Nehemia 12:24 - ŊMALƐ KRƆŊKRƆŊ LƐ

²⁴ Levibii lɛ atsɛmɛi awei lɛ ayitsei ni ji Hashibia kɛ Sherebia kɛ Yeshua, Kadmiel bi lɛ, to gbɛjianɔ. Afee kui enyɔ; ku kome miijie Nyɔŋmɔ yi, ni amɛmiida lɛ shi; belɛ ku ni ji enyɔ ni yɔɔ amɛhiɛ lɛ miihere nɔ. Amɛ jie Nyɔŋmɔ yi, ni amɛda lɛ shi tamɔ bɔ ni Nyɔŋmɔ gbɔmɔ David ewo kitã lɛ.

Ṅmãle̱ Kroṅkroṅ Le̱

²⁴ Ni Levibii le̱ anukpai ne̱: Hašabia, Šerebia ke̱ Iešua, Kadmiel bi le̱, ke̱ ame̱nyemimei ní yo̱ ame̱ṅe̱le̱no̱ le̱, ní ame̱dšie yi ni ame̱da ši ye̱ Nyoṅmo̱ gbomo *David kitã le̱ nā, bulo̱i tša bulo̱i ano̱: *1 Kron. 25. 2 Kron. 23,25.

Nehemia 12:24 ပူးပေါင်းရင်းမြစ်များ

1 Maŋtsɛmɛi 17:24

Yoo lɛ here Elia nɔ ekɛɛ, “Kpaako mina mile akɛ Nyɔŋmɔ gbɔmɔ ji bo lɛɛlɛŋ, ni asaŋ Yehowa wieɔ kɛtsɔ̃ɔ onɔ!”

1 Kronika 16:4

David famɔ Levibii lɛ ateŋ mɛi komɛi koni amɛla kɛsɔmɔ yɛ Yehowa Kpãŋmɔ Adeka lɛ hiɛ kɛjie Yehowa, Israel Nyɔŋmɔ lɛ, yi koni amɛda lɛ shi ni amɛkɛkafo lɛ.

2 Kronika 8:14

Solomon ye akpɔi ni etsɛ David ewo lɛ hu anɔ pɛpɛɛpɛ ekɛto daa gbi sɔɔmɔ nitsumɔi lɛ ahe gbɛjianɔ ehã osɔfoi lɛ akui lɛ kɛ Levibii lɛ hu ni waa osɔfoi lɛ kɛ lalai alamɔ kɛ nitsumɔi hu lɛ, Eto gbɛjianɔ hu ni Sɔlemɔtsu lɛ hebulɔi lɛ yaa kuikui daa gbi amɛyabuɔ Sɔlemɔtsu lɛ agboi lɛ anaa bɔ ni David, Nyɔŋmɔ gbɔmɔ lɛ, wo he akpɔi lɛ pɛpɛɛpɛ.

Ezra 2:40

Levibii lɛ ni ji Yeshuabii kɛ Kadmielbii ni jɛ Hodaviabii ateŋ lɛ: nyɔŋmai kpawo kɛ ejwɛ.

Nehemia 11:17

Mɛi komɛi hu ji Matania, Mika bi ni ji Zabdi nabi mɔ ni eji Asaf shwie lɛ. Lɛ enyiɛ lalɔi lɛ ahiɛ kɛlaa kɛdaa Nyɔŋmɔ shi lɛ. Mɔ ko hu ji Bakbukia ni ji Matania sɛɛmɔ kɛ Abda, Shamua bi lɛ ni ji Galai ni ji Yedutun nabi lɛ.

Nehemia 12:23

Shi Levibii ni ji tsɛmɛi awei lɛ amɛyitsei lɛ, aŋmã amɛgbɛii yɛ wolo ni Yinɔi Anɔ Saji yɔɔ mli lɛ mli. Aŋmã Levibii awei lɛ ayitsei lɛ agbɛii nɛɛ kɛyashi Yohanan, Eliashib nabi lɛ, yinɔ.

Nehemia 12:36

Ewekumɛi ji Shemaia kɛ Azarel Malalai kɛ Gilalai kɛ Maai kɛ Netanel kɛ Yuda kɛ Hanani. Amɛ hu amɛnyiɛ sɛɛ, ni amɛhiɛ Nyɔŋmɔ gbɔmɔ David nibii ni akɛtswaa lalai aloo akɛkpãa lalai lɛ. Ezra, woloŋmalɔ kpanaa lɛ nyiɛ ku nɛɛ hiɛ.

Nehemia 8:7

Yeshua kɛ Bani kɛ Sherebia kɛ Yamin kɛ Akub kɛ Shabetai kɛ Hodia kɛ Maaseia kɛ Kelita kɛ Azaria kɛ Yozabad kɛ Hanan kɛ Pelaia kɛ Levibii lɛ ji mɛi ni tsɔ̃ɔ maŋ lɛ Mla lɛ shishi. Be ni amɛtsɔ̃ɔ Mla lɛ shishi lɛ, belɛ maŋ lɛ damɔ amɛdaamɔhe lɛ.

Nehemia 9:4

Yeshua kɛ Bani kɛ Kadmiel kɛ Shebania kɛ Buni kɛ Sherebia kɛ Bani kɛ Kenani ho damɔ Levibii lɛ akpoku lɛ nɔ, ni amɛsɔle waa amɛtsɛ Yehowa, amɛNyɔŋmɔ lɛ.

5 Mose 33:1

Jɔɔmɔ ni Nyɔŋmɔ gbɔmɔ Mose kɛjɔɔ Israelbii lɛ dani egbo lɛ nɛ.

1 Timoteo 6:11

Shi bo lɛ, Ao Nyɔŋmɔ gbɔmɔ, joo nibii nɛɛ anaa foi, ni onyiɛ jalɛ, Nyɔŋmɔjamɔ, hemɔkɛyeli, suɔmɔ, hiɛmiamɔ, kɛ kpoofeemɔ sɛɛ.

2 Timoteo 3:17

koni Nyɔŋmɔ gbɔmɔ lɛ aye emuu, ni asaa lɛ pɛpɛɛpɛ ahã nitsumɔ kpakpa fɛɛ nitsumɔ kpakpa.

Yoshua 14:6

Gbi ko lɛ Yuda akutso lɛŋ bii lɛ ba Yoshua ŋɔɔ yɛ Gilgal; ni amɛteŋ mɔ kome ni ji Kaleb, Keniznyo, Yefune bi lɛ, kɛ sane bafɔ̃ Yoshua hiɛ akɛ, “Oookai wiemɔ ni Yehowa kɛ Nyɔŋmɔ gbɔmɔ Mose wie yɛ mihewɔ, kɛ bo hu ohewɔ, yɛ Kadesh Barnea lɛ.