Nehemia 9:24 - ŊMALƐ KRƆŊKRƆŊ LƐ

²⁴ Kɛkɛ ni bii lɛ ba koni amɛbaye Kanaanbii lɛ kɛ amɛmaŋtsɛmɛi lɛ anɔ; amɛfee amɛ bɔ ni amɛsumɔɔ.

Ṅmãle̱ Kroṅkroṅ Le̱

²⁴ Ke̱ke̱ ni bii le̱ ba ni ame̱haṅõ šikpoṅ le̱, ni oba šikpoṅ le̱ no̱ bii ni dši Kanaanbii le̱ ašĩ ye̱ ame̱hĩe, ni oṅõame̱ owo ame̱deṅ, ke̱ ame̱maṅtše̱mei ke̱ šikpoṅ le̱ no̱ mädsimadši le̱, koni eme̱feame̱ bo̱ni ame̱sumoo̱. Ios. 12.

Nehemia 9:24 ပူးပေါင်းရင်းမြစ်များ

1 Kronika 22:18

Ekɛɛ amɛ akɛ, “Yehowa, nyɛNyɔŋmɔ lɛ, kɛ nyɛ yɛ, ni eha nyɛtoiŋ ejɔ nyɛ yɛ he fɛɛ he, ejaakɛ ehã miye majimaji lɛ fɛɛ anɔ bii anɔ kunim, ni no hewɔ lɛ, amɛyɛ nyɛshishi.

Ester 9:5

No hewɔ lɛ, Yudafoi lɛ fee amɛhenyɛlɔi lɛ bɔ ni amɛsumɔɔ. Amɛfã klante yɛ amɛhenyɛlɔi lɛ anɔ, ni amɛgbegbee amɛ, ni amɛkpãtã amɛhiɛ.

4 Mose 14:31

Ni nyɛbii bibii lɛ ni nyɛkɛɛ akɛ aaaŋɔ amɛ nom lɛ, mibakpala amɛ kɛyashɛ shikpɔŋ lɛ ni nyɛkpoo lɛ nɔ, ni amɛaale jɛi.

2 Timoteo 2:26

Ni amɛhiɛ aaatserɛ amɛ ni amɛaaje abonsam tsɔne lɛ mli lo; ejaakɛ ekɛdu amɛ ni amɛfee esuɔmɔnaanii.

Yoshua 10:40

No hewɔ lɛ, Yoshua ye shikpɔŋ tso muu lɛ fɛɛ nɔ kunim: kɛjɛ gɔji lɛ anɔ kɛmɔ wuoyigbɛ shikpɔŋ lɛ, kɛbote jɔi lɛ amli aahu kɛyashwie ŋmeŋmei lɛ anɔ fɛɛ. Yoshua ye maji lɛ kɛ amɛmli maŋtsɛmɛi lɛ fɛɛ anɔ kunim bɔ ni eshwɛɛɛ nɔ ko nɔ ko hiɛkãalɔ; ekpãtã nɔ fɛɛ nɔ hiɛ butuu tamɔ bɔ ni Yehowa ni ji Israel Nyɔŋmɔ lɛ efã lɛ.

Yoshua 11:23

Yoshua ŋɔ̃ shikpɔŋ tso muu lɛ fɛɛ tswɛm tamɔ bɔ ni Yehowa ekɛɛ Mose eto lɛ pɛpɛɛpɛ; ni Yoshua ja shikpɔŋ lɛ ehã Israel akutsei lɛ akɛ amɛnɔ koni amɛhi nɔ. Agbɛnɛ taitai lɛ asɛɛ fo, ni shikpɔŋ lɛ nɔ jɔ.

Yoshua 12:12

kɛ Eglon maŋtsɛ kɛ Gezer maŋtsɛ;

Yoshua 12:24

kɛ Tirza maŋtsɛ. Maŋtsɛmɛi nɛɛ fɛɛ ayibɔ fee nyɔŋmai etɛ̃ kɛ ekome.

Yoshua 18:1

Israel asafo muu lɛ fɛɛ naa bakpe shi yɛ Shilo, ni amɛshi Yehowa Kpee Buu lɛ yɛ jɛi. Nɛkɛ be mli lɛ shikpɔŋ ni Israelbii lɛ eŋɔ̃ lɛ kã shi yɛ amɛhiɛ,

Yoshua 21:43

No hewɔ lɛ, Yehowa kɛ shikpɔŋ lɛ ni ekã he kitã akɛ akɛbaahã Israelbii lɛ atsɛmɛi lɛ hã Israelbii lɛ, ni be ni amɛshɔ̃ shikpɔŋ lɛ sɛɛ lɛ amɛhi nɔ kwraa.

Yoshua 21:45

Nibii juji fɛɛ ni Yehowa wo Israel we lɛ shi yɛ he lɛ, amɛmli ekome folo nɛkɛ eyafeee yaka; fɛɛ kwa ba mli.

Kojolɔi 4:23

No hewɔ lɛ, nakai gbi lɛ Nyɔŋmɔ hã Israelbii lɛ ye Kanaan maŋtsɛ Yabin nɔ kunim.