Nehemia 2:17 - ŊMALƐ KRƆŊKRƆŊ LƐ

¹⁷ Shi agbɛnɛ mikɛɛ amɛ akɛ, “Nyɛ diɛŋtsɛ nyɛmiina nɔ amane mli ni wɔyɔɔ, bɔ ni Yerusalɛm ekumɔ kɛbua shi, ni ehe agboi lɛ hu ashã. Nyɛbaa ni nyɛhãa wɔtswaa Yerusalɛm gbogbo lɛ koni wɔhiɛshishwiemɔ nɛɛ sɛɛ afo.”

Ṅmãle̱ Kroṅkroṅ Le̱

¹⁷ Ke̱ke̱ ni mikē̱ame̱ ake̱: Nyedientše̱ nyemīna no amane mli ní wo̱yo̱, bo̱ni Ierusalem kã ši amaṅfõ, ni ehe agbói le̱ hũ ake̱ la ešã; nyebaä ni nyehãa wo̱-tſaä Ierusalem gbogbo le̱, koni wo̱kato kpa doṅṅ!

Nehemia 2:17 ပူးပေါင်းရင်းမြစ်များ

Ezra 9:9

Ejaakɛ nyɔji ji wɔ; shimɔ kɛkɛ oshiko wɔ yɛ wɔnyɔŋyeli lɛ mli; shi moŋ ohã Persia maŋtsɛmɛi lɛ ena wɔ mɔbɔ, ni ohã wɔyi ena wala koni wɔma oshĩa lɛ ni wɔsaa emli tsukoi lɛ. Okɛ ohewalɛ lɛ efo afabaŋ ewo wɔhe yɛ Yuda kɛ Yerusalɛm, koni wɔfee shweshweeshwe.”

Nehemia 1:3

Amɛto he akɛ, “Mɛi ni aŋɔ amɛ nom lɛ ateŋ mɛi ni hiɛ kã lolo ni yɔɔ shikpɔŋ lɛ nɔ lɛ miina amanehulu kpele, ni amɛhiɛ eshwie shi. Yerusalɛm gbogbo lɛ akumɔ ashwie shi, ni enaa agboi lɛ ashã.

Nehemia 2:13

Mitsɔ̃ jɔɔ lɛ mli agbo lɛ naa nyɔɔŋ kɛje kpo kɛtsɔ̃ Drako Nubu lɛ he kɛtee Tumo Agbo lɛ naa. Misra Yerusalɛm gbogboi lɛ mikwɛ bɔ ni amɛkumɔ amɛshwie shi, kɛ enaa agboi ni ashã lɛ.

Nehemia 2:16

Shi nɔyelɔi lɛ leee he ni mitee kɛ nɔ ni miyafee. Yudafoi lɛ kɛ osɔfoi lɛ kɛ abladei lɛ kɛ nɔyelɔi lɛ kɛ mɛi ni eshwɛ ni ji mɛi ni baatsu nii lɛ hu, migbako amɛ.

Nehemia 3:15

Nubu Agbo lɛ Shallum, Kol-Hoze bi lɛ ni ji Mizpa mlijaa fã lumɔ lɛ, ji mɔ ni basaa. Lɛ ema, ni eha nɔ, ni etara enaa shinai lɛ kɛ amɛhe sai kɛ amɛsɛɛ adabaŋi lɛ. Lɛ nɔŋŋ etswa Shela Kpaakpo lɛ he gbogbo lɛ ni yɔɔ maŋtsɛ trom lɛ masɛi lɛ, aahu kɛyashi atrakpoi ni kpelekeɔ shi kɛjɛɔ David maŋ lɛ mli lɛ he.

Lalai 102:15

Majimaji lɛ aaashe Yehowa gbɛi lɛ gbeyei, ni shikpɔŋ lɛ nɔ maŋtsɛmɛi fɛɛ aaashe onunyam lɛ.

Lalai 44:13

Ohã mɛi ni bɔle wɔ lɛ bɔɔ wɔ ahora, mɛi ni bɔle wɔ lɛ yeɔ wɔhe fɛo ni amɛŋmɔɔ wɔ.

Lalai 44:14

Ohã wɔtsɔ̃mɔ mɛi ni abuuu amɛ yɛ majimaji lɛ ateŋ; wɔtsɔ̃mɔ hefɛoyelinii wɔhã majimaji lɛ.

Lalai 79:12

Oo Nuŋtsɔ, ahora ni maji ni yɔɔ wɔmasɛi ebɔ bo lɛ, bɔɔ he nakai toi kpawo oshãkã amɛtsitsi.

Lalai 79:4

Wɔhewɔ maji lɛ miibɔ wɔ ahora; amɛŋmɔɔ wɔ, ni amɛyeɔ wɔhe fɛo.

Yeremia 24:9

Mibahã amɛtsɔ̃ gbeyei nɔ amɛhã shikpɔŋ lɛ nɔ maŋtsɛyelihei fɛɛ; ni abaaye amɛhe fɛo, ni abaabɔ amɛ ahora, ni amɛbaatsɔ̃mɔ mɛi ni alomɔ amɛ yɛ hei fɛɛ ni mibagbɛ amɛ mashwã kɛya lɛ.

Yāfó 2:2

Nuŋtsɔ lɛ ekpãtã Yuda shihilɛhei fɛɛ ahiɛ, ni enaaa mɔbɔ. Ekumɔ Yuda biyoo lɛ mɔji eshwie shi yɛ emlifu naa. Etsi emaŋtsɛyeli lɛ kɛ emli lumɛi etswia shi, ni ewo amɛ hiɛgbele.

Yāfó 3:51

Miyeɔ hejaramɔ kɛji mina sane ni eye mimaŋ oblayei lɛ.

Ezekiel 5:14

Asaŋ mahã otsɔ̃ amaŋfɔ̃ kɛ ahorabɔɔ nɔ yɛ majimaji ni bɔle bo lɛ ateŋ, kɛ mɛi hu ni hoɔ lɛ ahiɛ.

Mika 7:11

Yerusalɛmbii, be miiba ni aaasaa maŋ lɛ gbogboi lɛ atswa ni aaalɛɛ ehusui amli kɛaatee sɛɛ.

1 Samuel 11:2

Shi Nahash, Amonbii amaŋtsɛ lɛ, hã amɛ hetoo ekɛɛ, “Dani mikɛ nyɛ aaakpãŋ ni wɔfee ekome lɛ, ja nyɛhã mifamɔ nyɛninejurɔ hiŋmɛii fɛɛ yɛ nyɛyitsei ahe koni kpa ni nyɛbaaje lɛ ahã Israel muu lɛ fɛɛ hiɛ ashwie shi.”