Nehemia 9:37 - ŊMALƐ KRƆŊKRƆŊ LƐ

³⁷ Shikpɔŋ lɛ nɔ nibaanii babaoo lɛ yaa maŋtsɛmɛi ni akɛto wɔnɔ yɛ wɔhe eshai ahewɔ lɛ moŋ aŋɔɔ. Amɛyeɔ wɔ kɛ wɔkooloi anɔ bɔ ni amɛsumɔɔ: ni wɔyɛ haomɔ kpeteŋkple mli.”

Ṅmãle̱ Kroṅkroṅ Le̱

³⁷ Ni ebaä nii babaō ehãa maṅtše̱mei ni oṅõ-to wo̱no̱ ye̱ wohe ešai le̱ ahewo̱ le̱; ni ame̱yeo̱ wo̱gbomotšei ke̱ wo̱koloi ano̱, boni ame̱sumoo̱, ni wo̱ye̱ haomo̱ kpeteṅkple mli!

Nehemia 9:37 ပူးပေါင်းရင်းမြစ်များ

Ezra 4:13

Shi belɛ, Maŋtsɛ ana ale akɛ kɛji ato nɛkɛ maŋ nɛɛ ekoŋŋ ni agbe ehe gbogboi lɛ anaa lɛ, no lɛ maŋbii lɛ woŋ onia kɛ maŋ too kɛ gbɛjee too lɛ dɔŋŋ, ni be ni yi yaawula shi lɛ, ebaaye maŋtsɛ fotro lɛ awui.

Ezra 6:8

Asaŋ miiwo akpɔ matsɔ̃ɔ nɔ ni esa akɛ nyɛfee nyɛhã nɛkɛ Yudafoi onukpai nɛɛ yɛ Nyɔŋmɔ shĩa lɛ maa lɛ gbɛfaŋ. Onia ni atsuɔ yɛ faa lɛ anaigbɛ ahã maŋtsɛ lɛ, aye oyai ni ahã gbɔmɛi nɛɛ emli eko ni amɛkɛwo nyɔmɔ ni aaabɔ lɛ fɛɛ koni nitsumɔ lɛ akakpɛŋsɛŋ.

Ezra 7:24

Asaŋ wɔmiihã nyɛna nyɛle akɛ osɔfoi kɛ Levibii kɛ lalɔi kɛ agbonaakwɛlɔi kɛ Sɔlemɔ we lɛ mli sɔ̃ɔlɔi kɛ tsuji ni yɔɔ nɛkɛ Nyɔŋmɔ We nɛɛŋ lɛ, mɔ ko mɔ ko bɛ hegbɛ akɛ etsuɔ amɛ onia loo too loo gbɛjee shika ko.

Nehemia 5:8

ni mikɛɛ amɛ akɛ, “Wɔ lɛ, wɔkpɔ̃ wɔnyɛmimɛi Yudafoi ni ahɔ̃ɔ ahã jeŋmaji lɛ bɔ ni wɔɔnyɛ, shi nyɛ lɛ nyɛmiihɔ̃ɔ nyɛ diɛŋtsɛ nyɛnyɛmimɛi lɛ? Nyɛmiihɔ̃ɔ amɛ nyɛhã wɔ!” Amɛhãaa hetoo; amɛnãaa nɔ ni amɛkɛɔ.

Yāfó 5:5

Ataa wɔkuɛ nɔ kɛ nitsumɔ, ni etɔ wɔ, shi ahãaa wɔ mumɔhe.

3 Mose 26:17

Majie mihiɛ maka nyɛ, ni nyɛhenyɛlɔi baaye nyɛnɔ, ni mɛi ni hetsɛ̃ɔ nyɛ lɛ aaaye nyɛnɔ bɔ sɔŋŋ, ni nyɛbaawo foi be mli ni mɔ ko mɔ ko enyiɛɛɛ nyɛsɛɛ.

Yohane 8:33

Amɛhere lɛ nɔ akɛ, “Abraham shwiei ji wɔ, ni wɔtsɔ̃mɔ̃ko mɔ ko nyɔji pɛŋ; te tɛŋŋ ni bo okɛɔ akɛ, ‘Nyɛaaye nyɛheŋ?’ ”

5 Mose 28:33

Maŋsɛɛ maŋ ko ni oleee kwrakwra aaaba ebaloo oŋmɔshi nibaanii kɛ nii ni otsu oto fɛɛ kɛya eyaye. Yi sɔŋŋ kɛkɛ aaawa bo, ni shi sɔŋŋ kɛkɛ aaashwishwia bo daa nɛɛ,

5 Mose 28:39

Ooofee waintromi, ni obaakura amɛ, shi onaŋ amɛmli wain lɛ eko onu lɛ, onaŋ amɛmli yibii lɛ eko hu oye, ejaakɛ gɔgɔmii aaaye.

5 Mose 28:48

No hewɔ lɛ, okɛ hɔmɔ kɛ kumai kɛ yayai kɛ hiamɔ yɛ nibii fɛɛ mli aaasɔmɔ ohenyɛlɔi ni Yehowa baahã abatua bo lɛ. Henyɛlɔi nɛɛ kɛ dade apã aaawo okuɛ kɛyashi beyinɔ ni eeekpãtã ohiɛ.

5 Mose 28:51

Amɛbaaye otsinai abii kɛ oŋmɔshi nibaanii kɛyaashi aaakpãtã ohiɛ; amɛshiŋ abele loo wain loo mu loo otsinabii loo otoobii lɛ eko amɛhaŋ bo kɛyaashi amɛaakpãtã ohiɛ.