Nehemia 12:25 - ŊMALƐ KRƆŊKRƆŊ LƐ

²⁵ Matania kɛ Bakbukia kɛ Obadia kɛ Meshulam kɛ Talmon kɛ Akub ji agbonaakwɛlɔi. Amɛ amɛbuɔ agboi lɛ anaa nitoohei lɛ ahe.

Ṅmãle̱ Kroṅkroṅ Le̱

²⁵ *Matania ke̱ Bakbukia, Obadia; Mešulam, Talmon, Akub dši †bulo̱i ni buo̱ agbói le̱ anā **nitõbei le̱ he. *11,17. 19. †2 Kron. 9,14. **1 Kron. 26,15. 17.

Nehemia 12:25 ပူးပေါင်းရင်းမြစ်များ

2 Maŋtsɛmɛi 7:10

Kɛkɛ ni amɛshi Siriabii lɛ ashitoohe lɛ kɛtee Samaria. Kɛkɛ ni kpitiyelɔi lɛ bo amɛtsɛ maŋ lɛ agbonaabulɔi lɛ, ni amɛkɛɛ amɛ akɛ, “Wɔtee Siriabii lɛ ashitoohe lɛ; ni naa, anaaa mɔ ko mɔ ko lɛ, anuuu mɔ ko mɔ ko he hu akɛ ja okpɔŋɔi ni afimɔ amɛ aŋmɔlɔ̃ shi; ni tejii lɛ hu ŋmɔlɔ shi; ni bui lɛ hu mamɔ shi bɔ ni eyɔɔ ni Siriabii lɛ shi amɛ lɛ nɔŋŋ.”

1 Kronika 23:32

Belɛ Levibii lɛ ji mɛi ni kwɛ Yehowa Kpee Buu lɛ kɛ Sɔlemɔ we lɛ nɔ; ni amɛ amɛwa Aaron shwiei ni ji amɛnyɛmimɛi osɔfoi lɛ, ni akɛsɔmɔ yɛ Yehowa we lɛ.

1 Kronika 26:12

Ajara bulɔi nɛɛ amli kuikui, ku fɛɛ ku kɛ enukpa; ni ahã amɛ amɛgbɛnaa nitsumɔ yɛ Sɔlemɔ we lɛ mli tamɔ ahã amɛnyɛmimɛi Levibii krokomɛi lɛ nitsumɔ lɛ nɔŋŋ.

1 Kronika 26:15

Nɔ ni afɔ̃ wuoyigbɛ agbo lɛ, hewɔ lɛ gbee Obed-Edom nɔ; ni nitoohe lɛ nɔkwɛmɔ gbee ebihii lɛ anɔ.

1 Kronika 26:17

Mɛi ekpaa buɔ bokãgbɛ lɛ daa gbi; mɛi ejwɛ buɔ kooyigbɛ lɛ, ni mɛi ejwɛ hu buɔ wuoyigbɛ lɛ; shi mɛi enyɔnyɔɔnyɔ buɔ nitoohe lɛ daa gbi.

2 Kronika 8:14

Solomon ye akpɔi ni etsɛ David ewo lɛ hu anɔ pɛpɛɛpɛ ekɛto daa gbi sɔɔmɔ nitsumɔi lɛ ahe gbɛjianɔ ehã osɔfoi lɛ akui lɛ kɛ Levibii lɛ hu ni waa osɔfoi lɛ kɛ lalai alamɔ kɛ nitsumɔi hu lɛ, Eto gbɛjianɔ hu ni Sɔlemɔtsu lɛ hebulɔi lɛ yaa kuikui daa gbi amɛyabuɔ Sɔlemɔtsu lɛ agboi lɛ anaa bɔ ni David, Nyɔŋmɔ gbɔmɔ lɛ, wo he akpɔi lɛ pɛpɛɛpɛ.

Yesaia 21:8

Kɛkɛ ni bulɔ lɛ bo waa ekɛɛ, “Nuŋtsɔ, midamɔ buuhe nɛɛ gbi muu fɛɛ, ni mibu nyɔɔŋ lɛ mli fɛɛ hu.