Nehemia 6:14 - ŊMALƐ KRƆŊKRƆŊ LƐ

¹⁴ Misɔle mikɛɛ, “MiNyɔŋmɔ, kaimɔ ni okɛ Tobia kɛ Sanbalat aye kɛ joomɔ yɛ nibii ni amɛfee lɛ naa. Kaimɔ gbalɔyoo Noadia kɛ gbalɔi krokomɛi lɛ hu koni okɛ amɛ aye; amɛ amɛtaoɔ ni kulɛ amɛwo mihe gbeyei lɛ.”

Ṅmãle̱ Kroṅkroṅ Le̱

¹⁴ *Mi-Nyoṅmo̱, kaimo̱ Tobia ke̱ Sanbalat ye̱ ame̱nitšumo̱i ne̱ anā, ke̱ gbalo̱yõ Noadia ke̱ gbalo̱i ní eſe̱ le̱ hũ, mei ni taoo̱ ní kũle̱ ame̱wo mihe gbeyei le̱. *5,36. 37.

Nehemia 6:14 ပူးပေါင်းရင်းမြစ်များ

Nehemia 13:29

MiNyɔŋmɔ, kaimɔ bɔ ni gbɔmɛi nɛɛ wo osɔfoyeli he muji ni amɛfite kpãŋmɔ ni okɛ osɔfoi lɛ kɛ Levibii lɛ ekpãŋ lɛ.

Nehemia 5:19

MiNyɔŋmɔ, nibii fɛɛ ni mifee mihã nɛkɛ maŋ nɛɛ hewɔ lɛ, kaimɔ mi ni ahi ahã mi.

Lalai 137:7

Oo Yehowa, kaimɔ bɔ ni Edombii lɛ fee lɛ, gbi nɔ ni aŋɔ Yerusalɛm lɛ, bɔ ni amɛkɛɛ akɛ, “Nyɛkumɔa, nyɛkumɔa kɛyamɔa eshishitoo lɛ tɔ̃ɔ” lɛ!

Lalai 22:1

MiNyɔŋmɔ, miNyɔŋmɔ, mɛɛba okwa mi? Mɛɛba okɛ miyelikɛbuamɔ teŋ jɛkɛ nɛkɛ? Mɛɛba okɛ mikɛ̃ɛmɔ teŋ jɛkɛ nɛkɛ?

Lalai 63:1

Oo Naa Nyɔŋmɔ, bo ji miNyɔŋmɔ, miitao bo! Misusuma miiye ohe kumai, migbɔmɔtso miishwe bo, tamɔ shikpɔŋ ni egbi keketee shweɔ nu.

2 Mose 15:20

Kɛkɛ ni gbalɔyoo Miriam, Aaron nyɛmiyoo lɛ, kɔ fao ehiɛ edɛ̃, ni yei lɛ fɛɛ kɔlɔ fabii kɛnyiɛ esɛɛ, ni amɛsha ni amɛjo.

Yeremia 14:15

No hewɔ lɛ, nɔ ni mi, Yehowa, mikɛɔ yɛ gbalɔi nɛɛ ni gbaa yɛ mi migbɛi mli, tsɛbelɛ mitsuko amɛ, ni kɛ̃lɛ amɛkɛɔ akɛ, ‘Ta kɛ hɔmɔ ko baŋ shikpɔŋ lɛ nɔ,’ lɛ ahe nɛ: Ta kɛ hɔmɔ nɔŋŋ nɔ abaatsɔ̃ akpãtã gbalɔi nɛɛ ahiɛ.

Yeremia 14:18

Kɛji miyiŋ mitee ŋa lɛ nɔ lɛ, naa, gbohii ni enyɔnyɔɔi yɛ ta mli, kɛji miku misɛɛ kɛba maŋ lɛ mli lɛ, naa, gbɔmɛi ni hɔmɔ egbe amɛ. Ni gbalɔi lɛ kɛ osɔfoi lɛ miitsu amɛnitsumɔi lɛ yɛ shikpɔŋ lɛ nɔ nɛ; shi amɛleee nɔ ni amɛfeɔ lɛ.”

Yeremia 28:1

Nakai afi lɛ mli nɔŋŋ yɛ Yuda Maŋtsɛ Zedekia maŋtsɛyeli lɛ shishijee mli, yɛ afi ni ji ejwɛ lɛ mli nyɔŋ ni ji enumɔ lɛ nɔ lɛ, Azur bi Hanania ni ji gbalɔ ko ni jɛ Gibeon maŋ lɛ mli lɛ kɛɛ mi yɛ Yehowa Sɔlemɔ we lɛ mli yɛ osɔfoi lɛ kɛ maŋbii muu lɛ ahiɛ akɛ,

Yeremia 28:10

Kɛkɛ ni Gbalɔ Hanania wo kɔŋtso lɛ yɛ Gbalɔ Yeremia kuɛ, ni ekumɔ mli;

Yeremia 28:15

Kɛkɛ ni mikɛɛ Gbalɔ Hanania akɛ, “Hanania, bo toi! Yehowa tsuko bo; ni ohã maŋbii nɛɛ kɛ amɛhiɛ efɔ̃ amale nɔ.

Mateo 24:11

Ni amale gbalɔi pii aaate shi, ni amɛaalaka mɛi pii.

Mateo 24:24

Ejaakɛ amale kristoi kɛ amale gbalɔi aaate shi ni amɛaafee okadii wuji kɛ ashwãi amɛtsɔ̃ɔ, bɔ ni kɛ aaaho lɛ amɛaalaka halamɔbii lɛ tete.

Mateo 7:15

“Shi nyɛhiɛ ahia nyɛhe nɔ yɛ amale gbalɔi lɛ ahe; amɛkɛ too wolo haa amɛhe kɛbaa nyɛŋɔɔ, shi amɛmligbɛ lɛ klãji fulɔi ji amɛ.

2 Timoteo 3:8

Shi tamɔ bɔ ni Yane kɛ Yambre ku Mose naa lɛ, nakai nɔŋŋ nɛkɛ mɛi nɛɛ kuɔ anɔkwale lɛ naa; gbɔmɛi ni yitseiaŋ efite, mɛi ni jeee mɛi komɛi yɛ hemɔkɛyeli lɛ gbɛfaŋ.

1 Yohane 5:16

Kɛji mɔ ko na enyɛmi miifee esha ni jeee esha ni kɛ mɔ yaa gbele mli lɛ, eba Nyɔŋmɔ, ni eeehã lɛ wala, no ji mɛi ni feɔ esha ni jeee esha ni kɛ mɔ yaa gbele mli lɛ. Esha ko yɛ ni kɛ mɔ yaa gbele mli; jeee enɛ hewɔ mikɛɔ akɛ eba Nyɔŋmɔ.

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.