Nehemia 9:25 - ŊMALƐ KRƆŊKRƆŊ LƐ

²⁵ Amɛyaye maji ni atswa gbogboi awo amɛhe kɛ shikpɔji ni baa nii anɔ kunim, ni amɛna shĩai ni eyimɔ obɔ̃bɔ̃ kɛ nibii kpakpai fɛɛ: nubui ni atsatsai, wain tromi kɛ mutso tromi kɛ yelitsei babaoo amɛye, ni amɛtɔrɔ, ni amɛshwishwii; ni amɛmii shɛ amɛhe yɛ omlihilɛ kpele lɛ hewɔ.

Ṅmãle̱ Kroṅkroṅ Le̱

²⁵ Ni ame̱ṅõ *mãdši ni atſa gbogboi awo he ke̱ šikpoṅ ní ewo fo̱, ni ame̱ná šĩai ní mli eyimo̱ obõbõ ke̱ nibii kpakpai fẽ, nubui ni atšatšai, weintromi ke̱ mũtromi ke̱ yelitšei babaō; ke̱ke̱ ni ame̱ye, ni †ame̱tō̱ro̱ ni ame̱ſiſi, ni ame̱ná tšuidšũrõ ye̱ omlĩhĩle̱ kpeteṅkple le̱ hewo̱. *5 Mose 6,10. 11. †5 Mose 32,15.

Nehemia 9:25 ပူးပေါင်းရင်းမြစ်များ

1 Maŋtsɛmɛi 14:9

Shi bo lɛ, ofee efɔŋ fe mɛi fɛɛ ni etsɔ̃ ohiɛ lɛ. Oto oyiŋ, ni oyafee nyɔŋmɔi krokomɛi kɛ amãgãi ni ashwie ohã ohe, ni okɛwo mimli la; ni mi lɛ oshɛ mi ofɔ̃ osɛɛ kwa.

1 Maŋtsɛmɛi 8:66

Gbi ni ji kpaanyɔ lɛ nɔ lɛ, Solomon wo asafo yuu lɛ fɛɛ gbɛ amɛtee. Amɛ jie eyi, ni amɛtee shĩa kɛ miishɛɛ kɛ tsuijurɔ yɛ ejuji fɛɛ ni Yehowa efee etsulɔ David kɛ emaŋ Israel lɛ hewɔ.

Nehemia 9:35

Be mli tete ni ohã amɛmaŋtsɛyeli lɛ ma shi ni amɛyeɔ shikpɔŋ kplɛlɛɛ ni ewo fɔ nɔ nii lɛ, amɛsɔ̃mɔɔɔ bo, ni amɛfɔ̃ɔɔ amɛnifɔɔjianii lɛ feemɔ.

Lalai 105:44

Eŋɔ majimaji lɛ ashikpɔji lɛ ehã amɛ, ni amɛŋɔ mɛi lɛ adeŋmegbomɔ mli nitsumɔnii lɛ amɛfee amɛnɔ,

Lalai 65:11

Omlihilɛ hãa afi lɛ yiɔ obɔ kɛ niyenii babaoo. He fɛɛ he ni oootsɔ̃ kɛho lɛ, niyenii babaoo baa jɛi.

Abe̱i 30:9

koni mikatɔ tsɔ̃, ni mikwa bo, ni mikɛɛ akɛ, “Namɔ ji Yehowa”. Ni kaahã miye ohia, ni miyaju, ni mikɛgbe miNyɔŋmɔ lɛ gbɛi he guɔ.

Yesaia 6:10

Kɛkɛ ni ekɛɛ mi akɛ, “Hã nɛkɛ maŋbii nɛɛ akpliŋ amɛtsui, ni ohã amɛtoi awa; asaŋ shwilamɔ amɛhiŋmɛii koni amɛkana nii; amɛkanu nii, asaŋ amɛkanu sane shishi ni amɛmiikpale ni amɛna tsamɔ.”

Yesaia 63:7

Mibagba Yehowa mlihilɛ lɛ kɛ Yehowa yijiemɔ lɛ matsɔ̃ɔ, yɛ nibii fɛɛ ni Yehowa efee eha wɔ lɛ kɛ ejurɔ pii ni efee Israel we lɛ yɛ emusuŋtsɔlɛ kɛ emlihilɛ ni fa lɛ naa lɛ hewɔ.

Yeremia 2:7

Mikɛ nyɛ ba shikpɔŋ ni baa nii nɔ koni nyɛye enɔ ŋmãa kɛ enɔ nibii kpakpai lɛ. Shi be ni nyɛbashɛ nɔ lɛ, nyɛbule mishikpɔŋ lɛ, ni nyɛhã migboshinii lɛ tsɔ̃ musubɔɔnii.

Yeremia 31:14

Mibahã osɔfoi ana nii babaoo amɛye amɛtɔrɔ, ni mimaŋbii lɛ atsui aaatɔ kɛ mimlihilɛ lɛ. Mi, Yehowa, mikɛɛ.’ ”

Yeremia 32:23

Amɛba ni amɛbaŋɔ ni amɛkɛfee amɛnɔ. Shi amɛyeee ogbee nɔ, ni amɛbaaa amɛjeŋ yɛ omla lɛ naa. Nibii fɛɛ ni owo amɛ kitã yɛ he akɛ amɛfee lɛ, amɛfeee ekome folo nɛkɛ. No hewɔ ni ohã nɛkɛ sane fɔŋ nɛɛ ba amɛnɔ nɛɛ.

Ezekiel 20:6

Nakai gbi lɛ mikã amɛ kitã akɛ majie amɛ kɛjɛ Ijipt shikpɔŋ lɛ nɔ kɛya shikpɔŋ ko ni mito miha amɛ lɛ nɔ; shikpɔŋ ni hi ni ebaa nii, ni eji shikpɔji lɛ ateŋ nɔ ni hi fe fɛɛ lɛ.

Daniel 11:24

Ebaafã ta trukaa kɛya shikpɔŋ ko ni hi jogbaŋŋ nɔ, ni ebaaya eyafee nii ni etsɛmɛi kɛ eniimɛi tete efeko eko dã yɛ jɛi. Nii ni ebaaha yɛ jɛi lɛ, ebaajara ehã tabilɔi ni nyiɛ esɛɛ lɛ. Kɛfee sɛɛ lɛ ebaato eyiŋ akɛ ebaafãfãa tai kɛyatua maji tamɔ mɔji; shi eyeŋ omanye.

Hosea 13:6

shi be ni nyɛna nii nyɛye ni nyɛtɔrɔ pɛ, kɛkɛ ni nyɛwo nyɛhe nɔ ni nyɛhiɛ kpa minɔ.

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Romabii 2:4

Aloo obuuu emlihilɛ kɛ eyishiŋmɛɛ kɛ etsuishitoo babaoo lɛ, ni oleee akɛ Nyɔŋmɔ mlihilɛ lɛ gbɛ etsɔ̃ɔ bo kɛya tsuitsakemɔ mli?

5 Mose 3:5

Nɛkɛ maji nɛɛ fɛɛ lɛ, atswatswaa gbogboi ni kwɔlɔ awowoo amɛhe akɛwaje amɛ, ni agboi kɛ amɛsɛɛ adabaŋi tara amɛnaa. Wɔshɔ̃ maji babaoo diɛŋtsɛ ni gbogboi bɛ amɛhe hu.

5 Mose 32:13

“Ehã Israel ye gɔji anɔ shikpɔji lɛ anɔ; Israel ye shikpɔŋ lɛ nɔ nibaanii lɛ. Ena wo kɛjɛ tɛsai amli, ni emutsei shwere yɛ tɛ shikpɔŋ nɔ.

5 Mose 32:14

Tsinai kɛ gwantɛŋi hã fufɔ ni efĩ; egwaŋtɛŋ yei kɛ gwantɛŋ hii shwishwii kɛ fɔ tamɔ Bashan tsinai kɛ abotiai; ni enu wain kpakpa.

5 Mose 32:15

“Yehowa webii lɛ shwere, shi amɛtse atua; amɛshwishwii, ni amɛhe wa, ni amɛhe shamɔ hu. Kɛkɛ ni amɛkwa Nyɔŋmɔ mɔ ni bɔ amɛ lɛ moŋ, ni amɛbuuu Nyɔŋmɔ ni ji yiwalaheremɔ Tɛsaa lɛ.