Nehemia 12:43 - ŊMALƐ KRƆŊKRƆŊ LƐ

⁴³ Nakai gbi lɛ amɛshã shãa afɔlei babaoo, ni amɛnyã, ejaakɛ Nyɔŋmɔ ehã amɛmii eshɛ amɛhe waa naakpa. Yei kɛ gbekɛbii lɛ hu nyãnyãa waa bɔ ni anu nyamɔ ni anyãa yɛ Yerusalɛm lɛ he yɛ shɔŋŋ tete.

Ṅmãle̱ Kroṅkroṅ Le̱

⁴³ Ni ame̱šã šā̃-afolei babaō nakai gbĩ le̱, ni amenyã́nyã́i; edšake̱ Nyoṅmo̱ ehã ame̱nyã́ nyã́mo̱ kpeteṅkple; ni yei le̱ ke̱ gbekẽbii le̱ hũ nyã́nyã́i, āhũ ní anu Ierusalem nyã́mo̱ le̱ ye̱ šoṅṅ po.

Nehemia 12:43 ပူးပေါင်းရင်းမြစ်များ

2 Kronika 20:13

Nɛkɛ be mli lɛ Yuda hii fɛɛ kɛ amɛŋamɛi kɛ amɛbii kɛ hɔi blublu ewo shi yɛ Yehowa Sɔlemɔtsu lɛ hiɛ.

2 Kronika 20:27

Yehoshafat nyiɛ Yuda kɛ Yerusalɛm tabilɔi lɛ ahiɛ kɛku sɛɛ kɛba Yerusalɛm kɛ nyamɔ ejaakɛ Yehowa ehã amɛnya yɛ nɔ ni ba amɛhenyɛlɔi lɛ anɔ lɛ hewɔ.

2 Kronika 7:10

Ni enɔ jetsɛremɔ, ni ji nyɔŋ ni ji kpawo lɛ nɔ gbi nyɔŋmai enyɔ kɛ etɛ̃ lɛ, Maŋtsɛ Solomon wo maŋ lɛ gbɛ, ni amɛtetee amɛshĩai kɛ miishɛɛ kɛ nyamɔ yɛ jɔɔmɔ ni Yehowa ejɔɔ David kɛ Solomon kɛ Israelbii lɛ ahewɔ.

Ezra 3:13

No hewɔ lɛ, maŋbii lɛ yooo emli nɔ ni ji nyamɔ oshebɔɔ lɛ kɛ nɔ ni ji yaafo blɔmɔ lɛ, ejaakɛ maŋbii lɛ bɔ oshe waa diɛŋtsɛ, ni anu yɛ shɔŋŋ.

Nehemia 12:27

Be ni abaajɔɔ Yerusalɛm gbogbo lɛ nɔ afee lɛ krɔŋkrɔŋ lɛ, ayatao Levibii yɛ hei ni amɛyɔɔ lɛ fɛɛ, ni akɛ amɛ ba Yerusalɛm koni amɛbaye hetsuumɔ gbijurɔ lɛ kɛ nyamɔ kɛ shidaa lalai kɛ ŋoŋoi kɛ kpãa saŋkui.

Nehemia 12:42

Mɛi ni nyiɛ amɛsɛɛ ji Maaseia kɛ Shemaia kɛ Eleazar kɛ Uzi kɛ Yohanan kɛ Malia kɛ Elam kɛ Ezer. Yezrahia kɛ elalɔi aku lɛ la waa diɛŋtsɛ.

Hiob 34:29

Kɛji Nyɔŋmɔ fee diŋŋ lɛ, namɔ baanyɛ lɛ ashwa? Kɛji ekɛ ehiɛ tee lɛ namɔ baanyɛ ehiɛ lɛ ena?

Lalai 27:6

Ni eeewo minɔ yɛ mihenyɛlɔi ni ebɔle mi lɛ anɔ; ni mikɛ mliflimɔ aaabɔ oshe, ni mashã afɔle yɛ ebuu lɛŋ. Mala, ni matswa saŋku mahã Yehowa.

Lalai 28:7

Yehowa ji mihewalɛ kɛ mitsɛŋ; enɔ mikɛ mitsui fɔ̃ɔ, ni eyeɔ ebuaa mi ni minaa tsuijurɔ. Mikɛ milala aaada lɛ shi.

Lalai 9:2

Ohewɔ lɛ manya; ni mimli aaafli mi. Bo Ofe ni oyɔɔ ŋwɛi flooflo, mala, ni majie ogbɛi lɛ yi.

Lalai 92:4

Ejaakɛ, bo Yehowa, onifeemɔ nii ehã mimii eshɛ mihe, ni oninenaa nitsumɔi lɛ hãa milaa kɛ miishɛɛ.

Yesaia 61:3

Etsu mi koni mɛi ni yeɔ ŋkɔmɔ yɛ Zion lɛ mibaha amɛ ayilɔ yɛ lamlu najiaŋ, ni yɛ awerɛho najiaŋ lɛ, mibaha amɛmii ashɛ. Amɛaafee tamɔ tsei ni Yehowa diɛŋtsɛ tɛo. Amɛ fɛɛ amɛaafee nii ni ja, ni aaajie Nyɔŋmɔ yi yɛ nii ni efee lɛ hewɔ.

Yeremia 31:13

Kɛkɛ lɛ oblayei lɛ baajo kɛ nyamɔ, ni oblahii kɛ hiimeji amii aaashɛ amɛhe. Mibahã amɛkɔmɔyeli atsɔ̃ mliflimɔ; mibashɛje amɛmii, ni yɛ awerɛho najiaŋ lɛ mahã amɛnya.

Yeremia 33:11

nyamɔ kɛ mliflimɔ kɛ ayɛmforowu kɛ ayɛmforo gbee ekoŋŋ yɛ jɛi. Abaanu mɛi ni kɛ amɛshidaa afɔlei baa Yehowa we lɛ he ni amɛmiila akɛ, ‘Nyɛdaa Yehowa, Taiatsɛ lɛ, shi ejaakɛ Yehowa hi, ni esuɔmɔ ni tsakeee lɛ hiɔ shi kɛyaa naanɔ!’ Ejaakɛ mibahã shikpɔŋ lɛ ashwere tamɔ bɔ ni eyɔɔ tsuutsu lɛ. Mi Yehowa mikɛɛ.”

4 Mose 10:10

Asaŋ nyɛkpãa tɛtɛrɛmantɛrɛi lɛ yɛ gbii ni nyɛmiinya hu anɔ, kɛ gbii juji ni ato lɛ kɛ nyɔŋ hee shishijee gbi lɛ hu nɔ be mli ni nyɛshãa afɔlei kɛ shidaa afɔlei lɛ yɛ mihiɛ lɛ, ni maye mabua nyɛ. Mi ji Yehowa, nyɛNyɔŋmɔ lɛ.”

Mateo 21:15

Shi be ni osɔfonukpai lɛ kɛ mlatsɔɔlɔi lɛ na naakpɛɛnii ni efee kɛ gbekɛbii lɛ ni bolɔɔ yɛ Sɔlemɔ we lɛ akɛ, “Hosiana David Bi!” lɛ, amɛmli wo la,

Mateo 21:9

ni asafoi ni nyiɛ ehiɛ kɛ mɛi ni nyiɛ esɛɛ lɛ fɛɛ bolɔ amɛkɛɛ, “Hosiana David Bi lɛ! Ajɔɔ mɔ ni baa yɛ Nuŋtsɔ lɛ gbɛi mli lɛ! Hosiana yɛ ŋwɛi flooflo!”

Yohane 16:22

Nakai ji nyɛ hu; amrɔ nɛɛ nyɛmiiye ŋkɔmɔ; shi mibana nyɛ ekoŋŋ, ni nyɛtsui aaanyɔ nyɛmli ni nyɛmiishɛɛ lɛ mɔ ko shɔŋ yɛ nyɛdɛŋ.

Efesobii 5:19

Nyɛkɛ nyɛhe awiewiea yɛ saŋkutswai kɛ yijiemɔ lalai kɛ mumɔŋ lalai amli, nyɛlaa ni nyɛtswaa saŋku yɛ nyɛtsuii amli nyɛhãa Nuŋtsɔ lɛ.

Yakobo 5:13

Nyɛteŋ mɔ ko miina amanehulu lo? Esɔle. Mɔ ko ena tsuijurɔ? Ela yijiemɔ lalai.

1 Samuel 4:5

Be ni Yehowa Kpãŋmɔ Adeka lɛ bashɛ shitoohe lɛ mli lɛ, Israelbii lɛ fɛɛ bɔ oshe waa bɔ ni ehã shikpɔŋ hoso.