Nehemia 9:26 - ŊMALƐ KRƆŊKRƆŊ LƐ

²⁶ “Shi enɛ moŋ sɛɛ lɛ amɛtoi gbo, ni amɛtse ohiɛ atua; amɛkɛ mla lɛ efeee nɔ ko nɔ ko; amɛgbe gbalɔi lɛ ni bɔ amɛ kɔkɔ lɛ, koni amɛkɛkpale amɛ kɛba oŋɔɔ; ni amɛfee musubɔɔ nibii wuji amɛshi bo.

Ṅmãle̱ Kroṅkroṅ Le̱

²⁶ No moṅ se̱ le̱ ame̱toi gbo ni ame̱tše ohĩe atũa, ni ame̱se̱ omla le̱ ame̱fõ ame̱se̱, ni ame̱gbe ogbalo̱i ní yeo̱ odase šio̱ame̱ ní ame̱ke̱-kpaleame̱ ke̱-ba oṅõ le̱, ni ame̱bo̱ musu babaō.

Nehemia 9:26 ပူးပေါင်းရင်းမြစ်များ

1 Maŋtsɛmɛi 14:9

Shi bo lɛ, ofee efɔŋ fe mɛi fɛɛ ni etsɔ̃ ohiɛ lɛ. Oto oyiŋ, ni oyafee nyɔŋmɔi krokomɛi kɛ amãgãi ni ashwie ohã ohe, ni okɛwo mimli la; ni mi lɛ oshɛ mi ofɔ̃ osɛɛ kwa.

1 Maŋtsɛmɛi 18:13

Ani agbako minuŋtsɔ nɔ ni mifee be ni Yezebel gbe Yehowa gbalɔi lɛ, bɔ ni miŋɔ gbalɔi oha mitee tɛkploi amli, nyɔŋmai enumɔenumɔ, ni milɛ amɛ kɛ aboloo kɛ nu lɛ?

1 Maŋtsɛmɛi 18:4

ejaakɛ be ni Yezebel kpãtãa gbalɔi lɛ ahiɛ lɛ, Obadia ŋɔ gbalɔi oha, ni ekɛ amɛ tee tɛkploi enyɔ amli, mɛi nyɔŋmai enumɔenumɔ, ni ekɛ aboloo kɛ nu lɛ amɛ.

1 Maŋtsɛmɛi 19:10

Elia to he ekɛɛ, “Miye Yehowa, Nyɔŋmɔ Taiatsɛ lɛ, he awuŋã kɛ hiɛdɔɔ, ejaakɛ Israelbii lɛ ekwa Bo kɛ amɛteŋ kpãŋmɔ lɛ, amɛkumɔ ofɔleshãa latɛi lɛ, ni amɛkɛ klante egbe ogbalɔi lɛ hu, ni mi, mi pɛ eshwɛ, ni amɛmiitao mi hu amɛgbe.”

2 Maŋtsɛmɛi 21:10

Shi Yehowa tsɔ̃ etsuji ni ji gbalɔi lɛ anɔ ewie akɛ,

2 Maŋtsɛmɛi 21:11

“Akɛni Manase, Yuda maŋtsɛ, tsu nɛkɛ nihiinii nɛɛ, ni efee efɔŋ fe nii ni Amorbii ni tsɔ̃ ehiɛ lɛ fee lɛ fɛɛ, ni ekɛ ewɔji lɛ hã Yuda hu fee esha hewɔ lɛ,

2 Kronika 36:16

Shi Yudabii lɛ, Nyɔŋmɔ bɔfoi lɛ, he fɛo moŋ amɛyeyee, ni amɛgbe amɛwiemɔi lɛ ahe guɔ, ni amɛliɔ gbalɔi lɛ. Amɛfee nɛkɛ aahu kɛyashi beyinɔ ni Yehowa mli fu emaŋ lɛ kɛteke nɔ bɔ ni ehiii he nɔ ko feemɔ dɔŋŋ.

Nehemia 9:18

Amɛfee tsinabi ni ashwie amɛhã amɛhe, ni amɛkɛɛ no ji amɛnyɔŋmɔ ni jie amɛ kɛje Ijipt; amɛbɔ musu babaoo amɛshi bo.

Nehemia 9:29

Obɔ amɛ kɔkɔ koni amɛbɔ̃i omla lɛ nɔyeli ekoŋŋ; shi amɛwo amɛhe, ni amɛbooo okitãi lɛ atoi; amɛfee esha amɛshi omlai lɛ ni kɛji gbɔmɔ ye nɔ ni eyi naa wala lɛ. Amɛtsi amɛhe kɛje ohe; amɛfee amɛhe kuɛŋtilɔi, ni amɛbooo bo toi.

Nehemia 9:30

Kɛ̃lɛ oto otsui shi ohã amɛ afii pii; okɛ omumɔ lɛ wo gbalɔi lɛ amli, ni otsɔ̃ amɛnɔ obɔ obii lɛ kɔkɔ; shi amɛbooo toi; No hewɔ lɛ, ohã shikpɔji lɛ anɔ bii lɛ ye amɛnɔ.

Lalai 50:17

Ejaakɛ osumɔɔɔ tsɔsemɔ, ni otswaa miwiemɔ ofɔ̃ɔ afã.

Yeremia 16:11

no lɛ okɛɛ amɛ akɛ, mi Yehowa, mikɛɛ akɛ, ‘Nyɛtsɛmɛi lɛ kwa mi, ni amɛtee amɛyanyiɛ nyɔŋmɔi krokomɛi asɛɛ, ni amɛsɔ̃mɔ amɛ, ni amɛja amɛ; amɛkwa mi ni amɛyeee mimla lɛ nɔ.

Yeremia 2:30

Yakatswaa po ni mitswia nyɛbii lɛ anii lɛ ejaakɛ no tsakeee amɛ. Nyɛ diɛŋtsɛ nyɛdɛŋ klante ni gbegbee nyɛgbalɔi lɛ tamɔ jata kakawua ni kpãtãa nii ahiɛ.

Yeremia 2:7

Mikɛ nyɛ ba shikpɔŋ ni baa nii nɔ koni nyɛye enɔ ŋmãa kɛ enɔ nibii kpakpai lɛ. Shi be ni nyɛbashɛ nɔ lɛ, nyɛbule mishikpɔŋ lɛ, ni nyɛhã migboshinii lɛ tsɔ̃ musubɔɔnii.

Yeremia 32:23

Amɛba ni amɛbaŋɔ ni amɛkɛfee amɛnɔ. Shi amɛyeee ogbee nɔ, ni amɛbaaa amɛjeŋ yɛ omla lɛ naa. Nibii fɛɛ ni owo amɛ kitã yɛ he akɛ amɛfee lɛ, amɛfeee ekome folo nɛkɛ. No hewɔ ni ohã nɛkɛ sane fɔŋ nɛɛ ba amɛnɔ nɛɛ.

Yeremia 42:19

Gbalɔ Yeremia tee nɔ ekɛɛ akɛ, “Yehowa ekɛɛ nyɛ, Yudabii ni eshwɛ, akɛ, ‘Nyɛkayaa Ijipt.’ Nyɛnaa nyɛlea krɛdɛɛ akɛ miibɔ nyɛ kɔkɔ ŋmɛnɛ gbi nɛɛ

Yāfó 3:42

“Wɔtɔ̃, ni wɔtse atua, ni, Nyɔŋmɔ, okɛfako wɔ.

Ezekiel 20:21

“Shi nyɛbii lɛ hu tse mihiɛ atua; amɛbaaa amɛjeŋ yɛ mlai lɛ anaa, ni amɛyeee mikpɔi lɛ anɔ pɛpɛɛpɛ; mlai ni kɛji gbɔmɔ ye nɔ ni eyi aaana wala lɛ; amɛbule mihejɔɔmɔ gbii lɛ hu. Kɛkɛ ni mito miyiŋ akɛ mafee amɛ efɔŋ yɛ mimlifu kɛ mimlila naa yɛ ŋa lɛ nɔ,

Mateo 21:35

Ni hulɔi lɛ mɔmɔ etsuji lɛ, ni amɛyi mɔ kome, ni amɛgbe mɔ kome, ni amɛtswia mɔ kome hu tɛi.

Bɔfoi 7:52

Gbalɔi lɛ ateŋ namɔ ni nyɛtsɛmɛi lɛ waaa lɛ yi? Amɛgbe mɛi ni gba yɛ jalɔ lɛ baa lɛ he amɛto lɛ. Ni agbɛnɛ nyɛ nyɛtsɔ̃ɔ esɛɛgbɛ ni nyɛgbe lɛ,

5 Mose 32:14

Tsinai kɛ gwantɛŋi hã fufɔ ni efĩ; egwaŋtɛŋ yei kɛ gwantɛŋ hii shwishwii kɛ fɔ tamɔ Bashan tsinai kɛ abotiai; ni enu wain kpakpa.

5 Mose 32:15

“Yehowa webii lɛ shwere, shi amɛtse atua; amɛshwishwii, ni amɛhe wa, ni amɛhe shamɔ hu. Kɛkɛ ni amɛkwa Nyɔŋmɔ mɔ ni bɔ amɛ lɛ moŋ, ni amɛbuuu Nyɔŋmɔ ni ji yiwalaheremɔ Tɛsaa lɛ.

Kojolɔi 10:6

Israelbii lɛ fee efɔŋ amɛshi Yehowa ekoŋŋ. Amɛyasɔmɔ Baal nyɔŋmɔi lɛ kɛ Astarte nyɔŋmɔi lɛ ni ji Siriabii kɛ Sidonbii kɛ Moabbii kɛ Amonbii kɛ Filistibii anyɔŋmɔi lɛ. Amɛkwa Yehowa, ni amɛsɔmɔɔɔ lɛ hu.