Nehemia 11:22 - ŊMALƐ KRƆŊKRƆŊ LƐ

²² Mɔ ni kwɛ Levibii ni hi Yerusalɛm lɛ nɔ ji Uzi, Bani bi Hashabia bi Matania bi Mika bi lɛ. Ejɛ Asaf bii alalatsɛmɛi ni kwɛɔ Nyɔŋmɔ We lɛ nitsumɔ lɛ nɔ lɛ ateŋ.

Ṅmãle̱ Kroṅkroṅ Le̱

²² Ni Levibii le̱ ní yo̱ Ierusalem le̱ ano̱kwe̱lo̱ dši Uzi, Bani bi, Hašabia bi, Matania bi, Mika bi le̱. Edše̱ Asaf bii ní dši lalatše̱mei ni kwe̱o̱ Nyoṅmo̱ we le̱ nitšumo̱ le̱ no̱ le̱ ateṅ.

Nehemia 11:22 ပူးပေါင်းရင်းမြစ်များ

2 Samuel 9:12

Mefiboshet yɛ binuu fioo ko ni atsɛɔ lɛ Mika. Ziba shĩa lɛ mli bii fɛɛ tsɔ̃ Mefiboshet tsuji.

Ezra 8:19

Amɛkɛ Hashabia kɛ Yeshaia ni jɛ Meraribii lɛ ateŋ kɛ mɛi nyɔŋmai enyɔ ni ji enyɛmimɛi kɛ ebii hu bahã wɔ.

Nehemia 10:11

Mika, Rehob, Hashabia

Nehemia 10:13

Hodia, Bani kɛ Beninu. Mɛnɛɛmɛi ji Levibii kɛ amɛnyɛmimɛi lɛ.

Nehemia 11:11

Kɛ Seraia, Hilkia bi ni ji Meshulam nabi lɛ. Eseshi lɛ mli mɛi komɛi ji Ahitub, mɔ ni ye Osɔfonukpa yɛ Nyɔŋmɔ We lɛ.

Nehemia 11:14

Enyɛmimɛi lɛ hii kãkãlɔi sɔŋŋ ni amɛyibɔ ji oha kɛ nyɔŋmai enyɔ kɛ kpaanyɔ. Mɔ ni kwɛɔ amɛnɔ ji Zabdiel, Gedolim bi lɛ.

Nehemia 11:9

Yoel, Zikri bi lɛ, ji amɛhiɛnyiɛlɔ; ni Yuda, Hasenua bi lɛ, ji esɛɛmɔ yɛ maŋ lɛ mli.

Nehemia 12:35

Be ni ayaa lɛ belɛ osɔfoi lɛ ateŋ mɛi komɛi miikpã tɛtɛrɛmantɛrɛi. Amɛteŋ mɔ kome ji Zakaria, Yonatan bi lɛ. Enii kɛ ekaŋsowai ji Shemaia kɛ Matania kɛ Mikaia kɛ Zakur kɛ Asaf.

Nehemia 12:42

Mɛi ni nyiɛ amɛsɛɛ ji Maaseia kɛ Shemaia kɛ Eleazar kɛ Uzi kɛ Yohanan kɛ Malia kɛ Elam kɛ Ezer. Yezrahia kɛ elalɔi aku lɛ la waa diɛŋtsɛ.

Nehemia 12:46

Ejaakɛ Maŋtsɛ David kɛ Lalatsɛ Asaf yinɔ beebe ato lalɔi lɛ ahiɛnyiɛlɔ; ni amɛla yijiemɔ kɛ shidaa lalai amɛhã Nyɔŋmɔ.

Nehemia 13:13

Mito nitoohe lɛ nɔkwɛlɔi: amɛ ji Osɔfoi Shelemia kɛ Zadok, woloŋmalɔ lɛ, kɛ Pedaia ni jɛ Levibii lɛ ateŋ lɛ. Amɛsɛɛmɔ ji Hanan, Matania bi Zakur bi lɛ. Mito gbɔmɛi nɛɛ, ejaakɛ abuɔ amɛ anɔkwafoi. Amɛnitsumɔ ji akɛ amɛja nii lɛ amɛhã amɛnyɛmimɛi nitsulɔi lɛ.

Nehemia 3:17

Enɛ sɛɛ lɛ, Levibii ni abaatsi amɛgbɛii atã nɛɛ batswa gbogbo lɛ hei komɛi: Rehum, Bani bi lɛ, batswa fã ko; Hashabia, Keila kpokpai anɔ mlijaa fã lumɔ lɛ, batswa he ni yɔɔ enɔ mli.

Nehemia 8:7

Yeshua kɛ Bani kɛ Sherebia kɛ Yamin kɛ Akub kɛ Shabetai kɛ Hodia kɛ Maaseia kɛ Kelita kɛ Azaria kɛ Yozabad kɛ Hanan kɛ Pelaia kɛ Levibii lɛ ji mɛi ni tsɔ̃ɔ maŋ lɛ Mla lɛ shishi. Be ni amɛtsɔ̃ɔ Mla lɛ shishi lɛ, belɛ maŋ lɛ damɔ amɛdaamɔhe lɛ.

Bɔfoi 20:28

No hewɔ lɛ, nyɛlea nyɛhenɔkwɛmɔ kɛ toiku lɛ fɛɛ ni Mumɔ Krɔŋkrɔŋ lɛ ewo nyɛ amɛnɔkwɛlɔi lɛ, koni nyɛlɛ Nyɔŋmɔ asafo lɛ ni ekɛ lɛ diɛŋtsɛ elá he lɛ.