Nehemia 9:13 - ŊMALƐ KRƆŊKRƆŊ LƐ

¹³ Okpeleke shi kɛba Sinai Gɔŋ lɛ nɔ, ni ojɛ ŋwɛi okɛ amɛ wie; ohã amɛ mlai kpakpai kɛ akpɔi kɛ kitãi kpakpai.

Ṅmãle̱ Kroṅkroṅ Le̱

¹³ Asaṅ okpleke ši ke̱-ba Sinai goṅ le̱ no̱, ni odše̱ ṅwei oke̱ame̱ wie, ni ohã-ame̱ kodšomo̱i ni dša ke̱ ano̱kwa mlai ke̱ akpoi ke̱ kitãi kpakpai. 2 Mose 19,18; 20,1.

Nehemia 9:13 ပူးပေါင်းရင်းမြစ်များ

2 Maŋtsɛmɛi 17:37

Ni akpɔi kɛ gbɛnaanii kɛ mla kɛ kitã ni eŋma ehã nyɛ lɛ, nyɛkwɛa jogbaŋŋ koni nyɛyea nɔ daa nɛɛ. Nyɛkasɔ̃mɔa nyɔŋmɔi krokomɛi.

Ezra 7:6

Ezra ni jɛ Babilon ba nɛɛ, eji mlatsɔɔlɔ, ni mla ni Yehowa, Israel Nyɔŋmɔ lɛ, wo kɛtsɔ̃ Mose nɔ lɛ, ele mli jogbaŋŋ diɛŋtsɛ. Yehowa, eNyɔŋmɔ lɛ, jɔɔmɔ yɛ enɔ; hewɔ lɛ nɔ fɛɛ nɔ ni etaoɔ lɛ maŋtsɛ lɛ hãa lɛ.

Lalai 119:137

Oo Yehowa, jalɔ ji bo, ni okojomɔi lɛ hu ja kɛmɔ shi.

Lalai 119:160

Owiemɔ tso muu lɛ fɛɛ lɛ, anɔkwale sɔŋŋ ni; ni ojalɛ kojomɔi lɛ fɛɛ hiɔ shi kɛyaa naanɔ.

Lalai 119:4

Yehowa, okɛ omlai lɛ hã wɔ, ni ofã wɔ akɛ wɔye nɔ pɛpɛɛpɛ.

2 Mose 16:23

Kɛkɛ ni Mose kɛɛ akɛ, “Nɛkɛ ji bɔ ni Yehowa fã: ‘Wɔ lɛ hejɔɔmɔ gbi ni, Yehowa hejɔɔmɔ gbi krɔŋkrɔŋ lɛ ni. Nyɛshãa nɔ ni nyɛyɔɔ shãa, ni nyɛhoa nɔ ni nyɛyɔɔ hoomɔ. Nɔ ni baashwɛ lɛ nyɛkɛtoa ni je atsɛrea nɔ.’ ”

2 Mose 19:11

ni amɛsaa amɛhe amɛto gbi ni ji etɛ̃ lɛ, ejaakɛ nakai gbi lɛ Yehowa baakpleke shi kɛba gɔŋ lɛ nɔ yɛ maŋ muu lɛ fɛɛ hiŋmɛiŋ.

2 Mose 20:1

Ni Nyɔŋmɔ wie wiemɔi nɛɛ fɛɛ ekɛɛ:

2 Mose 20:22

Yehowa kɛɛ Mose akɛ, “Kɛɛmɔ Israelbii lɛ akɛ, ‘Nyɛ diɛŋtsɛ nyɛna akɛ ŋwɛi mijɛ mikɛ nyɛ wie nɛɛ.

Yesaia 64:1

Ao, kulɛ otserɛ ŋwɛi mli, ni okpeleke shi koni gɔji lɛ ana bo ni amɛhe akpokpo yɛ ohiɛ,

Yesaia 64:3

Be ni ofee naakpɛɛnii ni yɔɔ gbeyei ni wɔhiɛ kãaa nɔ lɛ, okpeleke shi, ni gɔji lɛ kpokpo yɛ ohiɛ.

Habakuk 3:3

Naa Nyɔŋmɔ jɛ Edom kɛmiiba; Nyɔŋmɔ Krɔŋkrɔŋ lɛ miiba kɛjɛ Paran Gɔŋ lɛ nɔ. Enunyam lɛ ha ŋwɛi, ni shikpɔŋ lɛ nɔ eyi tɔ kɛ eyijiemɔ.

Romabii 7:16

Shi kɛ nɔ ni misumɔɔɔ lɛ nɔŋŋ mifeɔ lɛ, belɛ mikpɛ̃lɛ̃ɔ akɛ Mla lɛ hi.

5 Mose 33:2

Ekɛɛ akɛ, “Yehowa jɛ Sinai Gɔŋ lɛ nɔ ekpɛ kɛjɛ Edom eshwie wɔnɔ; ekpɛ kɛjɛ Paran Gɔŋ lɛ nɔ; ejɛ mɛi krɔŋkrɔŋi akpei nyɔŋma lɛ aŋɔɔ kɛ la plamplam ni ma eninejurɔ nɔ.

5 Mose 4:33

Ani maŋ ko nɔ bii enu nyɔŋmɔ ko gbee ni miiwie kɛmiijɛ la mli yɛ amɛhiɛ dã, tamɔ bɔ ni nyɛ lɛ nyɛnu, ni nyɛhiɛ kã nɛɛ lɛ?

5 Mose 4:36

Ŋwɛi tɔ̃ɔ ehã nyɛnu egbee kɛjɛ koni ekɛtsɔse nyɛ; ni ehã nyɛna ela kpeteŋkple lɛ yɛ shikpɔŋ lɛ nɔ, ni nyɛnu ewiemɔ kɛjɛ la mli.

5 Mose 4:8

Ni mɛɛ maŋ wulu kroko yɔɔ dɔŋŋ ni yɔɔ akpɔi kɛ mlai ni ja tamɔ nɛkɛ mlai nɛɛ fɛɛ ni mikɛshwieɔ nyɛhiɛ ŋmɛnɛ nɛɛ lɛ?

5 Mose 5:4

Yehowa jɛ la lɛ teŋ yɛ gɔŋ lɛ nɔ ni ekɛ nyɛ wie hiɛ kɛ hiɛ.