Nehemia 9:31 - ŊMALƐ KRƆŊKRƆŊ LƐ

³¹ Shi kɛ̃lɛ omɔbɔnalɛ babaoo lɛ naa lɛ, oŋmɛɛɛ amɛhe, ni asaŋ okpãtãaa amɛhiɛ, ejaakɛ Nyɔŋmɔ ni musuŋ tsɔ̃ɔ lɛ ni enaa mɔbɔ ji bo.

Ṅmãle̱ Kroṅkroṅ Le̱

³¹ Ši kẽle̱ omo̱bo̱nale̱ babaō le̱ nā le̱ oplenēēame̱ kwrakwra ni asaṅ okwaaame̱; edšake̱ Mawu odomfoo̱ ke̱ mo̱bo̱nalo̱ dšio! Yāfō 3,22.

Nehemia 9:31 ပူးပေါင်းရင်းမြစ်များ

2 Maŋtsɛmɛi 13:23

Shi kɛ̃lɛ Yehowa musuŋ tsɔ̃ lɛ yɛ amɛhe, ni etse ehiɛ ehã amɛ yɛ ekpãŋmɔ ni ekɛ Abraham kɛ Yakob kɛ Isak ekpãŋ lɛ hewɔ, ni esumɔɔɔ akɛ ekpãtã amɛhiɛ, ejaakɛ ehiɛ kpako emaŋ Israel lɛ nɔ kɛbashi benɛ.

2 Kronika 30:9

Ejaakɛ kɛji nyɛkpale kɛba Yehowa ŋɔɔ lɛ, mɛi ni baŋɔ nyɛnyɛmimɛi lɛ kɛ nyɛbii lɛ hu nom kɛtee maŋsɛɛ lɛ amusuŋ baatsɔ̃ amɛ yɛ amɛhe, ni amɛbaaŋmɛɛ nyɛnyɛmimɛi lɛ kɛ nyɛbii lɛ ahe koni amɛku amɛsɛɛ amɛba shikpɔŋ nɛɛ nɔ ekoŋŋ. Yehowa, nyɛNyɔŋmɔ lɛ, durolɔ kɛ mɔbɔnalɔ ji lɛ; ni kɛji nyɛkpale nyɛba eŋɔɔ lɛ, ebaahere nyɛ atuu.”

Nehemia 9:17

Amɛbooo bo toi, ni asaŋ amɛkaiii onaakpɛɛnii ni ofee yɛ amɛteŋ lɛ; shi moŋ amɛfee amɛhe kuɛŋtilɔi. Amɛtse atua, ni amɛto asafoiatsɛ ni ekɛ amɛ aku sɛɛ kɛya nyɔŋyeli mli ekoŋŋ yɛ Ijipt. Shi bo lɛ oji Nyɔŋmɔ ni kɛ eshai faa, durolɔ kɛ musuŋtsɔlɔ ni toɔ etsui shi ni emɔbɔnalɛ fa, hewɔ lɛ oshiii amɛ.

Nehemia 9:19

Omɔbɔnalɛ babaoo lɛ hewɔ lɛ, oshiii amɛ yɛ ŋa lɛ nɔ; shwane lɛ atatu ni ma shi yɛ amɛhiɛ ni etsɔ̃ɔ amɛ gbɛ lɛ, ejeee amɛhiɛ; ni nyɔɔŋ hu la ni damɔ amɛhiɛ ni hãa amɛnaa nii yɛ gbɛ ni amɛnyiɛ nɔ lɛ nɔ lɛ, ejeee amɛhiɛ.

Yesaia 48:9

Migbɛi lɛ hewɔ lɛ, miitsi mimlifu lɛ mato. Mi, miyijiemɔ hewɔ lɛ, miito mitsui shi maha bo koni mikakpãtã ohiɛ.

Yeremia 4:27

Ejaakɛ bɔ ni Yehowa kɛɛ nɛ; “Shikpɔŋ muu lɛ fɛɛ baatsɔ̃ amaŋfɔ̃ moŋ; shi kɛ̃lɛ mifiteŋ lɛ butuu kɛgbeŋ naa.

Yeremia 5:10

“Abote ewain tromi lɛ amli ni afolɔ waintsei lɛ ashwie, shi moŋ akafite tromi lɛ kwraa kɛmɔ shi. Akplɔ etsei aniji lɛ ashwie. Ejaakɛ amɛjeee mi, Yehowa, minii.

Yeremia 5:18

Kɛkɛ ni Yehowa kɛɛ akɛ, “Shi kɛ̃lɛ nakai be lɛ mli po lɛ, mikpãtãŋ nyɛhiɛ kɛwulaŋ shi.

Yāfó 3:22

Yehowa suɔmɔ ni tsakeee lɛ sɛɛ efooo kɔkɔɔkɔ, ni emɔbɔnalɛ bɛ naagbee.

Daniel 9:9

Nuŋtsɔ, wɔNyɔŋmɔ, musuŋtsɔlɔ ji bo, ni okɛ esha faa tsɛbelɛ wɔtse ohiɛ atua,

5 Mose 4:31

ejaakɛ Yehowa, nyɛNyɔŋmɔ lɛ, musuŋtsɔlɔ ji lɛ; ekwaŋ nyɛ, ni asaŋ ekpãtãŋ nyɛhiɛ; ni ehiɛ kpaŋ kpãŋmɔ ni ekɛ nyɛtsɛmɛi lɛ kpãŋ lɛ nɔ, nɔ ni ekã he kitã ehã amɛ lɛ.