Nehemia 13:15 - ŊMALƐ KRƆŊKRƆŊ LƐ

¹⁵ Nakai be lɛ mli mina akɛ mɛi ŋaa wainyibii yɛ hejɔɔmɔ gbi lɛ nɔ yɛ Yuda. Mina akɛ akɛ abele kɛ wain kɛ wainyibii kɛ agbãmi jatsui kɛ jatsui srɔtoi fɛɛ tereɔ tejii kɛbaa Yerusalɛm yɛ hejɔɔmɔ gbi lɛ nɔ. Migbɛ miwo amɛ yɛ gbi nɔ ni amɛhɔ̃ɔ nii lɛ hewɔ.

Ṅmãle̱ Kroṅkroṅ Le̱

¹⁵ Nakai gbĩĩ le̱ amli le̱ mina ye̱ Iuda, bo̱ni meikomei nāa weintšõne ye̱ hedšō̱mo̱gbĩ le̱ no̱, ni ame̱ke̱ able dšatšui hũ baä, ame̱ke̱-tēreo̱ tedšii, ke̱ wein ke̱ weinyibii ke̱ agbãmii hũ ke̱ dšatšui sro̱toi fẽ, ni ame̱ke̱-baä Ierusalem ye̱ hedšō̱mo̱gbĩ le̱ no̱; ni mibo̱ame̱ ko̱ko̱ gbĩ ni *ame̱hõo̱ nii le̱. *10,32. Ier. 17,21-27.

Nehemia 13:15 ပူးပေါင်းရင်းမြစ်များ

2 Kronika 24:19

Kɛ̃ lɛ Yehowa tsu gbalɔi kɛba ni amɛbabɔ amɛ kɔkɔ; asaŋ koni amɛkpale Yuda kɛ Yerusalɛmbii koni amɛhi shi bɔ ni Yehowa taoɔ; shi maŋbii lɛ booo toi.

Nehemia 10:31

Kɛji shikpɔŋ lɛ nɔ bii lɛ kɛ guɔnii loo abele ba hɔ̃ɔmɔ yɛ hejɔɔmɔ gbi lɛ nɔ loo gbi krɔŋkrɔŋ lɛ eko nɔ lɛ wɔheŋ. Asaŋ daa afi nɔ ni ji kpawo lɛ nɔ lɛ, wɔhuŋ wɔŋmɔji lɛ, ni nyɔmɔ fɛɛ nyɔmɔ ni ahiɛ wɔ lɛ wɔkɛbaake.

Nehemia 10:32

Asaŋ wɔmiikã kitã akɛ daa afi lɛ, wɔɔhã jwiɛtɛi talenta kome mlijaa etɛ̃ mli ekome yɛ sɔ̃ɔmɔ ni asɔ̃mɔɔ yɛ wɔNyɔŋmɔ lɛ we lɛ kɛ nibii krokomɛi hu hewɔ.

Nehemia 13:16

Tirobii komɛi ni yɔɔ Yerusalɛm lɛ kɛ loo kɛ guɔnii srɔtoi fɛɛ baa amɛbahɔ̃ɔ amɛhãa Yudabii lɛ yɛ hejɔɔmɔ gbi lɛ nɔ tete yɛ Yerusalɛm.

Nehemia 13:21

Mibɔ amɛ kɔkɔ ni mikɛɛ amɛ akɛ, “Mɛɛ hewɔ nyɛbatoɔ gbogbo lɛ sɛɛ lɛ? Kɛ nyɛfee nakai ekoŋŋ lɛ, mibamɔmɔ nyɛ.” Kɛjɛ nakai gbi lɛ nɔ lɛ, amɛbaaa hejɔɔmɔ gbi lɛ nɔ dɔŋŋ.

Nehemia 9:29

Obɔ amɛ kɔkɔ koni amɛbɔ̃i omla lɛ nɔyeli ekoŋŋ; shi amɛwo amɛhe, ni amɛbooo okitãi lɛ atoi; amɛfee esha amɛshi omlai lɛ ni kɛji gbɔmɔ ye nɔ ni eyi naa wala lɛ. Amɛtsi amɛhe kɛje ohe; amɛfee amɛhe kuɛŋtilɔi, ni amɛbooo bo toi.

Hiob 39:12

Ani oheɔ lɛ oyeɔ akɛ ekɛ onikpamɔnii lɛ baaku esɛɛ; naa, ni ebua obele lɛ naa ewo aboŋo mli?

Lalai 50:7

Oo mimɛi, nyɛboa toi, mibawie. Oo Israel, maye odase mashi bo. Mi ji Naa Nyɔŋmɔ, oNyɔŋmɔ lɛ.

2 Mose 31:12

Ni Yehowa kɛɛ Mose akɛ,

2 Mose 31:16

No hewɔ lɛ, Israelbii lɛ aye hejɔɔmɔ gbi lɛ, amɛye yɛ amɛyinɔi fɛɛ mli akɛ naanɔ kpãŋmɔ.

2 Mose 34:21

“Atsu nii gbii ekpaa, shi gbi ni ji kpawo lɛ nɔ lɛ ajɔɔ he, humɔ be mli jio, nikpamɔ be mli jio, ajɔɔ he.

2 Mose 35:2

Aŋɔ gbii ekpaa akɛtsu nii, shi gbi ni ji kpawo lɛ atsɔ̃ gbi krɔŋkrɔŋ ahã nyɛ, Yehowa hejɔɔmɔ gbi krɔŋŋ ni. Mɔ fɛɛ mɔ ni aaatsu nii yɛ nɔ lɛ aaagbe lɛ.

Abe̱i 28:4

Mɛi ni kwaa mla lɛ, amɛ jieɔ mɔ fɔŋ yi; shi mɛi ni yeɔ mla nɔ lɛ teɔ shi amɛwoɔ mɛi fɔ̃ji lɛ.

Yesaia 58:13

Yehowa kɛɛ, “Kɛji oto hejɔɔmɔ gbi lɛ akɛ gbi krɔŋkrɔŋ, ni ofɔ̃ɔ bo diɛŋtsɛ onɔ mlifomɔ yɛ migbi krɔŋkrɔŋ lɛ nɔ lɛ, kɛji obu Yehowa gbi krɔŋkrɔŋ lɛ, ni ohiɛ sɔ Yehowa gbi krɔŋkrɔŋ lɛ, kɛji owo gbi lɛ, ni ofeee bo diɛŋtsɛ otsuinaa nii, ni ofooo bo diɛŋtsɛ onɔ mli, ni otsuuu bo diɛŋtsɛ onii lɛ, loo otiuuu otsuinaanii sɛɛ, aloo owieee yaka wiemɔi yɛ nɔ lɛ,

Yeremia 17:24

“Shi mi, Yehowa miikɛɛ akɛ, ‘Kɛji nyɛbo mi toi, ni nyɛkɛ jatsu ko jatsu ko tsɔ̃ɔɔ maŋ nɛɛ agbo ko mli kɛboteee maŋ lɛ mli yɛ hejɔɔmɔ gbi lɛ nɔ, shi moŋ nyɛye hejɔɔmɔ gbi lɛ akɛ gbi krɔŋkrɔŋ, ni nyɛtsuuu nitsumɔ ko nitsumɔ ko yɛ nɔ lɛ,

Yeremia 17:27

Shi kɛji nyɛbooo mi toi akɛ nyɛye hejɔɔmɔ gbi lɛ akɛ gbi krɔŋkrɔŋ lɛ, ni no gbi lɛ nɔ, mɔ ko tere jatsu ko kɛtsɔ̃ Yerusalɛm agboi lɛ eko mli kɛba maŋ lɛ mli yɛ hejɔɔmɔ gbi lɛ nɔ lɛ, no lɛ mibama maŋ lɛ agboi lɛ anaa la, ni la nɛɛ baashã Yerusalɛm mli mɔji lɛ, ni mɔ ko nyɛŋ agbe.’ ”

Yeremia 42:19

Gbalɔ Yeremia tee nɔ ekɛɛ akɛ, “Yehowa ekɛɛ nyɛ, Yudabii ni eshwɛ, akɛ, ‘Nyɛkayaa Ijipt.’ Nyɛnaa nyɛlea krɛdɛɛ akɛ miibɔ nyɛ kɔkɔ ŋmɛnɛ gbi nɛɛ

Ezekiel 20:13

“Shi Israel we lɛ tse mihiɛ atua yɛ ŋa lɛ nɔ; amɛbaaa amɛjeŋ yɛ mimlai lɛ anaa, shi moŋ amɛkwa mikpɔi ni kɛ gbɔmɔ ye nɔ ni eyi aaana wala lɛ; ni amɛbule mihejɔɔmɔ gbii lɛ hu naakpa. No hewɔ lɛ, mito miyiŋ akɛ mikɛ mimlila aaaplene amɛ yɛ ŋa lɛ nɔ kwrakwra.

Amos 8:5

Nyɛkɛɔ akɛ, “Mɛɛbe po nyɔŋ hee lɛ aaanyɔ shi koni wɔbɔ̃i ŋmaa hɔ̃ɔmɔ? Ni mɛɛbe po abaagbe hejɔɔmɔ gbi lɛ yeli naa koni wɔbɔ̃i wɔŋmaa hɔ̃ɔmɔ kɛ susumɔnɔ ni shɛɛɛ, asaŋ kɛ nsɛnitɛ ni atse nɔ?

Mika 6:3

Yehowa miibi emaŋ lɛ akɛ, “Mimaŋ, mɛni mifee bo? Mɛni mli mihã etɔ bo yɛ? Hã mi hetoo.

Bɔfoi 2:40

Ni ewie wiemɔi krokomɛi pii ekɛye odase ni ekɛwo amɛ ŋaa akɛ, “Nyɛhãa aherea nyɛyiwala kɛjea yinɔ kɔɔdɔŋ nɛɛ mli.”

Bɔfoi 20:21

ni miye odase mitsɔ̃ɔ Yudafoi kɛ Helabii fɛɛ akɛ amɛkpale kɛba Nyɔŋmɔ ŋɔɔ ni amɛhe wɔNuŋtsɔ Yesu nɔ amɛye.

Galatabii 5:3

Shi misaa miiye odase miitsɔ̃ɔ gbɔmɔ fɛɛ gbɔmɔ ni foɔ ketia lɛ akɛ ehiɛ nyɔmɔ, no ji akɛ eye Mla muu lɛ fɛɛ nɔ.

Efesobii 4:17

No hewɔ lɛ, miikɛɛ ni miima nɔ mi yɛ Nuŋtsɔ lɛ mli, akɛ nyɛkanyiɛ tamɔ bɔ ni jeŋbii lɛ nyiɛɔ yɛ amɛyaka jwɛŋmɔ lɛ mli lɛ dɔŋŋ,

5 Mose 8:19

Shi naa, kɛji nyɛhiɛ je Yehowa, nyɛNyɔŋmɔ lɛ, nɔ, ni nyɛshi lɛ sɛɛ, ni nyɛtee nyɛyasɔmɔ ni nyɛja nyɔŋmɔi krokomɛi lɛ, no lɛ, miigba mli kpoo miikɛɛ nyɛ ŋmɛnɛ gbi nɛɛ akɛ kpãtãmɔ kɛ̃ nyɛhiɛ aaakpãtã.

1 Tesalonikabii 4:6

Ni mɔ ko akatɔ̃ enyɛmi nɔ ni eye lɛ amim yɛ sane nɛɛ mli, ejaakɛ enɛɛmɛi fɛɛ ahe oweletɔlɔ ji Nuŋtsɔ lɛ, tamɔ bɔ ni wɔkɛɛ nyɛ wɔto ni wɔye he odase lɛ.