Nehemia 12:27 - ŊMALƐ KRƆŊKRƆŊ LƐ

²⁷ Be ni abaajɔɔ Yerusalɛm gbogbo lɛ nɔ afee lɛ krɔŋkrɔŋ lɛ, ayatao Levibii yɛ hei ni amɛyɔɔ lɛ fɛɛ, ni akɛ amɛ ba Yerusalɛm koni amɛbaye hetsuumɔ gbijurɔ lɛ kɛ nyamɔ kɛ shidaa lalai kɛ ŋoŋoi kɛ kpãa saŋkui.

Ṅmãle̱ Kroṅkroṅ Le̱

²⁷ Ni beni ababule Ierusalem gbogbo le̱, ame̱yatao Levibii ye̱ hei ní ame̱yo̱ le̱ fẽ, ni ame̱ṅõame̱ ke̱-ba Ierusalem, ko-ni ame̱baye bulemo̱ gbīdšũrõ le̱ ke̱ nyã́mo̱ ke̱ šidāi ke̱ lalai ke̱ ṅoṅoi ke̱, be̱dši ke̱ saṅkũi.

Nehemia 12:27 ပူးပေါင်းရင်းမြစ်များ

2 Samuel 6:12

Abagba Maŋtsɛ David akɛ, “Yehowa ejɔɔ Obed-Edom we lɛ kɛ nɔ fɛɛ nɔ ni eyɔɔ yɛ Kpãŋmɔ Adeka lɛ hewɔ.” No hewɔ lɛ, David tee, ni eyawo Kpãŋmɔ Adeka lɛ yɛ Obed-Edom we lɛ kɛba Yerusalɛm kɛ nyamɔ.

1 Kronika 13:8

Ni David kɛ Israel muu fɛɛ nya kɛ amɛnyɛmɔ fɛɛ kɛ lalai kɛ saŋkui kɛ bɛji kɛ miji kɛ ŋmɛji kɛ tɛtɛrɛmantɛrɛi amɛkɛwo Nyɔŋmɔ hiɛ nyam.

1 Kronika 15:12

ni ekɛɛ amɛ akɛ, “Nyɛ nyɛ ji Levibii lɛ atsɛmɛi lɛ ashĩai lɛ amli onukpai, no hewɔ lɛ, nyɛ kɛ nyɛnyɛmimɛi Levibii lɛ fɛɛ, nyɛtsuua nyɛhe nyɛfea nyɛhe krɔŋkrɔŋ koni nyɛyawo Yehowa, Israel Nyɔŋmɔ lɛ, Kpãŋmɔ Adeka lɛ kɛba he ni misaa mito lɛ lɛ.

1 Kronika 15:16

David fã Levibii lɛ anukpai lɛ akɛ amɛhala amɛnyɛmimɛi lɛ ateŋ jooshwɛlɔi lɛ ateŋ mɛi komɛi koni amɛla, kɛ mɛi komɛi hu koni amɛkɛ obentai kɛ saŋkui kɛ ŋmɛji ashwɛ joo kɛwo nifeemɔ lɛ he sɔlɛ.

1 Kronika 15:28

Israel muu fɛɛ wo Yehowa Kpãŋmɔ Adeka lɛ kɛba Yerusalɛm be mli ni aabɔ oshe hoo ni aakpã koŋ bɛji kɛ tɛtɛrɛmantɛrɛ, ni aatswia ŋmɛji kɛ saŋkui hu waa diɛŋtsɛ lɛ.

1 Kronika 15:4

Enɛ sɛɛ lɛ David kpee Aaron bii lɛ kɛ Levibii lɛ hu kɛba.

1 Kronika 16:42

Heman kɛ Yedutun ji mɛi ni kwɛɔ tɛtɛrɛmantɛrɛi kɛ ŋmɛji kɛ amɛgbee ŋlɛ̃ŋlɛ̃ lɛ kɛ jooshwɛmɔ nibii krokomɛi fɛɛ ni akɛshwɛɔ joo kɛji aala yijiemɔ lala krɔŋkrɔŋ lɛ. Ni Yedutun bii lɛ ji mɛi ni afee amɛ agbonaabulɔi.

1 Kronika 16:5

Asaf ji gbɔmɛi nɛɛ anukpa, ni esɛɛmɔ ji Zakaria. Yehiel kɛ Shemiramot kɛ Yehiel kɛ Matitia kɛ Eliab kɛ Benaia kɛ Obed-Edom kɛ Yehiel baatswa saŋkui kɛ obentai lɛ, ni Asaf baatswa ŋmɛlɛ kɛ egbee ŋlɛ̃ŋlɛ̃ lɛ.

1 Kronika 23:5

Eto mɛi akpei ejwɛ akɛ agbonaabulɔi, ni eto mɛi akpei ejwɛ hu akɛ amɛ jie Yehowa yi kɛ jooshwɛmɔ nibii ni esaa eto koni akɛjie Yehowa yi lɛ.

1 Kronika 26:31

Yeria ji Hebronbii lɛ atsɛmɛi awei srɔtoi lɛ fɛɛ amli onukpa. Maŋtsɛ David maŋtsɛyeli afi ni ji nyɔŋmai ejwɛ lɛ nɔ lɛ, atao Hebron shwiei lɛ amli ekãalɔi lɛ ayibɔ, kɛkɛ ni ayana Hebronbii kãkãlɔi yɛ Yazer ni yɔɔ Gilead lɛ.

2 Kronika 29:25

Kɛkɛ ni Maŋtsɛ Hezekia hã Levibii lɛ yadamɔ Yehowa We lɛ mli kɛ ŋoŋoi kɛ obentai kɛ saŋkui bɔ ni Yehowa etsɔ̃ maŋtsɛ ninalɔ Gad kɛ agbɛnɛ Gbalɔ Natan nɔ etsɔ̃ɔ Maŋtsɛ David akɛ efee lɛ.

2 Kronika 29:30

No sɛɛ lɛ, Hezekia kɛ maŋ onukpai lɛ bi Levibii lɛ akɛ amɛla lalai ni David folɔ lɛ kɛ nɔ ni Gbalɔ Asaf hu folɔ lɛ amɛkɛjie Yehowa yi. Kɛkɛ ni asafo lɛ koto shi, ni amɛja Nyɔŋmɔ.

2 Kronika 5:13

Tɛtɛrɛmantɛrɛkpãlɔi nɛɛ kɛ lalatsɛmɛi lɛ anitsumɔ ji akɛ amɛla kɛjie Yehowa yi, asaŋ kɛda lɛ shi hu. Be ni osɔfoi lɛ je kpo nɔŋŋ yɛ He Krɔŋkrɔŋ Fe Fɛɛ lɛ, kɛkɛ ni Levibii lɛ wo lala nɔ kɛ tɛtɛrɛmantɛrɛi kɛ ŋmɛji kɛ saŋkui srɔtoi, ni amɛ jie Yehowa yi amɛkɛɛ, “Yehowa hi, ejaakɛ emɔbɔnalɛ sɛɛ efooo, emɔbɔnalɛ lɛ yɛ kɛmiiya naanɔ.” Kɛkɛ ni atatu bayi Yehowa Sɔlemɔtsu lɛŋ obɔ̃;

2 Kronika 7:6

Osɔfoi lɛ damɔ amɛgbɛhe ni ato ahã amɛ lɛ, ni Levibii lɛ damɔ shi amɛmiikwɛ osɔfoi lɛ ahiɛ, ni amɛmiikpã bɛji ni Maŋtsɛ David kɛwo jamɔ lɛ mli koni akɛjie Yehowa yi lɛ akɛ, “Yehowa, esuɔmɔ sɛɛ efooo kɛmiiya naanɔ” lɛ. Nakai be mli lɛ Israel muu lɛ fɛɛ eho edamɔ shi.

Ezra 6:16

Kɛkɛ ni Israelbii lɛ, osɔfoi kɛ Levibii lɛ kɛ mɛi ni eshwɛ ni aŋɔ amɛ nom lɛ ye gbi ni agbeleɔ Nyɔŋmɔ We lɛ naa lɛ akɛ gbijurɔ. Amɛye lɛ kɛ mliflimɔ.

Nehemia 11:20

Israelbii ni eshwɛ lɛ kɛ osɔfoi lɛ kɛ Levibii lɛ hi Yuda maji lɛ fɛɛ amli, mɔ fɛɛ mɔ yɛ lɛ diɛŋtsɛ eshikpɔŋ nɔ.

Nehemia 12:43

Nakai gbi lɛ amɛshã shãa afɔlei babaoo, ni amɛnyã, ejaakɛ Nyɔŋmɔ ehã amɛmii eshɛ amɛhe waa naakpa. Yei kɛ gbekɛbii lɛ hu nyãnyãa waa bɔ ni anu nyamɔ ni anyãa yɛ Yerusalɛm lɛ he yɛ shɔŋŋ tete.

Nehemia 8:17

Mɛi abɔ fɛɛ ni ku amɛsɛɛ kɛjɛ nomŋɔɔ lɛ mli kɛba lɛ fee asesei, ni amɛhi mli. Israelbii lɛ efeko nakai nɔ ko dã kɛjɛ Yoshua, Nun bi lɛ, yinɔ aahu kɛbashi nakai gbi lɛ nɔ. Amɛmii shɛ amɛhe naakpa.

Lalai 149:3

Hã amɛkɛ joo ajie egbɛi lɛ yi, ni amɛkɛ miji kɛ saŋku ala amɛkɛjie eyi.

Lalai 30:1

Oo Yehowa, makafo O, ejaakɛ ojie mi, ni ohãaa mihenyɛlɔi aye mi yɔɔ.

5 Mose 16:11

Nyɛmii ashɛa nyɛhe yɛ Yehowa, nyɛNyɔŋmɔ lɛ hiɛ, nyɛ kɛ nyɛbihii kɛ nyɛbiyei kɛ nyɛwehii kɛ nyɛweyei kɛ Levibii ni yɔɔ nyɛmaji lɛ amli kɛ maŋsɛɛ gbɔi kɛ awusãi kɛ okulafoi hu ni yɔɔ nyɛteŋ lɛ. Nyɛyea gbijurɔ nɛɛ yɛ he ni Yehowa, nyɛNyɔŋmɔ lɛ, eŋɔ akɛ jɛi aja lɛ yɛ lɛ.

5 Mose 20:5

“Osɔfo lɛ wiemɔ lɛ sɛɛ lɛ, asafoiatsɛmɛi lɛ akɛɛ tabilɔi lɛ akɛ, ‘Nyɛteŋ mɔ ni ema tsu hee ni egbeleko naa lɛ, eku esɛɛ kɛya ewe, ejaakɛ kɛji eeeyanyɔ yɛ ta lɛ mli lɛ, mɔ kroko moŋ ni baagbele tsu lɛ naa.

Filipibii 4:4

Nyɛmii ashɛa yɛ Nuŋtsɔ lɛ mli daa! Miikɛɛ ekoŋŋ! Nyɛmii ashɛa!

Kpojiemɔ 5:8

Ni be ni ehe wolo lɛ, hiɛkãalɔi ejwɛ lɛ kɛ onukpai nyɔŋmai enyɔ kɛ ejwɛ lɛ ho gbee shi yɛ Toobi lɛ hiɛ, ni amɛteŋ mɔ fɛɛ mɔ hiɛ saŋku kɛ shika tɔi kɛ amɛmli tsofaikɛŋma obɔ̃bɔ̃ ni ji krɔŋkrɔŋbii lɛ asɔlemɔi lɛ.