Nehemia 4:14 - ŊMALƐ KRƆŊKRƆŊ LƐ

¹⁴ Kɛkɛ ni mikwɛ bɔ ni nibii yɔɔ hãa, ni mikɛɛ maŋ lɛ mli abladei lɛ kɛ nɔyelɔi lɛ kɛ mɛi ni eshwɛ lɛ fɛɛ akɛ, “Nyɛkashea henyɛlɔi lɛ agbeyei; shi moŋ nyɛkaia Nuŋtsɔ kpeteŋkple ni he yɔɔ gbeyei lɛ, ni nyɛwua nyɛhãa nyɛnyɛmimɛi kɛ nyɛbihii kɛ nyɛbiyei kɛ nyɛŋamɛi kɛ nyɛshĩaiaŋ lɛ.”

Ṅmãle̱ Kroṅkroṅ Le̱

¹⁴ [20.] Nohewo̱ le̱ hefẽhe ní nyeanu te̱tre̱mantre̱ gbē̱mo̱ ye̱ le̱, nyebuaä nyehe nā ke̱-baã wo̱ṅõ ye̱ dše̱i; wo̱-Nyoṅmo̱ le̱ aawu ahãwo̱!

Nehemia 4:14 ပူးပေါင်းရင်းမြစ်များ

2 Samuel 10:12

Feemɔ ekãa, ni hã wɔ fɛɛ wɔfee nuu yɛ wɔmaŋbii kɛ wɔNyɔŋmɔ lɛ maji lɛ ahewɔ, ni Yehowa aaahã nɔ ni lɛ esumɔɔ lɛ aba mli.”

2 Kronika 32:7

“Nyɛtsui akafãa yɛ Asiria maŋtsɛ lɛ kɛ asafo babaoo ni kɛ lɛ nyiɛ lɛ hewɔ! Ejaakɛ mɔ ni kɛ wɔ yɔɔ lɛ da fe mɔ ni kɛ lɛ yɔɔ lɛ.

Nehemia 1:5

ni mikɛɛ, ‘Oo Yehowa, Naa Nyɔŋmɔ ni yɔɔ ŋwɛi, ni oda ni ohe yɔɔ gbeyei! Okɛ osuɔmɔ ni tsakeee yeɔ kpãŋmɔ ni okɛ mɛi ni sumɔɔ bo, ni amɛyeɔ okitãi lɛ anɔ lɛ kpãŋɔ lɛ nɔ, ni okɛtsɔ̃ɔ akɛ anɔkwafo ji bo.

Hiob 37:22

La tsuru fɔɔ kpɛɔ kɛjɛɔ kooyigbɛ kɛbaa. Ni Nyɔŋmɔ he anunyam lɛ hãa wɔsheɔ gbeyei.

Lalai 143:5

Mikaiɔ blema gbii lɛ, mijwɛŋɔ nii ni ofee lɛ fiaa he; misusuɔ oninenaa nitsumɔi lɛ ahe.

Lalai 20:7

Mɛi komɛi shwãa fɔ̃ɔ tayaa shwiilii anɔ, ni mɛi komɛi hu okpɔŋɔi anɔ; shi wɔ lɛ, Yehowa, wɔNyɔŋmɔ lɛ, hewalɛ nɔ wɔshwãa wɔfɔ̃ɔ.

Lalai 27:1

Yehowa ji mila kɛ miyiwalaheremɔ, namɔ po gbeyei mashe? Yehowa ji miwala hewalɛ ni wa, namɔ hiɛ po mihe aaakpokpo yɛ?

Lalai 46:11

Yehowa, Taiatsɛ lɛ, kɛ wɔ yɛ; Yakob Nyɔŋmɔ lɛ ji wɔbobaahe.

Lalai 65:5

Oo wɔyiwalaheremɔ Nyɔŋmɔ, otsɔ̃ɔ onifeemɔ nii ni yɔɔ gbeyei anɔ ohereɔ wɔyiwala! Bo ji shikpɔŋ koji ejwɛ lɛ nɔ gbɔmɛi kɛ ŋshɔ sɛɛ gbɔmɛi fɛɛ ahiɛnɔkãmɔ.

Lalai 66:3

Nyɛkɛa Nyɔŋmɔ akɛ, “Onitsumɔi lɛ yɛ gbeyei pam! Ohewalɛ lɛ dalɛ naa sɔŋŋ hewɔ lɛ, ohenyɛlɔi kotoɔ bo kɛ gbeyeishemɔ.

Lalai 66:5

Nyɛbaa nyɛbakwɛa nɔ ni Nyɔŋmɔ etsu, naakpɛɛnii ni etsu yɛ gbɔmɛi abii ateŋ!

2 Mose 14:14

Yehowa baawu ahã nyɛ, nyɛ lɛ nyɛfea diŋŋ”.

2 Mose 14:25

Ehã amɛshwiilii lɛ anaji lɛ bɔi fuu, ni ekɛwo Ijiptbii lɛ hejaramɔ. Kɛkɛ ni Ijiptbii lɛ kɛɛ akɛ, “Nyɛhãa wɔjoa Israelbii lɛ anaa foi ejaakɛ Yehowa kɛ wɔ miiwu miihã amɛ.”

Jajelɔ 12:1

Kaimɔ obɔlɔ lɛ yɛ oblahiiaŋ, be ni gbii fɔ̃ji lɛ kɛ afii fɔ̃ji lɛ nako ashɛ, be mli ni obaakɛɛ akɛ, “Jeŋshihilɛ eŋɔɔɔ” lɛ.

Daniel 11:32

Ekɛ naadɔkɔmɔ baalaka mɛi ni ekwa jamɔ lɛ; shi mɛi ni miiye amɛNyɔŋmɔ lɛ anɔkwa lolo lɛ baadamɔ shi kpɛŋŋ amɛshi lɛ.

Zakaria 14:3

Enɛ sɛɛ lɛ Yehowa kɛ nakai maji lɛ baawu tamɔ efeɔ yɛ ta beiaŋ lɛ.

4 Mose 14:9

Shi moŋ Yehowa hiɛ atua kɛkɛ ni nyɛkatsea; ni asaŋ nyɛkashea shikpɔŋ lɛ nɔ bii lɛ gbeyei, ejaakɛ amɛshɛŋ wɔwaosɛɛkpelɔ tete; amɛkɔlɔ eje amɛnɔ momo; shi wɔ lɛ, Yehowa kɛ wɔ yɛ. No hewɔ lɛ, nyɛkashea gbeyei.”

Mateo 10:28

Ni nyɛkashea mɛi ni gbeɔ gbɔmɔtso lɛ ni amɛnyɛɛɛ susuma lɛ amɛgbe lɛ gbeyei; shi moŋ nyɛshea mɔ ni nyɛɔ susuma kɛ gbɔmɔtso fɛɛ hiɛ ekpãtãa yɛ abonsamiiaje lɛ gbeyei.

5 Mose 1:21

Naa shikpɔŋ lɛ, no Yehowa, nyɛNyɔŋmɔ lɛ kɛfɔ̃ nyɛhiɛ nɛɛ. Nyɛyaa ni nyɛyaŋɔa tamɔ bɔ ni Yehowa, nyɛtsɛmɛi aNyɔŋmɔ lɛ, kɛɛ nyɛ lɛ. Nyɛkashea gbeyei, ni nyɛtsuii akafãa hu.’

5 Mose 10:17

Ejaakɛ Yehowa, nyɛNyɔŋmɔ lɛ, lɛ ji nyɔŋmɔi fɛɛ aNyɔŋmɔ kɛ nuŋtsɔmɛi anuŋtsɔ; lɛ ji Nyɔŋmɔ Ofe ni je agbo, ni he yɔɔ gbeyei lɛ; mɔ ni kwɛɛɛ hiɛiaŋ, ni asaŋ eheee nyɔɔŋnii lɛ.

Hebribii 13:6

Bɔ ni afee ni wɔna ekãa ni wɔkɛɛ, “Nuŋtsɔ lɛ ji miyelikɛbualɔ, ni misheŋ gbeyei. Mɛni gbɔmɔ aaafee mi?”

Yoshua 1:9

Ani jeee mi mifã bo? Wajemɔ ohe ni ofee ekãa. Kaahã ŋmiŋmi miimɔ bo, ni asaŋ otsui akafã ejaakɛ mi, Yehowa, oNyɔŋmɔ lɛ, mifĩ osɛɛ yɛ he fɛɛ he ni oyaa.”

Kojolɔi 3:27

Be ni eshɛ jɛi lɛ, ekpã tɛtɛrɛmantɛrɛ yɛ Efraim gɔji lɛ anɔ. Kɛkɛ ni Israelbii lɛ kɛ lɛ kpeleke shi kɛjɛ gɔji lɛ anɔ, ni enyiɛ amɛhiɛ.