Nehemia 9:20 - ŊMALƐ KRƆŊKRƆŊ LƐ

²⁰ Okɛ omumɔ kpakpa lɛ hã amɛ koni etsɔ̃ɔ amɛ nii; ohã amɛ mana amɛye, ni ohã amɛ nu amɛkɛgbe amɛkumai.

Ṅmãle̱ Kroṅkroṅ Le̱

²⁰ Asaṅ *oṅō omumo̱ kpakpa le̱ ohā, koni etšõame̱ nii, ni o-mána le̱ hũ ohãã akpa ye̱ ame̱dāṅ, ni ame̱kũmai mli le̱ ohãame̱ nu kẽ. *4 Mose 11,25.

Nehemia 9:20 ပူးပေါင်းရင်းမြစ်များ

Nehemia 9:30

Kɛ̃lɛ oto otsui shi ohã amɛ afii pii; okɛ omumɔ lɛ wo gbalɔi lɛ amli, ni otsɔ̃ amɛnɔ obɔ obii lɛ kɔkɔ; shi amɛbooo toi; No hewɔ lɛ, ohã shikpɔji lɛ anɔ bii lɛ ye amɛnɔ.

Lalai 105:41

Egbele tɛsaa naa, ni nu tue kɛho; nu lɛ ho kɛnyiɛ shiaŋa lɛ nɔ tamɔ faa.

Lalai 143:10

Tsɔ̃ɔmɔ mi koni mafee osuɔmɔnaanii, ejaakɛ bo ji miNyɔŋmɔ. Hã omumɔ kpakpa lɛ atsɔ̃ɔ mi gbɛ kɛnyiɛ gbɛ tɛ̃ɛ nɔ.

2 Mose 16:15

Be ni Israelbii lɛ na nibii nɛɛ, amɛbibii amɛhe akɛ, “Kolɛ mɛni nɛ?” Ejaakɛ amɛleee nɔ ni ji. Mose kɛɛ amɛ akɛ, “Aboloo ni Yehowa hã nyɛ koni nyɛye lɛ nɛ.

2 Mose 16:35

Ni Israelbii lɛ ye mana afii nyɔŋmai ejwɛ kɛyashi amɛyanina shikpɔŋ ni amɛaanyɛ nɔ amɛhi. Amɛye mana lɛ kɛyashi beyinɔ ni amɛyashɛ Kanaan shikpɔŋ lɛ husu naa.

2 Mose 16:4

Ni Yehowa kɛɛ Mose akɛ, “Naa, mibahã aboloo ajɛ ŋwɛi anɛ ashwie shi ahã nyɛ. Daa gbi lɛ maŋbii lɛ aje kpo ayabua naa bɔ pɛ ni aaashɛ amɛyeli gbi kome. Mikɛ enɛ baaka amɛ makwɛ akɛ amɛaaye mimla lɛ nɔ aloo amɛyeŋ nɔ.

2 Mose 17:3

Shi kumai ye maŋ lɛ yɛ jɛi, ni amɛwie huhuuhu amɛshi Mose amɛkɛɛ, “Mɛɛ hewɔ obajie wɔ yɛ Ijipt? Koni okɛ kumai abagbe wɔ kɛ wɔbii kɛ wɔkooloi?”

2 Mose 17:6

Naa, mibadamɔ tɛsaa lɛ nɔ, ni nu baajɛ mli aba koni maŋ lɛ anu.” Ni Mose fee nakai yɛ maŋ onukpai lɛ ahiɛ.

Yesaia 48:21

Be ni ekɛ amɛ nyiɛ shiaŋa lɛ nɔ lɛ, kumai yeee amɛ. Eha nu jɛ tɛsaa mli ho hã amɛ; egba tɛsaa lɛ mli, ni nu lɛ tue kɛje kpo.

Yesaia 49:10

Hɔmɔ yeŋ amɛ, ni kumai hu yeŋ amɛ. Hulu eshaŋ amɛ, ni shiaŋa nɔ kɔɔyɔɔ ni mli edɔ hu esaŋ amɛhe, ejaakɛ mɔ ni musuŋtsɔ̃ɔ lɛ yɛ amɛhe lɛ aaakpala amɛ, ni eeetsɔ̃ɔ amɛ gbɛ kɛaatee nubui ahe.

Hagai 2:5

tamɔ bɔ ni miwo nyɛ shi be ni nyɛshi Ijipt lɛ. Mimumɔ lɛ kɛ nyɛ yɛ, no hewɔ lɛ, nyɛkashea gbeyei.” Yehowa kɛɛ.

4 Mose 11:17

Mibakpeleke shi mikɛ bo abawie yɛ jɛi, ni maŋɔ mumɔ ni mikɛhã bo lɛ eko mahã amɛ hu koni amɛwa bo kɛtere maŋ lɛ jatsu lɛ bɔ ni afee ni okome okatere.

Yohane 4:10

Yesu here nɔ ni ekɛɛ lɛ akɛ, “Eji ole Nyɔŋmɔ nɔkeenɔ lɛ kɛ mɔ ni kɛɔ bo akɛ, ‘Hã mi eko manu lɛ’ kulɛ, bo moŋ oooba lɛ ni eeehã bo wala nu.”

Yohane 4:14

shi mɔ ni nuɔ nu ni mi mahã lɛ lɛ, kumai yeŋ lɛ dɔŋŋ kɛaatee naanɔ; shi moŋ nu ni mahã lɛ lɛ aaatsɔ̃ nu hiŋmɛi ni baa kɛyaa naanɔ wala mli yɛ emli.”

Romabii 15:30

Shi miikpa nyɛ fai, anyɛmimɛi, yɛ wɔNuŋtsɔ Yesu Kristo hewɔ kɛ Mumɔ lɛ suɔmɔ lɛ hewɔ, akɛ nyɛfata mihe kɛpele yɛ nyɛsɔlemɔi ni nyɛsɔleɔ nyɛhãa mi yɛ Nyɔŋmɔ hiɛ lɛ amli,

1 Korintobii 10:3

Ni amɛ fɛɛ lɛ mumɔŋ niyenii kome lɛ nɔŋŋ amɛye,

Efesobii 5:9

Ejaakɛ la lɛ yibii jeɔ kpo yɛ ekpakpafeemɔ kɛ jalɛ kɛ anɔkwale fɛɛ mli.

Yoshua 5:12

Ni gbi ni amɛye shikpɔŋ lɛ nɔ nibaanii lɛ eko lɛ nɔ jetsɛremɔ pɛ kɛkɛ ni mana lɛ sɛɛ fo, ni Israelbii lɛ naaa mana dɔŋŋ. No hewɔ lɛ, Kanaan shikpɔŋ lɛ nɔ nibaanii ji nii ni amɛye nakai afi lɛ nɔ.

2 Petro 1:21

Ejaakɛ gbalɛ ko bako yɛ gbɔmɔ suɔmɔ̃naa pɛŋ, shi moŋ Mumɔ Krɔŋkrɔŋ lɛ tsirɛ gbɔmɛi ni amɛwie wiemɔi ni Nyɔŋmɔ kɛhã amɛ lɛ.