Nehemia 8:17 - ŊMALƐ KRƆŊKRƆŊ LƐ

¹⁷ Mɛi abɔ fɛɛ ni ku amɛsɛɛ kɛjɛ nomŋɔɔ lɛ mli kɛba lɛ fee asesei, ni amɛhi mli. Israelbii lɛ efeko nakai nɔ ko dã kɛjɛ Yoshua, Nun bi lɛ, yinɔ aahu kɛbashi nakai gbi lɛ nɔ. Amɛmii shɛ amɛhe naakpa.

Ṅmãle̱ Kroṅkroṅ Le̱

¹⁷ Ni asafo mū le̱ fẽ ni kũ ame̱se̱ ke̱-dše̱ nomṅõ le̱ mli ke̱-ba le̱ fe asesei, ni ame̱hĩ asesei le̱ amli. Ni Israelbii le̱ efeko nakai dã ke̱-dše̱ Iešua, Nun bi le̱, yino̱ āhũ ke̱-baši nakai gbĩ le̱ no̱. Ni ame̱mī še̱ ame̱he naakpa.

Nehemia 8:17 ပူးပေါင်းရင်းမြစ်များ

1 Kronika 29:22

Nakai gbi lɛ Israelbii lɛ yeyee nii ni amɛnunuu dãi yɛ Yehowa hiɛ kɛ nyamɔ babaoo. Amɛsaa amɛwo Solomon, David bi lɛ, maŋtsɛ nɔ ni ji shii enyɔ nɔ. Amɛfɔ lɛ mu yɛ Yehowa gbɛi mli akɛ lumɔ kɛ Zadok hu akɛ osɔfo.

2 Kronika 30:26

Nyamɔ ni anya yɛ Yerusalɛm lɛ jeee hiɛ nɛ, ejaakɛ kɛjɛ Maŋtsɛ David bi Solomon yinɔ lɛ, ayeko afi ni tamɔ nɛkɛ yɛ Yerusalɛm dã.

2 Kronika 35:18

Ayeko Hehoo Gbijurɔ ko yɛ Israel ni ekɛ enɛ ye egbɔ pɛŋ kɛjɛ Gbalɔ Samuel yinɔ; ni asaŋ Israel maŋtsɛmɛi lɛ eko eko yeko Hehoo ko ni etamɔ nɔ ni Yosia kɛ osɔfoi lɛ kɛ Levibii lɛ kɛ Yuda muu fɛɛ kɛ Israelbii ni ba Yerusalɛm lɛ kɛ Yerusalɛm maŋbii lɛ ye nɛɛ.

2 Kronika 8:13

Gbi fɛɛ gbi kɛ enɔ afɔle ni ashãa bɔ ni Mose wo he kitã akɛ ashã lɛ. Solomon shã Hejɔɔmɔgbii afɔlei lɛ, kɛ nyɔji hei ashishijee afɔlei lɛ kɛ afi mli gbii juji etɛ̃ lɛ hu anɔ afɔlei lɛ, nomɛi ji Ma Akpiti Gbijurɔ lɛ kɛ Otsii Agbijurɔ lɛ kɛ Asesei Agbijurɔ lɛ.

Ezra 3:4

Amɛye asesei agbijurɔ lɛ hu, tamɔ bɔ ni ato lɛ, ni amɛshã daa gbi shãa afɔlei lɛ yɛ yibɔ ni ato ahã daa gbi lɛ naa.

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

5 Mose 16:15

Nyɛyea gbijurɔ nɛɛ gbii kpawo nyɛkɛwoa Yehowa, nyɛNyɔŋmɔ lɛ, hiɛ nyam yɛ he ni Yehowa eŋɔ akɛ jɛi aja lɛ yɛ lɛ. Nyɛmii ashɛa nyɛhe jogbaŋŋ diɛŋtsɛ ejaakɛ Yehowa, nyɛNyɔŋmɔ lɛ, baajɔɔ nyɛŋmɔshi nibaanii kɛ nyɛnine naa nitsumɔi fɛɛ nɔ.

Hebribii 11:13

Hemɔkɛyeli mli mɛnɛɛmɛi fɛɛ gboi yɛ. Shɔŋŋ kɛkɛ amɛna nii ni awo he shi lɛ yɛ ni amɛnya he, tsɛ amɛnine shɛko nɔ, ni amɛjaje akɛ gbɔi kɛ mɛi kpɔ̃ji ji amɛ yɛ shikpɔŋ lɛ nɔ.

Hebribii 11:9

Hemɔkɛyeli ekɛyahi shiwoo shikpɔŋ lɛ nɔ akɛ gbɔ, ni ekɛ Isak kɛ Yakob ni ekɛ amɛ ji nakai shiwoo lɛ nɔŋŋ yelɔi lɛ hi bui amli;

Hebribii 4:8

Ejaakɛ eji Yoshua na hã amɛ hejɔɔmɔ kulɛ, fee sɛɛ lɛ Nyɔŋmɔ ewieŋ yɛ gbi kroko he dɔŋŋ.

Yoshua 1:1

Yehowa tsulɔ Mose gbele sɛɛ lɛ, Yehowa kɛɛ Yoshua, Nun bi lɛ, ni lɛ ji Mose sɔ̃ɔlɔ lɛ akɛ,