Nehemia 9:14 - ŊMALƐ KRƆŊKRƆŊ LƐ

¹⁴ Ohejɔɔmɔ gbi krɔŋkrɔŋ lɛ, ohã amɛle, ni otsɔ̃ otsulɔ Mose nine nɔ owo amɛ kitãi kɛ akpɔi kɛ mlai.

Ṅmãle̱ Kroṅkroṅ Le̱

¹⁴ Ni ohedšō̱mo̱gbĩ kroṅkroṅ le̱ hũ ohã ame̱le, ni otšṍ otšũlo̱ Mose nine no̱ owoame̱ kitãi ke̱ akpo̱ĩ ke̱ mla.

Nehemia 9:14 ပူးပေါင်းရင်းမြစ်များ

1 Mose 2:3

Nyɔŋmɔ jɔɔ gbi ni ji kpawo lɛ ni efee lɛ krɔŋkrɔŋ, ejaakɛ no nɔ ejɔɔ ehe yɛ, be ni egbe ebɔɔ nitsumɔ ni etsu lɛ fɛɛ naa lɛ.

Nehemia 1:8

Kaimɔ wiemɔ ni okɛ otsulɔ Mose wie akɛ, ‘Kɛji nyɛyeee mi anɔkwa lɛ, magbɛ nyɛ mashwã maji anɔ,

Nehemia 10:32

Asaŋ wɔmiikã kitã akɛ daa afi lɛ, wɔɔhã jwiɛtɛi talenta kome mlijaa etɛ̃ mli ekome yɛ sɔ̃ɔmɔ ni asɔ̃mɔɔ yɛ wɔNyɔŋmɔ lɛ we lɛ kɛ nibii krokomɛi hu hewɔ.

2 Mose 16:23

Kɛkɛ ni Mose kɛɛ akɛ, “Nɛkɛ ji bɔ ni Yehowa fã: ‘Wɔ lɛ hejɔɔmɔ gbi ni, Yehowa hejɔɔmɔ gbi krɔŋkrɔŋ lɛ ni. Nyɛshãa nɔ ni nyɛyɔɔ shãa, ni nyɛhoa nɔ ni nyɛyɔɔ hoomɔ. Nɔ ni baashwɛ lɛ nyɛkɛtoa ni je atsɛrea nɔ.’ ”

2 Mose 16:29

Nyɛnaaa akɛ ni Yehowa hã nyɛ hejɔɔmɔgbi lɛ, no hewɔ ni ehãa nyɛ gbii enyɔ niyenii yɛ gbi ni ji ekpaa lɛ nɔ lɛ? Mɔ fɛɛ mɔ ahi eshĩa, mɔ ko akaje egbɛhe yɛ gbi ni ji kpawo lɛ nɔ.”

2 Mose 24:12

Ni Yehowa kɛɛ Mose akɛ, “Kwɔɔ kɛba miŋɔɔ yɛ gɔŋ lɛ nɔ ni obamɛ, ni mikɛ tɛi tɛtɛrɛbii ni maŋmala mlai lɛ kɛ kitãi lɛ yɛ nɔ lɛ baahã bo, ni okɛtsɔ̃ɔ maŋ lɛ nii.”

Ezekiel 20:11

Miwo amɛ mlai kɛ akpɔi lɛ, ni kɛ gbɔmɔ ye nɔ ni eyi aaana wala lɛ.

Ezekiel 20:12

Asaŋ miŋɔ mihejɔɔmɔ gbii lɛ mihã amɛ, koni nomɛi atsɔ̃ okadi yɛ mi kɛ amɛteŋ, koni amɛkɛle akɛ mi Yehowa, mi ji mɔ ni tsuɔ amɛhe.

Ezekiel 20:20

Ni nyɛfea mihejɔɔmɔ gbii lɛ krɔŋkrɔŋ koni nomɛi atsɔ̃ okadi yɛ mi kɛ nyɛ teŋ; koni nyɛkɛle akɛ mi, Yehowa, mi ji nyɛNyɔŋmɔ lɛ.’

3 Mose 19:3

Mɔ fɛɛ mɔ ashe enyɛ kɛ etsɛ gbeyei, ni nyɛyea mihejɔɔmɔ gbi lɛ; mi ji Yehowa, nyɛNyɔŋmɔ lɛ.

3 Mose 27:34

Enɛɛmɛi ji kitãi ni Yehowa fã Mose yɛ Sinai Gɔŋ lɛ nɔ akɛ ewo Israelbii lɛ.

Yohane 1:17

Ejaakɛ Mla lɛ, Mose nɔ atsɔ̃ akɛhã; shi dromɔ kɛ anɔkwale lɛ, Yesu Kristo nɔ etsɔ̃ kɛba.

5 Mose 4:45

no mɛi odaseyeli saji kɛ akpɔi kɛ mlai ni ejaje etsɔ̃ɔ Israelbii be ni amɛjɛ Ijipt amɛbaa,

5 Mose 4:5

“Naa, mitsɔ̃ɔ nyɛ akpɔi kɛ mlai lɛ bɔ ni Yehowa, miNyɔŋmɔ lɛ, fã akɛ mifee lɛ, koni nyɛye nɔ yɛ shikpɔŋ ni nyɛyaa nyɛyaŋɔ lɛ nɔ.

5 Mose 5:31

Shi bo lɛ, daamɔ biɛ yɛ mimasɛi, ni matsɔ̃ɔ bo kitãi lɛ kɛ akpɔi lɛ kɛ mlai lɛ fɛɛ, koni oyatsɔ̃ɔ maŋ lɛ akɛ amɛye nɔ yɛ shikpɔŋ ni mikɛhãa amɛ akɛ amɛnɔ lɛ nɔ.’