Nehemia 9:15 - ŊMALƐ KRƆŊKRƆŊ LƐ

¹⁵ “Be ni hɔmɔ ye amɛ lɛ, ohã amɛ aboloo ni jɛ ŋwɛi, ni be ni kumai ye amɛ hu, ohã nu jɛ tɛsaa mli ba, ni amɛkɛgbe amɛkumai. Okɛɛ amɛ akɛ amɛba ni amɛbaŋɔ shikpɔŋ lɛ ni okã he kitã akɛ okɛbaahã amɛ lɛ.

Ṅmãle̱ Kroṅkroṅ Le̱

¹⁵ Ni ame̱hõmo̱ mli le̱ ohãame̱ *abolo ní dše̱ ṅwei, ni ame̱kũmai mli le̱ hũ odšie †nu ye̱ te̱sã mli ohãame̱; ni okē̱-ame̱ ake̱ ame̱ba ni ame̱baṅõ šikpoṅ le̱ ní owó onine no̱ ake̱ oke̱-ahãame̱ le̱. *2 Mose 13,4. 14. †2 Mose 17,5.

Nehemia 9:15 ပူးပေါင်းရင်းမြစ်များ

1 Mose 14:22

Shi Abram kɛɛ Sodom maŋtsɛ lɛ akɛ, “Mina Ŋwɛi Flooflo Nyɔŋmɔ ni ji ŋwɛi kɛ shikpɔŋ bɔlɔ lɛ

Nehemia 9:20

Okɛ omumɔ kpakpa lɛ hã amɛ koni etsɔ̃ɔ amɛ nii; ohã amɛ mana amɛye, ni ohã amɛ nu amɛkɛgbe amɛkumai.

Lalai 114:8

mɔ ni hãa tɛsaa tsɔ̃ɔ kpaakpo, ni ehãa tswɛrɛbo tsɔ̃ɔ nuhiŋmɛi lɛ!

2 Mose 16:4

Ni Yehowa kɛɛ Mose akɛ, “Naa, mibahã aboloo ajɛ ŋwɛi anɛ ashwie shi ahã nyɛ. Daa gbi lɛ maŋbii lɛ aje kpo ayabua naa bɔ pɛ ni aaashɛ amɛyeli gbi kome. Mikɛ enɛ baaka amɛ makwɛ akɛ amɛaaye mimla lɛ nɔ aloo amɛyeŋ nɔ.

2 Mose 17:3

Shi kumai ye maŋ lɛ yɛ jɛi, ni amɛwie huhuuhu amɛshi Mose amɛkɛɛ, “Mɛɛ hewɔ obajie wɔ yɛ Ijipt? Koni okɛ kumai abagbe wɔ kɛ wɔbii kɛ wɔkooloi?”

2 Mose 17:6

Naa, mibadamɔ tɛsaa lɛ nɔ, ni nu baajɛ mli aba koni maŋ lɛ anu.” Ni Mose fee nakai yɛ maŋ onukpai lɛ ahiɛ.

2 Mose 6:8

Mikɛ nyɛ aaatee shikpɔŋ lɛ ni mikã he kitã akɛ mikɛbaahã Abraham kɛ Isak kɛ Yakob lɛ nɔ. Mi ji Yehowa.’ ”

Yesaia 48:21

Be ni ekɛ amɛ nyiɛ shiaŋa lɛ nɔ lɛ, kumai yeee amɛ. Eha nu jɛ tɛsaa mli ho hã amɛ; egba tɛsaa lɛ mli, ni nu lɛ tue kɛje kpo.

Yeremia 32:23

Amɛba ni amɛbaŋɔ ni amɛkɛfee amɛnɔ. Shi amɛyeee ogbee nɔ, ni amɛbaaa amɛjeŋ yɛ omla lɛ naa. Nibii fɛɛ ni owo amɛ kitã yɛ he akɛ amɛfee lɛ, amɛfeee ekome folo nɛkɛ. No hewɔ ni ohã nɛkɛ sane fɔŋ nɛɛ ba amɛnɔ nɛɛ.

Ezekiel 20:15

Asaŋ mikã amɛ kitã yɛ ŋa lɛ nɔ akɛ mikɛ amɛ baŋ shikpɔŋ ni mikɛhã amɛ lɛ nɔ; shikpɔŋ ni hi ni ebaa nii, ni eji shikpɔji lɛ ateŋ nɔ ni hi fe fɛɛ lɛ.

4 Mose 14:30

amɛteŋ mɔ kome nɛkɛ shɛŋ shikpɔŋ lɛ ni miwo shi yɛ he akɛ mikɛbaahã nyɛ koni nyɛhi nɔ lɛ nɔ, akɛ ja Kaleb, Yefune bi lɛ, kɛ Yoshua, Nun bi lɛ.

5 Mose 1:21

Naa shikpɔŋ lɛ, no Yehowa, nyɛNyɔŋmɔ lɛ kɛfɔ̃ nyɛhiɛ nɛɛ. Nyɛyaa ni nyɛyaŋɔa tamɔ bɔ ni Yehowa, nyɛtsɛmɛi aNyɔŋmɔ lɛ, kɛɛ nyɛ lɛ. Nyɛkashea gbeyei, ni nyɛtsuii akafãa hu.’

5 Mose 1:8

Shikpɔŋ lɛ mikɛfɔ̃ nyɛhiɛ nɛɛ. Nyɛyaa ni nyɛyaŋɔa! Yehowa wo nyɛtsɛmɛi Abraham kɛ Isak kɛ Yakob shi yɛ he akɛ ekɛbaahã amɛ kɛ amɛshwiei.’ ”

5 Mose 8:3

Ehã hɔmɔ ye nyɛ, ni ehã nyɛhumi shi; ni ehã nyɛ mana ni nyɛye, niyenii ko ni nyɛleee, ni nyɛtsɛmɛi hu tete leee nɔ ni ji lɛ, koni nyɛkɛna nyɛle akɛ jeee aboloo pɛ hãa gbɔmɔ yi naa wala, shi moŋ wiemɔ fɛɛ wiemɔ ni jɛɔ Yehowa daaŋ lɛ hãa gbɔmɔ yi naa wala.