Kpojiemɔ 1:20 - ŊMALƐ KRƆŊKRƆŊ LƐ

²⁰ Ŋulamii kpawo ni ona yɛ mininejurɔ lɛ kɛ shika kanetsei kpawo lɛ ahe teemɔ sane lɛ nɛ: ‘Ŋulamii kpawo lɛ ji asafoi kpawo lɛ abɔfoi, ni kanetsei kpawo lɛ ji asafoi kpawo lɛ.’ ”

Ṅmãle̱ Kroṅkroṅ Le̱

²⁰ ṅulamii kpawo ni ona ye̱ mininedšŭrõ no̱ le̱ hetēmo̱sane le̱, ke̱ šika kanetšei kpawo le̱. Ṅulamii kpawo le̱ dši asafoi kpawo le̱ *abo̱foi, ni kanetšei kpawo ni ona le dši asafoi kpawo le̱. *Mal. 2.7.

Kpojiemɔ 1:20 ပူးပေါင်းရင်းမြစ်များ

2 Mose 25:37

Ofee kanei kpawo omamɔ kanetso lɛ nɔ, koni kɛji asu lɛ amɛkpɛ kɛya hiɛgbɛ.

2 Mose 37:23

Ekɛ shika ŋmiiŋmi nɔŋŋ fee kanetso lɛ he kanei kpawo lɛ kɛ ehe abɛɛlei lɛ kɛ ehe lagbee nii lɛ kɛ kanetso lɛ he aklotɛi bibii lɛ fɛɛ.

Zakaria 4:2

Ni ebi mi akɛ, “Mɛni onaa nɛɛ?” Mihã hetoo akɛ, “Miina kanetso ni akɛ shika sɔŋŋ fee; ni emutɔ ko ma eyiteŋ. Kanetso nɛɛ yɛ kanei kpawo mamɔ eyiteŋ; ni kanei nɛɛ, eko fɛɛ eko hu yɛ odontii kpawo ni asuɔ.

Maleaki 2:7

Ejaakɛ osɔfoi agbɛnaa nitsumɔ ji akɛ amɛtsɔ̃ɔ mɛi Nyɔŋmɔ he nilee krɔŋŋ lɛ. Amɛ amɛŋɔɔ esa akɛ mɛi aya koni amɛyakase mla lɛ he nii, ejaakɛ amɛ ji Yehowa, Taiatsɛ lɛ, bɔfoi lɛ.

Mateo 13:11

Shi ehere nɔ ekɛɛ amɛ akɛ, “Ejaakɛ nyɛ lɛ akɛhã nyɛ akɛ nyɛle ŋwɛi maŋtsɛyeli lɛ mli teemɔ saji lɛ, shi amɛ lɛ akɛ hãko amɛ.

Luka 8:10

Ni ekɛɛ, “Nyɛ lɛ akɛ Nyɔŋmɔ Maŋtsɛyeli lɛ mli teemɔ saji lɛ ehã nyɛ akɛ nyɛle; shi mɛi krokomɛi lɛ akɛhãa amɛ yɛ abɛbuai amli; ‘koni na lɛ amɛna nɛ, shi amɛkayoo sɛɛ, ni nu hu amɛnu, shi amɛkanu shishi.’

Romabii 11:25

Ejaakɛ misumɔɔɔ akɛ mishiuɔ nyɛ nɛkɛ teemɔ sane nɛɛ nɔ, anyɛmimɛi, koni nyɛkabu nyɛhe oleetei, akɛ, wajemɔ awaje Israel tsui fã kɛ fã kɛyashi beyinɔ ni jeŋmaji lɛ fɛɛ aaaba mli.

Kpojiemɔ 1:11

ni kɛɛ akɛ, “Nɔ ni onaa lɛ; ŋmaa owo wolo mli, ni okɛmaje asafoi kpawo lɛ: Efeso kɛ Smirna kɛ Pergamo kɛ Tiatira kɛ Sarde kɛ Filadelfia kɛ Laodikea.”

Kpojiemɔ 1:16

Ehiɛ ŋulamii kpawo yɛ eninejurɔ, ni tsi kɛ enaa nta ni naa ba jɛ edaaŋ, ni ehiɛ tamɔ hulu ni miitso kɛ ehewalɛ fɛɛ.

Kpojiemɔ 1:4

Yohane ŋma yahã asafoi kpawo ni yɔɔ Asia lɛ. Dromɔ kɛ hejɔlɛ ahã nyɛ, kɛjɛ mɔ ni yɔɔ lɛ kɛ mɔ ni yɛ lɛ kɛ mɔ ni baaba lɛ dɛŋ; kɛ mumɔi kpawo ni yɔɔ emaŋtsɛ sɛ̃i lɛ hiɛ lɛ ŋɔɔ;

Kpojiemɔ 17:5

Ni aŋma gbɛi ko ni ji teemɔ sane yɛ ehiɛŋtso nɔ, “Babilon kpeteŋkple lɛ, shikpɔŋ lɛ nɔ ajwamãŋi lɛ kɛ nihiinii lɛ anyɛ lɛ.”

Kpojiemɔ 17:7

Ni bɔfo lɛ kɛɛ mi akɛ, “Mɛɛ hewɔ onaa ekpɛ ohe? Mibagba bo yoo lɛ kɛ kooloo ni eta nɔ ni yɔɔ yitsei kpawo kɛ akloŋtoi nyɔŋma lɛ ahe teemɔ sane lɛ.

Kpojiemɔ 2:1

“Efeso asafo lɛ bɔfo lɛ; ŋmaa oyaha lɛ akɛ, ‘Nii ni mɔ ni hiɛ ŋulamii kpawo lɛ yɛ eninejurɔ ni enyiɛɔ shika kanetsei kpawo lɛ ateŋ lɛ kɛɛ nɛ.

Kpojiemɔ 2:12

“Ni Pergamo asafo lɛ bɔfo lɛ; ŋmaa oyahã lɛ akɛ, Nii ni mɔ ni hiɛ tsi kɛ enaa nta ni naa ba lɛ kɛɛ nɛ:

Kpojiemɔ 2:18

“Ni Tiatira asafo lɛ bɔfo lɛ; ŋmaa oyahã lɛ akɛ, “Nii ni Nyɔŋmɔ Bi lɛ ni ehiŋmɛii tamɔ lalilɛi ni enaji tamɔ ayawa kaŋkaŋ lɛ kɛɛ nɛ.

Kpojiemɔ 2:5

No hewɔ lɛ, kaimɔ he ni ojɛ ogbee shi lɛ, ni otsake otsui, ni otsu tsutsu nitsumɔi lɛ. Shi kɛ jeee nakai lɛ, maba onɔ oya ni matsi okanetso lɛ kɛaajɛ egbɛhe lɛ, belɛ ja oshwa ohe.

Kpojiemɔ 2:8

“Ni Smirna asafo lɛ bɔfo lɛ; ŋmaa oyahã lɛ akɛ, ‘Nii ni klɛŋklɛŋ mɔ lɛ kɛ naagbee mɔ lɛ, mɔ ni gbo ni ehiɛ kã ekoŋŋ lɛ kɛɛ nɛ:

Kpojiemɔ 3:1

“Ni Sarde asafo lɛ bɔfo lɛ; ŋmaa oyahã lɛ akɛ, ‘Nii ni mɔ ni yɔɔ Nyɔŋmɔ mumɔi kpawo lɛ kɛ ŋulamii kpawo lɛ kɛɛ nɛ: Mile onitsumɔi lɛ; mile akɛ ohiɛ gbɛi akɛ ohiɛ kã, shi ogbo.

Kpojiemɔ 3:14

“Ni Laodikea asafo lɛ bɔfo lɛ; ŋmaa oyahã lɛ akɛ, “Nii ni Amen lɛ ni ji odasefonyo anɔkwafo lɛ kɛ anɔkwayelɔ lɛ kɛ Nyɔŋmɔ nibɔɔ lɛ shishijee lɛ kɛɛ nɛ,

Kpojiemɔ 3:7

“Ni Filadelfia asafo lɛ bɔfo lɛ; ŋmaa oyahã lɛ akɛ, “Nii ni mɔ krɔŋkrɔŋ lɛ, anɔkwafo lɛ, mɔ ni hiɛ David samfee lɛ, mɔ ni gbeleɔ ni mɔ ko ŋaaa, ni eŋaa hu ni mɔ ko gbeleee lɛ kɛɛ nɛ,