Nehemia 9:2 - ŊMALƐ KRƆŊKRƆŊ LƐ

² Mɛi ni ji Israel fɔmɔbii lɛ tse amɛhe yɛ mɛi kpɔji lɛ fɛɛ ahe; amɛho amɛdamɔ shi, ni amɛjaje amɛhe eshai lɛ kɛ amɛtsɛmɛi anifɔ̃ɔjianii ni amɛfee lɛ.

Ṅmãle̱ Kroṅkroṅ Le̱

² Ni Israel sešibii le̱ tše ame̱he ke̱-dše̱ meikpõdši abii le̱ fẽ he, ni ame̱ho ame̱damo̱ ši ame̱dšadše ame̱he ešai le̱ ke̱ ame̱tše̱mei atõmo̱i le̱.

Nehemia 9:2 ပူးပေါင်းရင်းမြစ်များ

1 Maŋtsɛmɛi 8:47

ni amɛshwa amɛhe yɛ shikpɔŋ he ni amɛyɔɔ lɛ nɔ lɛ, ni amɛjaje amɛtɔ̃mɔi amɛtsɔ̃ɔ bo, ni amɛkpa bo fai lɛ, Nuŋtsɔ Nyɔŋmɔ, bo amɛsɔlemɔ lɛ toi.

Ezra 10:11

No hewɔ lɛ, nyɛjajea nyɛtsɔ̃a Yehowa, nyɛtsɛmɛi aNyɔŋmɔ lɛ; nyɛfea esuɔmɔnaanii, ni nyɛtsea nyɛhe yɛ shikpɔŋ lɛ nɔ bii lɛ kɛ maŋsɛɛ yei lɛ ahe.”

Ezra 6:21

Israelbii lɛ ni jɛ nomŋɔɔ mli ba lɛ ye Hehoo toobi lɛ. Mɛi krokomɛi hu ni ye ji mɛi fɛɛ ni etse amɛhe yɛ nii ni buleɔ mɔ ni shikpɔŋ lɛ nɔ wɔŋjalɔi feɔ lɛ ahe, ni amɛkɛ amɛhe ebabɔ Israelbii lɛ ahe koni amɛtao Yehowa, Israel Nyɔŋmɔ lɛ, sɛɛgbɛ lɛ.

Ezra 9:1

Enɛɛmɛi asɛɛ lɛ, onukpai lɛ ba miŋɔɔ amɛbakɛɛ mi akɛ, Israel maŋbii lɛ kɛ osɔfoi lɛ kɛ Levibii lɛ tseko amɛhe yɛ shikpɔji lɛ anɔ bii lɛ ahe, yɛ nii ni amɛfeɔ ni Yudafoi hiɔ lɛ agbɛfaŋ. Nii nɛɛ ji nii ni Kanaanbii kɛ Hitbii kɛ Perizbii kɛ Yebusbii kɛ Amonbii kɛ Moabbii kɛ Ijiptbii kɛ Amorbii lɛ feɔ lɛ.

Ezra 9:15

Yehowa, Israel Nyɔŋmɔ, jalɔ ji bo; ejaakɛ ashi wɔ akɛ mɛi ni eshwɛ ni eje hiɛkpãtãmɔ lɛ mli tamɔ bɔ ni eyɔɔ ŋmɛnɛ gbi nɛɛ. Naa, wɔyɛ ohiɛ akɛ mɛi ni eye fɔ. Ejaakɛ wɔfɔ ni wɔye lɛ hewɔ lɛ, wɔteŋ mɔ ko mɔ ko nyɛŋ ohiɛ adamɔ.”

Ezra 9:2

Yudahii eŋɔŋɔɔ maŋsɛɛ yei amɛhã amɛ diɛŋtsɛ amɛhe akɛ ŋamɛi, ni amɛbihii hu efee nakai nɔŋŋ. Belɛ jaku ni he tse lɛ ebule amɛhe. Onukpai lɛ kɛ nɔyelɔi lɛ titri tɔ̃ɔ mla nɛɛ.

Nehemia 1:6

Kwɛmɔ, ni oka otoi ohã fai ni mi, otsulɔ, mikpaa bo nyɔɔŋ kɛ shwane mihãa otsuji Israelbii lɛ. Miijaje akɛ wɔ, Israelbii, wɔfee esha wɔshi bo; ni mi kɛ mitsɛwe lɛ fɛɛ yeɔ fɔ yɛ enɛ mli.

Nehemia 10:28

Wɔ, Israelbii, osɔfoi kɛ Levibii kɛ agbonaakwɛlɔi kɛ lalatsɛmɛi kɛ Sɔlemɔ we sɔ̃ɔlɔi kɛ mɛi fɛɛ hu ni yɛ Nyɔŋmɔ Mla lɛ toiboo naa lɛ amɛtse amɛhe yɛ shikpɔji lɛ anɔ bii lɛ ahe lɛ, wɔ kɛ wɔŋamɛi kɛ wɔbii hii kɛ yei ni hiɛ efã,

Nehemia 10:29

wɔ kɛ wɔnyɛmimɛi ni ji wɔhiɛnyiɛlɔi lɛ efee ekome kɛmiikã kitã. Kɛ wɔku mli lɛ, efee loomɔ ehã wɔ. Wɔmiikã kitã akɛ wɔbaaye Nyɔŋmɔ mla lɛ ni atsɔ̃ Nyɔŋmɔ tsulɔ Mose nine nɔ awo lɛ nɔ. Wɔbaajwɛŋ nɔ ni wɔye Yehowa, wɔNuŋtsɔ lɛ, kitãi kɛ emlai kɛ ekpɔi lɛ fɛɛ anɔ.

Nehemia 13:3

Be ni Israelbii lɛ nu mla lɛ, amɛ jie mɛi fɛɛ ni ji futufutu gbɔmɛi lɛ yɛ amɛteŋ.

Nehemia 13:30

Nɛkɛ gbɛ nɔ mitsɔ̃ mijie maŋ lɛ kɛjɛ maŋsɛɛ nɔ fɛɛ nɔ ni buleɔ mɔ mli. Mito osɔfoi lɛ kɛ Levibii lɛ asɔ̃ɔmɔ lɛ gbɛjianɔ, bɔ ni afee ni mɔ fɛɛ mɔ ale enitsumɔ ni akɛhã lɛ lɛ.

Lalai 144:11

Shɔ̃ mi kɛje yiwalɔ klante naa; kpɔ̃ mi kɛje mɛi kpɔ̃ji adɛŋ, mɛi ni maleɔ, ni amɛwoɔ amɛninejurɔ nɔ amɛkãa amale kitã lɛ.

Lalai 144:7

Kpã onine mli kɛjɛ ŋwɛi; shɔ̃ mi koni ojie mi kɛjɛ nu kwɔŋkwɔŋ lɛ mli, kɛjɛ mɛi kpɔ̃ji adɛŋ,

Abe̱i 28:13

Mɔ ni tsimɔɔ etɔ̃mɔi anɔ lɛ, eshwereŋ; shi mɔ ni jajeɔ, ni efɔ̃ɔ efɔŋfeemɔ lɛ, anaa lɛ mɔbɔ.

Yesaia 2:6

Ejaakɛ Yehowa ekwa ewebii ni ji Yakob shwiei lɛ, ejaakɛ bokãgbɛ shikpɔji klalɔi babaoo ebafutu amɛ, ni amɛtsɔ̃mɔ klalɔi tamɔ Filistibii lɛ, ni maŋsɛɛbii moŋ amɛkɛbɔɔ.

Yeremia 14:20

Ao! Yehowa, wɔmiikpɛ̃lɛ wɔnifɔ̃ɔjianii kɛ wɔtsɛmɛi lɛ hu anifɔ̃ɔjianii lɛ anɔ, ejaakɛ wɔfee esha wɔshi bo.

Yeremia 3:13

Kpɛlɛ̃mɔ otɔ̃mɔi lɛ anɔ kɛkɛ akɛ oyakpa shi yɛ heihei kɛnyiɛ maŋsɛɛ nyɔŋmɔi asɛɛ yɛ tso fɛɛ tso ni ebu kusuu shishi, ni asaŋ obooo mi toi. Mi, Yehowa, mikɛɛ.

Daniel 9:20

Be ni misɔleɔ, ni mijajeɔ mihe eshai lɛ kɛ mimaŋbii, Israelbii lɛ, hu ahe eshai lɛ, ni mikpaa Yehowa, miNyɔŋmɔ lɛ, fai yɛ gɔŋ krɔŋkrɔŋ lɛ hewɔ lɛ,

Hosea 5:7

Akɛni amɛje Yehowa sɛɛ hewɔ lɛ, amɛyafɔ gbɔi abii. Shi nyɔŋ hee ni baaje lɛ mli lɛ abaakpãtã amɛ kɛ amɛshikpɔŋ fɛɛ hiɛ.”