Nehemia 10:29 - ŊMALƐ KRƆŊKRƆŊ LƐ

²⁹ wɔ kɛ wɔnyɛmimɛi ni ji wɔhiɛnyiɛlɔi lɛ efee ekome kɛmiikã kitã. Kɛ wɔku mli lɛ, efee loomɔ ehã wɔ. Wɔmiikã kitã akɛ wɔbaaye Nyɔŋmɔ mla lɛ ni atsɔ̃ Nyɔŋmɔ tsulɔ Mose nine nɔ awo lɛ nɔ. Wɔbaajwɛŋ nɔ ni wɔye Yehowa, wɔNuŋtsɔ lɛ, kitãi kɛ emlai kɛ ekpɔi lɛ fɛɛ anɔ.

Ṅmãle̱ Kroṅkroṅ Le̱

²⁹ [28.] Ni maṅbii ni eſe̱ le̱, *oso̱foi le̱ ke̱ Levibii le̱ ke̱ agbónākwe̱lo̱i le̱ ke̱ lalatše̱mei le̱ ke̱ so̱lemo̱we súolo̱i le̱ ke̱ mei fē ni etše ame̱he ke̱-dše̱ šikpõdši le̱ ano̱ bii le̱ ahe ke̱-ba Nyoṅmo̱ mla le̱ he le̱, ke̱ ame̱ṅãmei ke̱ ame̱bihīī ke̱ ame̱bi-yei, mei fẽ ni ele nii ni enuo̱ sane ši-ši le̱, *Ezra 2,70.

Nehemia 10:29 ပူးပေါင်းရင်းမြစ်များ

2 Maŋtsɛmɛi 10:31

Shi kɛ̃lɛ Yehu ediii sɛɛ ni eye Yehowa, Israel Nyɔŋmɔ lɛ, mla lɛ nɔ kɛ etsui muu lɛ fɛɛ. Efɔ̃ɔɔ eshai ni Yeroboam fee ni ekɛtɔ̃tɔ̃ Israel nane lɛ feemɔ.

2 Maŋtsɛmɛi 23:3

Kɛkɛ ni maŋtsɛ lɛ yadamɔ maŋtsɛmɛi ashidaamɔhe lɛ, yɛ Sɔlemɔ we lɛ, ni ekɛ Yehowa kpãŋ akɛ, ebaanyiɛ Yehowa sɛɛ, ni ebaaye emlai lɛ kɛ ekitãi lɛ kɛ ekpɔi lɛ anɔ kɛ etsui muu lɛ fɛɛ, kɛ esusuma muu lɛ fɛɛ koni eye nɛkɛ kpãŋmɔ nɛɛ mli wiemɔi ni aŋmã yɛ wolo nɛɛ mli lɛ fɛɛ nɔ. Maŋ muu lɛ fɛɛ wo shi akɛ amɛbaaye kpãŋmɔ nɛɛ nɔ.

1 Kronika 9:2

Nomi lɛ ateŋ mɛi tsutsu ni ku amɛsɛɛ kɛba amɛ diɛŋtsɛ amɛshikpɔŋ lɛ nɔ amɛbahi amɛmaji amli ekoŋŋ lɛ ateŋ mɛi komɛi ji Israelbii kɛ osɔfoi lɛ kɛ Levibii lɛ kɛ Sɔlemɔ we lɛ mli sɔ̃ɔlɔi lɛ.

2 Kronika 34:31

Kɛkɛ ni maŋtsɛ lɛ yadamɔ maŋtsɛ shidaamɔhe lɛ, ni ekã kitã yɛ Yehowa hiɛ akɛ ebaabo Yehowa toi, ni ebaaye ekitãi kɛ ekpɔi lɛ anɔ kɛ etsui fɛɛ, kɛ ehewalɛ fɛɛ bɔ ni afee ni eye wiemɔi ni aŋmala yɛ wolo lɛ mli lɛ anɔ.

2 Kronika 6:16

No hewɔ lɛ, Yehowa, Israel Nyɔŋmɔ, agbɛnɛ ye shi kroko lɛ hu ni owo otsulɔ, mitsɛ David, lɛ nɔ, ni ji nɔ ni okɛɛ lɛ akɛ, ‘Mihaŋ nuu ni aaajɛ oshwiei lɛ ateŋ ata Israel maŋtsɛ sɛi lɛ nɔ lɛ abɔ bo kɛji amɛaaye mimlai lɛ anɔ kadikadi tamɔ ofee lɛ.’

Nehemia 13:25

Mihiɛ dɔ wo amɛ, ni milomɔ amɛ. Miyi amɛteŋ mɛi komɛi, ni mifamɔ amɛyiteŋ tsɔi. Mihã amɛkã Nyɔŋmɔ kitã akɛ amɛkɛ amɛbiyei lɛ haŋ maŋsɛɛbii abihii gbãlã, ni amɛŋɔŋ maŋsɛɛbii abiyei amɛhaŋ amɛbihii lɛ. Asaŋ amɛ diɛŋtsɛ hu amɛkɛ maŋsɛɛbii ehiŋ shi.

Nehemia 7:46

Sɔlemɔ we sɔ̃ɔlɔi lɛ: Zihabii kɛ Hasufabii kɛ Tabaotbii lɛ.

Nehemia 8:2

No hewɔ lɛ, nyɔŋ ni ji kpawo lɛ nɔ klɛŋklɛŋ gbi lɛ nɔ lɛ, Osɔfo Ezra kɛ Mla lɛ ba asafo lɛ hiɛ. Hii kɛ yei kɛ mɛi fɛɛ ni kɛji amɛnu wiemɔi lɛ ni amɛaanu shishi lɛ yɛ jɛi.

Nehemia 8:3

Ekane yɛ blohu ni yɔɔ Nu Agbo lɛ hiɛ lɛ mli, kɛjɛ leebi kɛyashi shwane fintiŋŋ yɛ hii kɛ yei kɛ mɛi fɛɛ ni aaanyɛ shishi anu lɛ hiɛ. Maŋ muu lɛ fɛɛ miibo Mla Wolo lɛ mli wiemɔi lɛ toi.

Nehemia 9:2

Mɛi ni ji Israel fɔmɔbii lɛ tse amɛhe yɛ mɛi kpɔji lɛ fɛɛ ahe; amɛho amɛdamɔ shi, ni amɛjaje amɛhe eshai lɛ kɛ amɛtsɛmɛi anifɔ̃ɔjianii ni amɛfee lɛ.

Nehemia 9:38

Enɛɛmɛi fɛɛ ahewɔ lɛ, wɔ Israelbii, wɔmiikpãŋ kpãŋmɔ ni mli wa, ni wɔmiiŋma; ni wɔnukpai lɛ kɛ wɔLevibii lɛ kɛ wɔsɔfoi lɛ kɛ amɛgbɛii miiwo shishi amɛkɛmiisɔo naa.

Lalai 105:45

bɔ ni afee ni amɛto ekpɔi lɛ ni amɛye nɔ. Nyɛjiea Yehowa yi!

Lalai 119:106

Mikã kitã, ni mima nɔ mi akɛ maye ojalɛ mlai lɛ anɔ.

Lalai 8:1

Oo Yehowa, wɔNuŋtsɔ, Ogbɛi lɛ je agbo yɛ shikpɔŋ muu lɛ fɛɛ nɔ! Okɛ onunyam eha ŋwɛi flooflo.

Lalai 8:9

Yehowa, wɔNuŋtsɔ, Ogbɛi lɛ je agbo yɛ shikpɔŋ muu lɛ fɛɛ nɔ.

Yesaia 14:1

Yehowa musuŋ aaatsɔ̃ lɛ yɛ Yakob he, ni eeena Israel he tsuijurɔ ekoŋŋ, ni ekɛ Israelbii lɛ aaaba amɛ diɛŋtsɛ amɛshikpɔŋ nɔ. Maŋsɛɛbii aaabafata amɛhe, ni amɛaadɔmɔ Yakob we lɛ.

Yeremia 26:4

Kɛkɛ ni Yehowa kɛɛ mi akɛ mikɛɛ maŋbii lɛ akɛ, “Nɔ ni Yehowa kɛɛ nɛ, ‘Esa ni nyɛboɔ mi toi koni nyɛba nyɛjeŋ yɛ mimla ni miwo nyɛ lɛ naa,

Yeremia 34:15

“Nyɛsɛɛ nɛɛ lɛ, nyɛje nyɛhe sɛɛ, ni nyɛfee nɔ ni sa mihiɛ, ejaakɛ nyɛye nyɛfua akɛ nyɛteŋ mɔ fɛɛ mɔ baahã enyɛmi Israelnyo aŋɔ ehe eye tswaa; ni nyɛkpãŋ yɛ enɛ he yɛ mihiɛ yɛ Sɔlemɔ we lɛ he ni ajaa mi yɛ lɛ.

Ezekiel 36:27

Mikɛ miMumɔ lɛ baawo nyɛmli, ni mahã nyɛba nyɛjeŋ yɛ mikpɔi lɛ anaa, ni nyɛbaaye mimlai lɛ anɔ jogbaŋŋ.

3 Mose 20:26

Nyɛhiɛa nyɛhe krɔŋkrɔŋ nyɛhãa mi pɛ, ejaakɛ mi, Yehowa, mihe tse. Mijie nyɛ yɛ maji krokomɛi lɛ ateŋ mito afã koni nyɛfee mi pɛ minɔ.

Maleaki 4:4

“Nyɛkaia nibii ni mitsulɔ Mose etsɔ̃ɔ nyɛ lɛ, ni ji mlai kɛ akpɔi kɛ gbɛnaa nitsumɔi ni mikɛhã lɛ yɛ Horeb Gɔŋ lɛ nɔ akɛ ekɛbahã Israelbii koni amɛye nɔ lɛ.

4 Mose 5:21

(Osɔfo lɛ alomɔ yoo lɛ agbɛnɛ, ni ekɛɛ lɛ akɛ) no lɛ Yehowa ahã otsɔ̃ musumɔ ni atsɛɔ egbɛi akɛlomɔɔ, aloo akɛkãa kitã yɛ omaŋbii ateŋ. Yehowa ahã oyoohe abɛ, ni omusu afuu.

Yohane 1:17

Ejaakɛ Mla lɛ, Mose nɔ atsɔ̃ akɛhã; shi dromɔ kɛ anɔkwale lɛ, Yesu Kristo nɔ etsɔ̃ kɛba.

Yohane 15:14

Kɛji nyɛfee nii ni miwoɔ nyɛ he kitã lɛ, no lɛ mishieŋtsɛmɛi ji nyɛ.

Yohane 7:19

Ani jeee Mose hã nyɛ Mla lɛ? Ni nyɛteŋ mɔ ko mɔ ko yeee Mla lɛ nɔ. Mɛni hewɔ nyɛtaoɔ mi nyɛgbe lɛ?”

Bɔfoi 11:23

Ni be ni ebashɛ jɛi ni ebana Nyɔŋmɔ dromɔ lɛ, emii shɛ ehe, ni ewo amɛ fɛɛ ekãa akɛ amɛkɛ tsui ni fiɔ shi akpɛtɛ Nuŋtsɔ lɛ he.

Bɔfoi 17:34

Shi hii komɛi kɛ amɛhe kpɛtɛ ehe ni amɛhe amɛye; amɛteŋ mɛi komɛi ji Dionisio, Areopagonyo lɛ, kɛ yoo ko ni atsɛɔ lɛ Damari lɛ, kɛ mɛi krokomɛi ni fata amɛhe.

Bɔfoi 23:21

Shi bo lɛ, kaakpɛlɛ̃ amɛ ejaakɛ amɛteŋ mɛi fe nyɔŋmai ejwɛ ewo lɛ ka, ni amɛkãmɔ amɛhe kitã akɛ amɛyeŋ nii ni asaŋ amɛnuŋ nɔ ko ja amɛgbe lɛ dã; ni agbɛnɛ lɛ amɛsaa amɛhe, ni amɛmiibo onaa wiemɔ toi.”

Romabii 12:9

Suɔmɔ lɛ osato akahi mli. Nyɛhia efɔŋ kwraa; nyɛ kpɛtɛa ekpakpa he;

5 Mose 33:4

Wɔyeɔ Mla lɛ ni Mose kɛhã wɔ lɛ nɔ; ejaakɛ no ji Yakob shwiei agboshinii.

5 Mose 5:1

Mose tsɛ Israelbii lɛ fɛɛ kɛbakpe, ni ekɛɛ amɛ akɛ, “Israelbii, nyɛboa akpɔi kɛ mlai ni mibajaje mawo nyɛtoiiaŋ ŋmɛnɛ nɛɛ toi; nyɛkasea ni nyɛjwɛŋa nɔ jogbaŋŋ ni nyɛye nɔ.

5 Mose 5:32

“No hewɔ lɛ, nyɛjwɛŋa nɔ jogbaŋŋ koni nyɛye kitãi ni Yehowa, nyɛNyɔŋmɔ lɛ, ewo nyɛ lɛ nɔ pɛpɛɛpɛ; nyɛkagbaa kɛyaa ninejurɔgbɛ, ni nyɛkagbaa kɛyaa abɛkugbɛ hu.