɛ baaa ni asɔmɔ lɛ, shi eba sɔ̃ɔmɔ moŋ ni ekɛ esusuma lɛ ahã yɛ mɛi pii akpɔ̃mɔ hewɔ lɛ.”

Mateo 28:18

Ni Yesu ba ekɛ amɛ bawie ekɛɛ, “Aŋɔ hegbɛ fɛɛ ahã mi yɛ ŋwɛi kɛ shikpɔŋ nɔ.

Yohane 13:1

Dani Hehoo Gbijurɔ lɛ aaashɛ lɛ, akɛni Yesu le akɛ eŋmɛlɛtswaa ni ekɛbaaje je nɛɛ mli kɛya Tsɛ lɛ ŋɔɔ lɛ eshɛ hewɔ lɛ, bɔ ni esumɔɔ lɛ diɛŋtsɛ emɛi ni yɔɔ je lɛ mli lɛ, nakai esumɔ amɛ kɛyashi naagbee.

Yohane 13:34

Kitã hee mikɛhãa nyɛ akɛ, Nyɛsumɔsumɔa nyɛhe.

Yohane 15:9

“Bɔ ni Tsɛ lɛ sumɔ mi lɛ, nakai mi hu misumɔ nyɛ; nyɛhia misuɔmɔ lɛ mli.

Yohane 18:37

No hewɔ lɛ, Pilato bi lɛ akɛ, “Belɛ maŋtsɛ ji bo kɛ̃?” Yesu here nɔ akɛ, “Okɛɛ; ejaakɛ maŋtsɛ ji mi. Mi lɛ, enɛ hewɔ afɔ mi, ni enɛ hewɔ nɔŋŋ miba je lɛ mli, koni mibaye anɔkwale lɛ he odase. Mɔ fɛɛ mɔ ni jɛ anɔkwale lɛ mli lɛ nuɔ migbee.”

Yohane 3:11

Miikɛɛ bo anɔkwale akɛ, nɔ ni wɔle lɛ, no wɔwieɔ; ni nɔ ni wɔna lɛ, no he odase wɔyeɔ; shi nyɛŋɔɔɔ wɔdase lɛ.

Yohane 3:16

“Ejaakɛ nɛkɛ Nyɔŋmɔ sumɔ je lɛ, akɛ eŋɔ eBi koome lɛ ehã, koni mɔ fɛɛ mɔ ni heɔ enɔ yeɔ lɛ hiɛ akakpãtã, shi moŋ ena naanɔ wala.

Yohane 3:32

ni nɔ ni ena ni enu lɛ, no he odase eyeɔ; ni mɔ ko mɔ ko eŋɔɔɔ edase lɛ.

Bɔfoi 20:28

No hewɔ lɛ, nyɛlea nyɛhenɔkwɛmɔ kɛ toiku lɛ fɛɛ ni Mumɔ Krɔŋkrɔŋ lɛ ewo nyɛ amɛnɔkwɛlɔi lɛ, koni nyɛlɛ Nyɔŋmɔ asafo lɛ ni ekɛ lɛ diɛŋtsɛ elá he lɛ.

Bɔfoi 26:23

bɔ ni Kristo lɛ baana amanehulu, bɔ ni ebaatsɔ̃ klɛŋklɛŋ mɔ yɛ gbohiiashitee lɛ mli ni ebaajaje la lɛ he sane etsɔɔ maŋ lɛ kɛ jeŋmaji lɛ.”

Romabii 3:25

Lɛ ji mɔ ni Nyɔŋmɔ jie to akɛ kpãtãmɔ nɔ kɛtsɔ̃ elá lɛ nɔ hemɔkɛyeli nɔ koni ekɛjie ejalɛ lɛ kpo, yɛ ehiɛ ni eku efɔ̃ eshai ni afee sa lɛ anɔ yɛ etsuishiŋmɛɛ mli lɛ hewɔ;

Romabii 8:37

Shi kɛ̃lɛ enɛɛmɛi fiaa mli lɛ, wɔtsɔ̃ɔ mɔ ni sumɔ wɔ lɛ nɔ wɔyeɔ kunim tsɔ̃.

1 Korintobii 6:11

Ni nɛkɛ nyɛteŋ mɛi komɛi yɔɔ sa; shi agbɛnɛ aju nyɛhe, ni asaŋ atsuu nyɛhe, ni abu nyɛ bem hu yɛ Nuŋtsɔ Yesu Kristo gbɛi kɛ wɔNyɔŋmɔ lɛ Mumɔ lɛ mli.

Galatabii 2:20

Asɛŋ mi kɛ Kristo; hewɔ lɛ jeee mi mihiɛ kã dɔŋŋ, shi Kristo ni hiɛ kã yɛ mimli; shi mihiɛ ni kã yɛ heloo mli agbɛnɛ nɛɛ, Nyɔŋmɔ Bi lɛ ni sumɔ mi ni ekɛ ehe hã yɛ mihewɔ lɛ nɔ hemɔkɛyeli mli mihiɛ kã yɛ.

Efesobii 2:4

Shi Nyɔŋmɔ ni emɔbɔnalɛ fa babaoo lɛ, etsɔ̃ lɛ diɛŋtsɛ esuɔmɔ babaoo ni ekɛsumɔ wɔ lɛ nɔ,

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

5 Mose 18:2

Akahã amɛ shikpɔŋ ni abaaja lɛ eko tamɔ abaahã amɛnyɛmimɛi akutsei krokomɛi lɛ. Mi ji amɛgbɛfaŋnɔ tamɔ bɔ ni miwo amɛ shi lɛ.

5 Mose 23:5

Shi Yehowa, nyɛNyɔŋmɔ lɛ, booo Balaam toi, shi moŋ ehã loomɔ lɛ tsɔ̃ jɔɔmɔ hã nyɛ, ejaakɛ Yehowa miisumɔ nyɛ.

5 Mose 7:8

Shi moŋ suɔmɔ ni esumɔɔ nyɛ hewɔ, shi bɔ ni afee ni eye shi ni ewo nyɛtsɛmɛi lɛ nɔ lɛ, no hewɔ ni Yehowa kɛ nineshiwalɛ jie nyɛ, ni ekpɔ̃ nyɛ kɛje nyɔŋ ni Ijipt maŋtsɛ lɛ yeɔ nyɛ lɛ mli lɛ.

Kolosebii 1:18

Ni lɛ ji gbɔmɔtso lɛ ni ji asafo lɛ yitso, lɛ ji shishijee lɛ, gbohii ateŋ kromɔbi lɛ, bɔ ni afee ni efee klɛŋklɛŋ mɔ yɛ nii fiaa mli.

1 Timoteo 6:13

Miiwo bo kitã yɛ Nyɔŋmɔ ni hãa nibii fiaa wala lɛ kɛ Kristo Yesu ni ye jajemɔ fɛɛfɛo lɛ he odase yɛ Pontio Pilato yinɔ lɛ hiɛ,

1 Timoteo 6:15

nɔ ni nɔyelɔ kome ni yɔɔ hewalɛ ni ajɔɔ lɛ, maŋtsɛmɛi aMaŋtsɛ kɛ nuŋtsɔmɛi aNuŋtsɔ lɛ baahã aba mli yɛ lɛ diɛŋtsɛ ebe ni sa mli lɛ.

Hebribii 10:29

Belɛ gbɔmɔ ko ni enaanaa Nyɔŋmɔ Bi lɛ nɔ ni ebu kpãŋmɔ lá ni akɛtsuu ehe lɛ akɛ yaka nɔ ko, ni efee dromɔ Mumɔ lɛ niseniianii lɛ, te nyɛsusuɔ akɛ toigbalamɔ ni sa lɛ mli baawa tɛŋŋ?

Hebribii 9:14

enyiɛ nɔŋŋ ni Kristo ni tsɔ̃ naanɔ Mumɔ lɛ nɔ eŋɔ ehe ni kpa ko bɛ he lɛ ehã Nyɔŋmɔ akɛ afɔle lɛ lá lɛ tsumɔŋ wɔhenilee lɛ he kɛjɛŋ nitsumɔi gbohii amli, koni wɔsɔ̃mɔ Nyɔŋmɔ hiɛkãalɔ lɛ?

1 Petro 1:19

shi moŋ Kristo, mɔ ni tamɔ Toobi ni he bɛ kpa loo ŋmamɔ nɔ ko lɛ lá ni jara wa lɛ akɛkpɔ̃ nyɛ.

1 Yohane 1:7

Shi kɛji wɔnyiɛɔ là lɛ mli, tamɔ bɔ ni lɛ diɛŋtsɛ eyɔɔ là lɛ mli lɛ, no lɛ wɔkɛ wɔhe miibɔ naanyo, ni eBi Yesu Kristo la lɛ tsumɔɔ wɔhe kɛjeɔ esha fɛɛ mli.

1 Yohane 4:10

Enɛ mli suɔmɔ lɛ yɔɔ, jeee akɛ wɔ ni wɔsumɔ Nyɔŋmɔ, shi moŋ lɛ ni esumɔ wɔ, ni etsu eBi lɛ akɛ ebafee wɔhe eshai lɛ ahe kpãtãmɔnɔ.

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 11:3

Ni mahã midasefoi enyɔ lɛ hegbɛ ni amɛgba gbii akpe kɛ ohai enyɔ kɛ nyɔŋmai ekpaa ni amɛwo kpekpe.”

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 19:11

Ni mina ni agbele ŋwɛi naa, ni mina okpɔŋɔ yɛŋ, ni mɔ ni ta nɔ lɛ atsɛɔ lɛ akɛ Anɔkwafo kɛ Anɔkwayelɔ; ni jalɛ naa ekojoɔ ni ewuɔ ta yɛ.

Kpojiemɔ 19:16

Ni aŋma gbɛi ko yɛ etade kɛ egboŋ nɔ akɛ, “Maŋtsɛmɛi aMaŋtsɛ kɛ Nuŋtsɔmɛi aNuŋtsɔ.”

Kpojiemɔ 2:13

Mile he ni oyɔɔ lɛ, he ni Satan maŋtsɛ sɛi yɔɔ lɛ; ni ohiɛ migbɛi lɛ mli, ni okwaaa minɔ hemɔkɛyeli lɛ be mli ni agbe Antipa, midasefonyo anɔkwafo lɛ yɛ nyɛteŋ yɛ Satan shihilɛhe lɛ.

Kpojiemɔ 3:14

“Ni Laodikea asafo lɛ bɔfo lɛ; ŋmaa oyahã lɛ akɛ, “Nii ni Amen lɛ ni ji odasefonyo anɔkwafo lɛ kɛ anɔkwayelɔ lɛ kɛ Nyɔŋmɔ nibɔɔ lɛ shishijee lɛ kɛɛ nɛ,

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.