Nehemia 9:27 - ŊMALƐ KRƆŊKRƆŊ LƐ

²⁷ No hewɔ lɛ, oŋmɛɛ amɛhe ohã amɛhenyɛlɔi, ni amɛhenyɛlɔi lɛ hao amɛ. Amɛhaomɔ nɛɛ mli lɛ amɛfo amɛtsɛ bo, ni ohere amɛ nɔ kɛjɛ ŋwɛi. Omɔbɔnalɛ babaoo lɛ naa lɛ, ojie hiɛnyiɛlɔi ohã amɛ koni amɛhere amɛ yɛ amɛhenyɛlɔi lɛ adɛŋ.

Ṅmãle̱ Kroṅkroṅ Le̱

²⁷ Nohewo̱ le̱ otuame̱ owo ame̱haolo̱i le̱ adeṅ, ni ame̱haoame̱. Ni ame̱haomo̱ be le̱ mli le̱ ame̱blo̱ ame̱tšē̱o, ni odše̱ ṅwei oboame̱ toi, ni omo̱bo̱nale̱ babaō le̱ nā le̱ *ohãame̱ yiwalaherelo̱i, ni ame̱here ame̱yiwala ke̱-dše̱ ame̱haolo̱i le̱ adeṅ. *Kodš. 3,9. 15.

Nehemia 9:27 ပူးပေါင်းရင်းမြစ်များ

2 Maŋtsɛmɛi 13:5

Kɛkɛ ni Yehowa jie herelɔ ko ehã, koni ebakpɔ̃ amɛ kɛje Siriabii lɛ adɛŋ; no hewɔ lɛ, Israelbii lɛ hi amɛshĩai lɛ amli tamɔ tsutsu lɛ yɛ toiŋjɔlɛ mli.

2 Maŋtsɛmɛi 14:27

Shi akɛni Yehowa ekɛko akɛ eeegbe Israel gbɛi yɛ ŋwɛi shishi nɛɛ hewɔ lɛ, etsɔ̃ Yeroboam, Yoash bi lɛ, nine nɔ ehere amɛyiwala.

2 Maŋtsɛmɛi 17:20

No hewɔ lɛ, Yehowa kwa Israel kɛ Yuda shwiei lɛ fɛɛ, ni ehã amɛna amanehulu, ni egbala amɛtoi, ni etu amɛ ewo nihalɔi adɛŋ kɛyashi beyinɔ ni eshwie amɛ kɛjɛ ehiɛ.

2 Maŋtsɛmɛi 17:39

Nyɛjaa Yehowa, nyɛNyɔŋmɔ lɛ, ni lɛ ebaajie nyɛ yɛ nyɛhenyɛlɔi lɛ fɛɛ adɛŋ.”

2 Kronika 36:17

Enɛ hewɔ lɛ, Yehowa yakpala Babilon maŋtsɛ lɛ kɛba, ni ebatua Yudabii lɛ, ni egbe Yuda oblahii lɛ kɛnyiɛ Sɔlemɔ we lɛ mli tete po. Eyanaaa mɔ ko mɔ ko mɔbɔ, oblanyo jio, oblayoo jio, nuumo jio, yoomo jio, gbɔmɔ kpiŋtiŋkpliŋŋ jio, helatsɛ jio, egbe fɛɛ.

Nehemia 9:19

Omɔbɔnalɛ babaoo lɛ hewɔ lɛ, oshiii amɛ yɛ ŋa lɛ nɔ; shwane lɛ atatu ni ma shi yɛ amɛhiɛ ni etsɔ̃ɔ amɛ gbɛ lɛ, ejeee amɛhiɛ; ni nyɔɔŋ hu la ni damɔ amɛhiɛ ni hãa amɛnaa nii yɛ gbɛ ni amɛnyiɛ nɔ lɛ nɔ lɛ, ejeee amɛhiɛ.

Lalai 136:24

Lɛ ejie wɔ yɛ wɔhenyɛlɔi lɛ adɛŋ lɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

3 Mose 26:17

Majie mihiɛ maka nyɛ, ni nyɛhenyɛlɔi baaye nyɛnɔ, ni mɛi ni hetsɛ̃ɔ nyɛ lɛ aaaye nyɛnɔ bɔ sɔŋŋ, ni nyɛbaawo foi be mli ni mɔ ko mɔ ko enyiɛɛɛ nyɛsɛɛ.

Obadia 1:21

Tabilɔi kunimyelɔi aaajɛ Yerusalɛm ayatua Edom, ni amɛaaye enɔ; ni Yehowa diɛŋtsɛ aaaye Maŋtsɛ.”

Kojolɔi 2:18

Be fɛɛ be ni Yehowa aaatee hiɛnyiɛlɔi ashi ehã Israelbii lɛ, Yehowa yeɔ ebuaa hiɛnyiɛlɔi lɛ ni amɛhereɔ Israelbii lɛ yɛ amɛhenyɛlɔi lɛ adɛŋ gbii abɔ fɛɛ ni hiɛnyiɛlɔ lɛ yɔɔ lɛ; ejaakɛ ŋtsɔi ni Israelbii lɛ dɔmɔɔ yɛ mɛi ni waa amɛ yi kɛ mɛi ni haoɔ amɛ lɛ hewɔ lɛ dɔɔ Yehowa.