Nehemia 13:25 - ŊMALƐ KRƆŊKRƆŊ LƐ

²⁵ Mihiɛ dɔ wo amɛ, ni milomɔ amɛ. Miyi amɛteŋ mɛi komɛi, ni mifamɔ amɛyiteŋ tsɔi. Mihã amɛkã Nyɔŋmɔ kitã akɛ amɛkɛ amɛbiyei lɛ haŋ maŋsɛɛbii abihii gbãlã, ni amɛŋɔŋ maŋsɛɛbii abiyei amɛhaŋ amɛbihii lɛ. Asaŋ amɛ diɛŋtsɛ hu amɛkɛ maŋsɛɛbii ehiŋ shi.

Ṅmãle̱ Kroṅkroṅ Le̱

²⁵ Ke̱ke̱ ni miblo̱ miwoame̱, ni milomo̱ame̱, ni miyi ame̱teṅ meikomei, ni mifãmo̱ ame̱yĩtšo̱i, ni mihã ame̱kã Nyoṅmo̱ kitã mikē̱: Ke̱dši *nyeṅõ nyebiyei nyehã ame̱bihĩĩ agblã ni nyew̌e̱ ame̱biyei nyehã nyebihĩĩ lo nyedientše̱ nyehe fĩ! *5 Mose 7,3.

Nehemia 13:25 ပူးပေါင်းရင်းမြစ်များ

2 Maŋtsɛmɛi 2:24

Elisha tsɔ̃ ehe, ni ekwɛ amɛ, ni ekɛ Yehowa gbɛi lomɔ amɛ. Kɛkɛ ni oshishibrishi yei enyɔ jɛ koo lɛ mli ba, ni amɛbatserɛ gbekɛbii hii lɛ ateŋ mɛi nyɔŋmai ejwɛ kɛ enyɔ mli.

Ezra 10:5

Kɛkɛ ni Ezra te shi, ni ebi osɔfoi kɛ Levibii lɛ nukpai lɛ kɛ Israel maŋ muu lɛ fɛɛ koni amɛkãmɔ kitã akɛ amɛbaafee bɔ ni akɛɛ lɛ ni amɛkãmɔ kitã lɛ.

Ezra 7:26

Mɔ fɛɛ mɔ ni yeee oNyɔŋmɔ lɛ mla lɛ kɛ maŋtsɛ mla lɛ nɔ lɛ, akojo lɛ pɛpɛɛpɛ koni toigbalamɔ ni sa lɛ akɛhã lɛ. Gbele jio, naneshitutswaa jio, nii anaatsii jio, tsuŋwoo jio.”

Nehemia 13:11

No hewɔ lɛ, mihiɛ dɔ wo hiɛnyiɛlɔi lɛ, ni mibi amɛ akɛ, “Mɛɛ hewɔ ajo foi ashi Nyɔŋmɔ We lɛ?” Mibua Levibii lɛ kɛ Sɔlemɔ we lɛ mli lalɔi lɛ anaa kɛba, ni mikɛ amɛ yato amɛgbɛhe.

Nehemia 13:17

Mikã Yuda abladei lɛ ahiɛ, ni mikɛɛ amɛ akɛ, “Mɛɛ sane fɔŋ nyɛyeɔ ni nyɛkɛbuleɔ hejɔɔmɔ gbi lɛ nɛɛ?

Nehemia 13:24

Amɛbii lɛ wieɔ Ashdod wiemɔ lɛ loo wiemɔ kroko fã kɛ fã, ni amɛnyɛɛɛ Yudafoi awiemɔ lɛ amɛwie.

Nehemia 5:13

Asaŋ mitswa mimlifiinɔ lɛ mli, ni mikɛɛ, “Mɔ fɛɛ mɔ ni yeee nɛkɛ shiwoo nɛɛ nɔ lɛ, bɔ ni Nyɔŋmɔ aaatswa emli kɛjie lɛ kɛjɛ ewe kɛ enitsumɔ mli nɛ; bɔ nɔŋŋ ni aaatswa emli ni afee lɛ shwɛm nɛ.” Asafo muu lɛ fɛɛ here nɔ amɛkɛɛ, “Amen!” Ni amɛ jie Yehowa yi. Maŋ lɛ ye amɛshiwoo nɛɛ nɔ.

Nehemia 5:6

Be ni minu saji ni eŋɔɔɔ amɛnaa kɛ nɛkɛ wiemɔi nɛɛ lɛ, mimli wo la naakpa,

Lalai 119:53

Mimli ewo la naakpa yɛ mɛi fɔ̃ji ni kwaa omla lɛ ahewɔ.

Lalai 15:4

Mɔ ni nyɛɔ mɛi fɛɛ ni Nyɔŋmɔ ekwa amɛ, shi moŋ ewoɔ mɛi ni sheɔ Yehowa gbeyei lɛ ahiɛ nyam; mɔ ni kɛ ekã kitã ni eeena amane yɛ he po lɛ, etsakeee.

2 Mose 34:16

Nakai nɔŋŋ eeehã nyɛyaŋɔŋɔɔ amɛbiyei akɛ ŋamɛi nyɛhã nyɛbihii, ni kɛji amɛbiyei lɛ tee amɛnyɔŋmɔi lɛ jamɔ lɛ, nyɛbihii lɛ aaanyiɛ amɛŋamɛi lɛ asɛɛ amɛje misɛɛ, ni amɛaayaja ŋamɛi lɛ asɛɛ nyɔŋmɔi lɛ.

Abe̱i 28:4

Mɛi ni kwaa mla lɛ, amɛ jieɔ mɔ fɔŋ yi; shi mɛi ni yeɔ mla nɔ lɛ teɔ shi amɛwoɔ mɛi fɔ̃ji lɛ.

Yesaia 50:6

Mitsɔ mikotosɛɛ miha yilɔi kɛ midabii hu miha mɛi ni famɔɔ tsɛŋ; ni mijooo hiɛgbele kɛ lajɔ̃ naa foi.

5 Mose 6:13

Nyɛshea Yehowa, nyɛNyɔŋmɔ lɛ, gbeyei; lɛ ekoome nyɛjaa, ni lɛ pɛ egbɛi nyɛkɛkãa kitã.

5 Mose 7:3

Nyɛkɛ amɛ akabotea gbãlãshihilɛ mli; nyɛkɛ nyɛbiyei akahãa amɛbihii gbãlã lɛ, nyɛkaŋɔa amɛbiyei nyɛhãa nyɛbihii hu gbãlã.

Yoshua 23:12

Ejaakɛ naa, kɛji nyɛfeee nakai, shi moŋ nyɛkwa lɛ, ni nyɛkɛ nyɛhe yabɔ maji ni anɔ bii ni eshwɛ futu nyɛteŋ nɛɛ ahe, ni nyɛ kɛ amɛ botebotee gbãlãshihilɛ mli, ni nyɛkɛ amɛyei hihii shi, ni amɛ hu amɛkɛ nyɛyei hihii shi lɛ,