Nehemia 10:36 - ŊMALƐ KRƆŊKRƆŊ LƐ

³⁶ Tamɔ bɔ ni aŋmã yɛ Mla lɛ mli lɛ, wɔkɛ wɔkromɔbihii kɛ wɔkooloi akromɔbii hu kɛ wɔtsinai akromɔbii kɛ wɔtoi akromɔbii aaaba wɔNyɔŋmɔ lɛ we lɛ wɔkɛbahã osɔfoi lɛ ni sɔ̃mɔɔ yɛ jɛi lɛ.

Ṅmãle̱ Kroṅkroṅ Le̱

³⁶ [35.] Ni asaṅ wo̱ke̱ wo̱šikpoṅ le̱ ne̱ kleṅkleṅ nibanii ke̱ tšo-fẽ-tšo no̱ kleṅkleṅ yibii aaba Iehowa we le̱ dā afi, 2 Mose 23,19.

Nehemia 10:36 ပူးပေါင်းရင်းမြစ်များ

2 Kronika 31:5

Amrɔ nɔŋŋ ni anu famɔ nɛɛ he lɛ, Israelbii lɛ kɛ klɛŋklɛŋ abele kɛ wain kɛ mu kɛ wo kɛ ŋmɔshinii srɔtoi ni amɛkpa lɛ amli nii babaoo ba. Amɛkɛ nɔ fɛɛ nɔ ni amɛyɔɔ lɛ mlijaa nyɔŋma mli ekomekome babaoo hu ba.

Nehemia 12:44

Nakai gbi lɛ nɔ nɔŋŋ lɛ, afamɔ hii komɛi ato nitoohei lɛ anɔ: nitoohei nɛɛ ji hei ni akɛ nɔwomɔ afɔlei kɛ klɛŋklɛŋ yibii afɔlei lɛ kɛ nibii amlijai nyɔŋma mli ekomekome lɛ toɔ. Afamɔ hii nɛɛ koni amɛbua ŋmɔji ni yɔɔ maji lɛ ahe lɛ amli nii lɛ amlijai nyɔŋma ni mla lɛ to lɛ naa amɛwo nitoohei lɛ amli amɛhã osɔfoi lɛ kɛ Levibii lɛ. Yuda shikpɔŋ lɛ nɔ bii na osɔfoi lɛ kɛ Levibii ni damɔɔ shi sɔmɔɔ lɛ ahe miishɛɛ;

Nehemia 13:5

Eliashib saa tsu kpeteŋkple ko ehã Tobia ni ehi mli. Tsu nɛɛ, sa lɛ akɛ nibii komɛi toɔ mli. Nibii nɛɛ ji niyenii afɔlei kɛ krɔbɔo kɛ Sɔlemɔ we tsɛnsii kɛ ŋmɔshinii ni ji abele kɛ wain kɛ mu mlijai nyɔŋma mli ekomekome lɛ, ni awo he kitã akɛ akɛhã Levibii lɛ kɛ Sɔlemɔ we lalɔi lɛ kɛ agbonaakwɛlɔi lɛ. Nɔ ni fata nibii ni akɛtoɔ tsu nɛɛ mli lɛ he ji afɔlei ni akɛhãa osɔfoi lɛ.

2 Mose 13:2

“Kromɔbi nuu fɛɛ kromɔbi nuu, ni ji binuu fɛɛ binuu ni gbeleɔ musu naa, yɛ Israelbii ateŋ lɛ ajɔɔ enɔ ahã mi, gbɔmɔ ni jio, kooloo ni jio, ajɔɔ enɔ ahã mi, ejaakɛ minɔ ni.”

2 Mose 23:19

“Klɛŋklɛŋ ŋmɔshinii ni nyɛbaakpa lɛ nyɛkɛbaa Yehowa, nyɛNyɔŋmɔ lɛ, we lɛ. Akahoo toobi kɛ lɛ nɔŋŋ enyɛ fufɔ mli nu.”

2 Mose 34:19

“Nɔ fɛɛ nɔ ni ji nuu ni gbeleɔ musu naa lɛ minɔ ni, tsina ni jio, too ni jio.

Maleaki 3:10

Nyɛkɛ mlijaa nyɔŋma mli ekomekome lɛ fɛɛ abaa nitoohe lɛ koni niyenii ahi miwe lɛ! Nyɛkɛ enɛ akaa mi nyɛkwɛa akɛ migbeleŋ ŋwɛi samfɛji lɛ, ni mifɔseŋ jɔɔmɔ mishwieŋ nyɛnɔ ni ateke nɔ lo?

4 Mose 3:13

Ejaakɛ gbi ni migbe Ijipt shikpɔŋ lɛ nɔ kromɔbii fɛɛ lɛ, mijɔɔ Israelbii akromɔbii fɛɛ anɔ mihã mihe, kɛjɛ gbɔmɔ kromɔbi nɔ kɛyashi shĩa kooloo kromɔbi nɔ. Minii ji amɛ fɛɛ. Mi ji Yehowa.”

Galatabii 6:6

Shi mɔ ni atsɔ̃ɔ lɛ wiemɔ lɛ ekɛ etsɔ̃ɔlɔ lɛ aja nibii kpakpai fɛɛ ni eyɔɔ.

5 Mose 12:6

Nyɛkɛ kooloi ni agbeɔ akɛ afɔle kɛ afɔlei ni ashãa lɛ kɛ ekrokomɛi lɛ, nyɛnibii amlijai nyɔŋma mli ekomekome lɛ kɛ nyɛniyenii afɔlei lɛ kɛ nyɛshiwoo afɔlei lɛ kɛ nyɛtsuijurɔ naa nikeenii lɛ kɛ nyɛtoi kɛ nyɛtsinai akromɔbii lɛ, ayaa jɛi.