Nahum 3:5 - ŊMALƐ KRƆŊKRƆŊ LƐ

⁵ Yehowa, Tatsɛ lɛ, kɛɛmɔ ji, “Naa, Nineve, mi kɛ bo ena! Mibawo ohiɛ mama nɔ, ni mahã maji ana oyayaiaŋ; amɛbaana ohiɛshishwiemɔ.

Ṅmãle̱ Kroṅkroṅ Le̱

⁵ Na, mike̱o ená, Iehowa Zebaot kē̱, ni *mawó otade nāmūi le̱ ano̱ ye̱ ohĩe, ni mahã dšeṅmãdši le̱ ana oyayaiaṅ, ni maṅtše̱yelii le̱ hũ ana ohĩegbĕle le̱. *Ies. 47,3.

Nahum 3:5 ပူးပေါင်းရင်းမြစ်များ

Yeremia 13:22

Ni kɛji obi ohe akɛ, ‘Mɛɛba ni nɛkɛ sane eba minɔ?’ lɛ, na ole akɛ onishaianii ni naa wa lɛ hewɔ ni akpa ohe mama, ni ashwie ohiɛ shi nɛɛ.

Yeremia 13:26

No hewɔ lɛ, mi diɛŋtsɛ mibawo ohiɛ mama nɔ koni ohiɛ ashwie shi.

Yeremia 50:31

“Bo maŋhewolɔ, naa, mi kɛ bo ena. Nuŋtsɔ Nyɔŋmɔ Taiatsɛ lɛ, kɛɛ, ejaakɛ ogbi lɛ eshɛ be ni mibagbala otoi lɛ.

Ezekiel 16:37

Enɛ hewɔ lɛ, naa, mabua osuɔlɔi ni okɛ amɛ ye ŋɔɔmɔ lɛ anaa, mɛi ni osumɔɔ kɛ mɛi ni osumɔɔɔ hu fɛɛ naa kɛkpe. Mabua amɛnaa kɛjɛ hei fɛɛ ni amɛyɔɔ mawo bo, ni majie oyayaiaŋ matsɔɔ amɛ, koni amɛna oyayaiaŋ fɛɛ.

Ezekiel 21:3

ni okɛɛ Israel shikpɔŋ lɛ akɛ, bɔ ni Yehowa kɛɔ nɛ, naa, mikɛ bo ena, ni magbala miklante lɛ kɛaaje ehebo lɛ mli, ni mikɛaagbe jalɔ kɛ mɔfɔŋ fɛɛ yɛ nyɛteŋ.

Ezekiel 23:25

Mimli aaafu bo koni amɛkɛ bo aye yɛ mlila naa. Amɛaafolɔ ogugɔ kɛ otoii, ni amɛkɛ klante aaagbegbee omɛi ni baashwɛ lɛ. Amɛaaloo obihii kɛ obiyei lɛ kɛaaya, ni omɛi ni aaashwɛ lɛ la aaakpãtã amɛhiɛ.

Ezekiel 23:29

Amɛkɛ bo aaaye yɛ yiwalɛ naa. Amɛaaloo nii ni ogbo deŋme yɛ he lɛ fɛɛ, ni amɛaashi bo yayai kɛ ohe pasaa: ni amɛaajie ojwamaŋbɔɔ yayaiaŋ kpo. Ohiɛkɔ̃ɔ kɛ ojwamaŋbɔɔ ji nɔ ni kɛ enɛ ba onɔ.

Ezekiel 26:3

“Bo Tiro, naa, mikɛ bo ena, ni mahã majimaji babaoo ate shi awo bo tamɔ ŋshɔkei kumɔɔ lɛ.

Mika 1:11

Nyɛ Shafirbii, nyɛjea kpo kɛhoa kɛ hiɛgbele kɛ nyɛhe yayai. Zaananbii lɛ nyɛɛɛ kpo aje. Kɛji nyɛnu ni Bet-Ezelbii miiye ŋkɔmɔ lɛ, nyɛaana nyɛle akɛ abobaahe bɛ jɛi.

Nahum 2:13

Yehowa kɛɛ akɛ, “Naa, mikɛ nyɛ ena. Mibama nyɛtayaa shwiilii lɛ anaa la mashã. Nyɛtabilɔi ni tamɔ jata lɛ baanyɔnyɔɔ yɛ ta mli. Mashɔ̃ nibii fɛɛ ni nyɛshɔ̃shɔ̃ɔ yɛ mɛi adɛŋ lɛ yɛ nyɛdɛŋ, asaŋ anuŋ ohewalɛ he yɛ je lɛ mli dɔŋŋ.

Habakuk 2:16

Nakai nɔŋŋ bo hu, yɛ hiɛnyam najiaŋ lɛ, hiɛgbele baamɔ bo. Bo hu obaanu eko koni odidãã. Kpulu ni yɔɔ Yehowa ninejurɔ lɛ aaatsɔ̃ kɛbashɛ onɔ, ni ohiɛnyam lɛ baatsɔ̃ hiɛgbele ni naa wa.