Nehemia 9:29 - ŊMALƐ KRƆŊKRƆŊ LƐ

²⁹ Obɔ amɛ kɔkɔ koni amɛbɔ̃i omla lɛ nɔyeli ekoŋŋ; shi amɛwo amɛhe, ni amɛbooo okitãi lɛ atoi; amɛfee esha amɛshi omlai lɛ ni kɛji gbɔmɔ ye nɔ ni eyi naa wala lɛ. Amɛtsi amɛhe kɛje ohe; amɛfee amɛhe kuɛŋtilɔi, ni amɛbooo bo toi.

Ṅmãle̱ Kroṅkroṅ Le̱

²⁹ Ni oyeo̱ odase ošio̱ame̱, koni okpaleame̱ ke̱-ba omla le̱ he ekoṅ. Ši ame̱ le̱ amehe moṅ ame̱tšṍo̱, ni ame̱boo okitãi le̱ atoi, ši ame̱fe eša ame̱ši omlai le̱ *ní kē̱ gbomo ye no̱, ni eyi aaná wala ye̱ mli le̱; ši ame̱w̌i ame̱kõṅ ke̱-dše̱ he, ni ame̱fe ame̱he kue̱ṅtilo̱i, ni ame̱boo toi. *5 Mose 18,6.

Nehemia 9:29 ပူးပေါင်းရင်းမြစ်များ

2 Maŋtsɛmɛi 17:13

Yehowa tsɔ̃ gbalɔi lɛ kɛ ninalɔi lɛ anɔ, ni ebɔ Israel kɛ Yuda kɔkɔ akɛ, “Nyɛkpalea kɛjea nyɛgbɛi fɔ̃ji lɛ anɔ, ni nyɛyea mikitãi lɛ kɛ mikpɔi lɛ anɔ, kitãi fɛɛ ni mitsɔ̃ mitsuji gbalɔi lɛ anɔ miwo nyɛtsɛmɛi lɛ, ni nyɛ hu gbalɔi lɛ kɛba hã nyɛ lɛ.”

2 Maŋtsɛmɛi 17:14

Shi kɛ̃lɛ amɛbooo toi; amɛfee amɛhe kuɛŋtilɔi tamɔ amɛtsɛmɛi ni heee Yehowa amɛNyɔŋmɔ lɛ amɛyeee lɛ.

2 Kronika 24:19

Kɛ̃ lɛ Yehowa tsu gbalɔi kɛba ni amɛbabɔ amɛ kɔkɔ; asaŋ koni amɛkpale Yuda kɛ Yerusalɛmbii koni amɛhi shi bɔ ni Yehowa taoɔ; shi maŋbii lɛ booo toi.

2 Kronika 33:10

Yehowa kɛ Manase kɛ emaŋbii lɛ wie, ni ebɔ amɛ kɔkɔ; shi amɛbooo toi.

2 Kronika 36:15

Shi Yehowa, ni ji Yudabii lɛ atsɛmɛi lɛ aNyɔŋmɔ lɛ, kã he etsuɔ bɔfoi kɛbaa amɛŋɔɔ ejaakɛ emusuŋ tsɔ̃ɔ lɛ yɛ emaŋ lɛ kɛ Sɔlemɔ we lɛ hewɔ.

Nehemia 13:15

Nakai be lɛ mli mina akɛ mɛi ŋaa wainyibii yɛ hejɔɔmɔ gbi lɛ nɔ yɛ Yuda. Mina akɛ akɛ abele kɛ wain kɛ wainyibii kɛ agbãmi jatsui kɛ jatsui srɔtoi fɛɛ tereɔ tejii kɛbaa Yerusalɛm yɛ hejɔɔmɔ gbi lɛ nɔ. Migbɛ miwo amɛ yɛ gbi nɔ ni amɛhɔ̃ɔ nii lɛ hewɔ.

Nehemia 9:10

Ofee okadii, ni otsu naakpɛɛnii yɛ Farao kɛ etsuji lɛ fɛɛ kɛ eshikpɔŋ lɛ nɔ bii lɛ fɛɛ ahiɛ, ejaakɛ ole akɛ Farao kɛ etsuji lɛ wo amɛhe amɛwo wɔtsɛmɛi lɛ; okɛ enɛ he gbɛi ohã ohe, tamɔ bɔ ni eyɔɔ ŋmɛnɛ nɛɛ.

Nehemia 9:16

Shi amɛ kɛ wɔtsɛmɛi lɛ wo amɛhe; amɛfee amɛhe kuɛŋtilɔi, ni amɛyeee okitãi lɛ anɔ.

Nehemia 9:26

“Shi enɛ moŋ sɛɛ lɛ amɛtoi gbo, ni amɛtse ohiɛ atua; amɛkɛ mla lɛ efeee nɔ ko nɔ ko; amɛgbe gbalɔi lɛ ni bɔ amɛ kɔkɔ lɛ, koni amɛkɛkpale amɛ kɛba oŋɔɔ; ni amɛfee musubɔɔ nibii wuji amɛshi bo.

Nehemia 9:30

Kɛ̃lɛ oto otsui shi ohã amɛ afii pii; okɛ omumɔ lɛ wo gbalɔi lɛ amli, ni otsɔ̃ amɛnɔ obɔ obii lɛ kɔkɔ; shi amɛbooo toi; No hewɔ lɛ, ohã shikpɔji lɛ anɔ bii lɛ ye amɛnɔ.

2 Mose 10:3

Kɛkɛ ni Mose kɛ Aaron tee Farao ŋɔɔ, ni amɛyakɛɛ lɛ akɛ, “Bɔ ni Yehowa, Hebribii aNyɔŋmɔ lɛ, kɛɛ nɛ, ‘Mɛɛ beyinɔ po oookpɛ̃lɛ koni oba ohe shi ohã mi? Hã mimaŋ lɛ aya koni amɛyaja mi.

Yeremia 17:23

Shi moŋ kɛ̃lɛ nyɛtsɛmɛi lɛ booo mi toi, ni amɛyeee nɔ; shi amɛfee amɛhe kuɛŋtilɔi ni amɛbooo mi toi koni amɛkase nii.’

Yeremia 19:15

“Bɔ ni Yehowa Taiatsɛ, Israel Nyɔŋmɔ lɛ, kɛɛ nɛ, ‘Naa, efɔŋ fɛɛ ni mito miyiŋ akɛ mibafee maŋ nɛɛ kɛ ehe majimaji lɛ, mibafee amɛ kɛ̃, ejaakɛ amɛfee amɛhe kuɛŋtilɔi, ni amɛbooo miwiemɔ toi.’ ”

Yeremia 42:19

Gbalɔ Yeremia tee nɔ ekɛɛ akɛ, “Yehowa ekɛɛ nyɛ, Yudabii ni eshwɛ, akɛ, ‘Nyɛkayaa Ijipt.’ Nyɛnaa nyɛlea krɛdɛɛ akɛ miibɔ nyɛ kɔkɔ ŋmɛnɛ gbi nɛɛ

Yeremia 43:2

Azaria, Hoshaia bi lɛ, kɛ Yohanan, Karea bi lɛ, kɛ hii hewolɔi krokomɛi lɛ fɛɛ kɛɛ Yeremia akɛ, “Oomale! Yehowa, wɔNyɔŋmɔ lɛ, tsuko bo koni obakɛɛ wɔ akɛ, ‘Nyɛkayaa Ijipt shikpɔŋ lɛ nɔ nyɛyahi jɛi.’

Yeremia 44:10

Ni kɛbashi ŋmɛnɛ gbi nɛɛ lɛ, nyɛbako nyɛhe shi, ni nyɛsheko gbeyei, ni asaŋ nyɛbako nyɛjeŋ yɛ mlai kɛ akpɔi ni miwo nyɛ kɛ nyɛtsɛmɛi lɛ anaa.

Yeremia 7:26

shi fɛɛ sɛɛ lɛ amɛbooo mi toi, ni amɛyeee migbee nɔ; shi moŋ amɛfee amɛhe kuɛŋtilɔi, ni amɛfee nifɔɔjianii fe amɛtsɛmɛi lɛ tete.

Ezekiel 20:11

Miwo amɛ mlai kɛ akpɔi lɛ, ni kɛ gbɔmɔ ye nɔ ni eyi aaana wala lɛ.

Daniel 5:20

Shi be ni ewo ehe nɔ, ni ekpliŋ etsui, ni etsɛ ehe lɛ, akpa lɛ yɛ emaŋtsɛ sɛ̃i lɛ nɔ, ni enunyam lɛ bɔ lɛ.

Hosea 6:5

No hewɔ ni mitsɔ̃ gbalɔi lɛ anɔ migbala amɛtoi, ni mikɛ midaaŋ wiemɔi lɛ kã amɛ, ni kojomɔ ni mikojo amɛ lɛ tsɔ̃ tamɔ kane.

3 Mose 18:5

Nyɛyea migbɛjianɔtoi kɛ mimlai lɛ anɔ; nɔ ni kɛji gbɔmɔ ye nɔ ni enaa wala lɛ. Mi ji Yehowa.

Mateo 19:17

Ni ekɛɛ lɛ akɛ, “Mɛɛba obiɔ mi nɔ kpakpa he sane? Mɔ kome yɔɔ ni ji mɔ kpakpa [lɛ ji Nyɔŋmɔ]. Shi kɛji ootao akɛ obote wala mli lɛ, ye kitãi lɛ anɔ.”

Luka 10:28

Ekɛɛ lɛ akɛ, “Bɔ ni oto he lɛ ja; feemɔ nakai, ni oyi aaana wala.”

Romabii 10:5

Ejaakɛ Mose ŋma yɛ jalɛ ni jɛ Mla mli lɛ he akɛ, “Gbɔmɔ ni yeɔ enɛɛmɛi anɔ lɛ yi aaana wala yɛ mli.”

Galatabii 3:12

shi Mla lɛ, jeee hemɔkɛyeli sane ni, shi moŋ “Mɔ ni yeɔ nɔ lɛ yi aaana wala yɛ mli.”

5 Mose 31:21

Kɛji saji fɔ̃ji kɛ hejaramɔ babaoo eba amɛnɔ lɛ, lala nɛɛ aaaye mi kɛ amɛteŋ odase, ejaakɛ amɛshwiei ahiɛ kpaŋ lala nɛɛ nɔ, ni lala lɛ aaahi amɛdaaŋ daa. Amrɔmrɔ nɛɛ po, dani mikɛ amɛ aaaya ayashɛ shikpɔŋ lɛ ni mikã he kitã akɛ mikɛbaahã amɛ lɛ nɔ lɛ, mile yiŋ ni amɛtoɔ momo.”

5 Mose 31:27

Mile bɔ ni nyɛtseɔ atua kɛ bɔ ni nyɛkuɛŋ ti hã hu. Nyɛmiitse Yehowa hiɛ atua amrɔ nɛɛ po ni mihiɛ kã ni mi kɛ nyɛ yɔɔ nɛɛ, shi migbele sɛɛ lɛ te aaatamɔ tɛŋŋ mɔ?

5 Mose 4:26

no lɛ miitsɛ ŋwɛi kɛ shikpɔŋ ŋmɛnɛ koni amɛye odase amɛshi nyɛ akɛ etsɛŋ ni aaakpãtã nyɛhiɛ yɛ shikpɔŋ ni nyɛbaafo Yordan lɛ kɛya ni nyɛyaŋɔ lɛ nɔ. Nyɛyeŋ be ko yɛ nɔ ni abaakpãtã nyɛhiɛ kwrakwra.

Kojolɔi 6:10

Mikɛɛ nyɛ akɛ mi ji Yehowa nyɛNyɔŋmɔ lɛ, shi nyɛkashea Amorbii ni yɔɔ amɛshikpɔŋ lɛ nɔ lɛ anyɔŋmɔi lɛ agbeyei.’ Shi nyɛbooo migbee toi.”