Nehemia 9:38 - ŊMALƐ KRƆŊKRƆŊ LƐ

³⁸ Enɛɛmɛi fɛɛ ahewɔ lɛ, wɔ Israelbii, wɔmiikpãŋ kpãŋmɔ ni mli wa, ni wɔmiiŋma; ni wɔnukpai lɛ kɛ wɔLevibii lɛ kɛ wɔsɔfoi lɛ kɛ amɛgbɛii miiwo shishi amɛkɛmiisɔo naa.

Nehemia 9:38 ပူးပေါင်းရင်းမြစ်များ

2 Maŋtsɛmɛi 23:3

Kɛkɛ ni maŋtsɛ lɛ yadamɔ maŋtsɛmɛi ashidaamɔhe lɛ, yɛ Sɔlemɔ we lɛ, ni ekɛ Yehowa kpãŋ akɛ, ebaanyiɛ Yehowa sɛɛ, ni ebaaye emlai lɛ kɛ ekitãi lɛ kɛ ekpɔi lɛ anɔ kɛ etsui muu lɛ fɛɛ, kɛ esusuma muu lɛ fɛɛ koni eye nɛkɛ kpãŋmɔ nɛɛ mli wiemɔi ni aŋmã yɛ wolo nɛɛ mli lɛ fɛɛ nɔ. Maŋ muu lɛ fɛɛ wo shi akɛ amɛbaaye kpãŋmɔ nɛɛ nɔ.

2 Kronika 23:16

Nii nɛɛ sɛɛ lɛ Osɔfo Yehoiada kɛ Maŋtsɛ Yoash kɛ maŋ muu lɛ fɛɛ fee ekome ni amɛkpãŋ akɛ amɛbaahi shi akɛ Yehowa webii.

2 Kronika 29:10

“Mito miyiŋ akɛ mi kɛ Yehowa, Israel Nyɔŋmɔ lɛ, baakpãŋ bɔ ni afee ni efo emlifu lɛ sɛɛ ehã wɔ.

2 Kronika 34:31

Kɛkɛ ni maŋtsɛ lɛ yadamɔ maŋtsɛ shidaamɔhe lɛ, ni ekã kitã yɛ Yehowa hiɛ akɛ ebaabo Yehowa toi, ni ebaaye ekitãi kɛ ekpɔi lɛ anɔ kɛ etsui fɛɛ, kɛ ehewalɛ fɛɛ bɔ ni afee ni eye wiemɔi ni aŋmala yɛ wolo lɛ mli lɛ anɔ.

Ezra 10:3

No hewɔ lɛ, agbɛnɛ nyɛhãa wɔkɛ wɔNyɔŋmɔ lɛ akpãŋa, koni wɔshwie yei lɛ kɛ bii lɛ hu yɛ minuŋtsɔ kɛ mɛi ni sheɔ wɔNyɔŋmɔ lɛ kitã lɛ gbeyei lɛ aŋaawoo naa, koni wɔye mla lɛ nɔ.

Nehemia 10:1

Mɔ klɛŋklɛŋ ni sɔo naa lɛ ji Nehemia, amralo lɛ, ni ji Hakalia bi lɛ, ni lɛ esɛɛ lɛ Zedekia. Mɛi komɛi hu ni kɛ amɛnine wo shishi nɛ: osɔfoi

Nehemia 10:29

wɔ kɛ wɔnyɛmimɛi ni ji wɔhiɛnyiɛlɔi lɛ efee ekome kɛmiikã kitã. Kɛ wɔku mli lɛ, efee loomɔ ehã wɔ. Wɔmiikã kitã akɛ wɔbaaye Nyɔŋmɔ mla lɛ ni atsɔ̃ Nyɔŋmɔ tsulɔ Mose nine nɔ awo lɛ nɔ. Wɔbaajwɛŋ nɔ ni wɔye Yehowa, wɔNuŋtsɔ lɛ, kitãi kɛ emlai kɛ ekpɔi lɛ fɛɛ anɔ.

Yesaia 44:5

Mɔnɛ baakɛɛ mɔnɛ akɛ, ‘Yehowa nɔ ji mi;’ ni mɔ kroko aaaŋɔ Yehowa gbɛi awo ehe, ni mɔ ko hu aaaŋma yɛ enine he akɛ, ‘Yehowa nɔ nɛ’, ni eeeŋɔ Yehowa gbɛi ewo ehe.”

Mateo 27:66

Kɛkɛ ni amɛyiŋ amɛtee; amɛsɔo tɛ lɛ amɛkpɛtɛ gbonyobu lɛ naa kpɛŋŋ, ni amɛhã asraafoi lɛ bu he.