Nahum 2:9 - ŊMALƐ KRƆŊKRƆŊ LƐ

⁹ Nyɛhaa jwiɛtɛi! Nyɛhaa shika! Jwinei srɔtoi ni abua naa ato yɛ maŋ lɛ mli lɛ, jeee hiɛ nɛ.

Ṅmãle̱ Kroṅkroṅ Le̱

⁹ Ši Ninive tamo̱ kpākpo ke̱-dše̱ blema bēbe; ši ame̱adšo foi. Nyedamo̱a ši, nyedamo̱a ši! ši mokomoko tšṍṅ ehe.

Nahum 2:9 ပူးပေါင်းရင်းမြစ်များ

2 Kronika 36:10

Afi lɛ shishijee mli lɛ, Maŋtsɛ Nebukadnezar wo tsuji gbɛ, ni amɛbamɔ Yehoiakin kɛtee Babilon, asaŋ aloo Yehowa we lɛ mli ojarawa nibii lɛ ekomɛi afata ehe kɛtee Babilon lɛ. Kɛkɛ ni Nebukadnezar to Yehoiakin nyɛminuu Zedekia akɛ Yuda kɛ Yerusalɛm maŋtsɛ.

Yesaia 33:1

Kpoo hã bo, fitelɔ, bo mɔ ni bo diɛŋtsɛ lɛ afiteko bo. Kpoo hã bo, bo mɔshishinyiɛlɔ ni mɔ ko enyiɛko oshishi. Kɛji ogbe onifitemɔ lɛ naa lɛ, bo hu abaakpãtã ohiɛ; ni kɛji ogbe mɔshishinyiɛmɔ lɛ naa lɛ, bo hu abaanyiɛ oshishi.

Yesaia 33:4

Aaaha nyɛnomŋɔɔnii tamɔ baalabii; ni abaake kɛba onɔ tamɔ otukpɛi.

Yeremia 25:34

“Nyɛ maŋ onukpai, ni ji miwebii lɛ akwɛlɔi, nyɛwoa yara nyɛfoa, ni nyɛkɛ nyɛhe akoklo lamlu mli ejaakɛ be ni abaagbegbee nyɛ, asaŋ be ni abaagbɛ nyɛ ashwã lɛ eshɛ; ni nyɛbaagboi tamɔ too gwantɛŋi osaii.

Yeremia 46:5

“Shi mɛni po minaa nɛɛ? Amɛtsui efã, ni amɛtsɔ̃mɔ amɛsɛɛ kɛmiiya. Atswia amɛhii kãkãlɔi lɛ nii, ni amɛjo foi kɛ he oyaiyeli; amɛkwɛɛɛ amɛsɛɛ, he fɛɛ he efee gbeyei.” Yehowa kɛɛ.

Yeremia 51:56

Ejaakɛ hiɛkpãtãmɔ eba Babilon nɔ, ni amɔmɔ etabilɔi lɛ, ni akumɔ amɛgãii amli dukuduku, ejaakɛ Yehowa Nyɔŋmɔ lɛ, toigbalalɔ ji lɛ, ni ewoɔ nifeemɔ fɔŋ he nyɔmɔ pɛpɛɛpɛ.

Ezekiel 26:12

Ohenyɛlɔi lɛ baaha ojwetrii kɛ oguɔ nii ni oyɔɔ lɛ, amɛbaakumɔ ogbogboi lɛ, ni amɛbaafite oshĩai fɛɛfɛji lɛ; ni tɛi lɛ kɛ tsei lɛ kɛ sũ lɛ tete amɛbaaloo amɛyawo ŋshɔ mli.

Daniel 11:8

Ebaaloo Siriabii anyɔŋmɔi lɛ kɛ dade amãgãi lɛ kɛ jwiɛtɛi kɛ shika nibii ni jara wa lɛ fɛɛ kɛya Ijipt. Ijipt maŋtsɛ nɛɛ baahi shi afii komɛi ni efãaa ta ewooo Siria maŋtsɛ lɛ.

Nahum 3:17

Nyɛlumɛi lɛ tamɔ agãi, ni nyɛtsɛmɛi lɛ tamɔ baalabii ni basɔ̃mɔɔ afabaŋi ahe gbi nɔ ni fɛi miiye. Kɛji hulu lɛ te shi pɛ amɛfliki kɛtee, ni aleee he ni amɛyaa.

Kpojiemɔ 18:12

shika kɛ jwiɛtɛi, ojarawatɛi kɛ adiagbai, kɛ klala fɛɛfɛo kɛ mama afaseo diŋ, kɛ seda kɛ mama tsuru fɔɔ kɛ tso fɛɛ tso ni jeɔ ŋma kɛ shwuɔwu nibii fɛɛ kɛ nibii fɛɛ ni akɛ tso ni wa kɛ akɔɔble kɛ dade kɛ marmaratɛ fee,

Kpojiemɔ 18:16

ni amɛaakɛɛ, “Ao! Ao! Maŋ kpeteŋkple ni buɔ klala fɛɛfɛo kɛ mama afaseo diŋ kɛ mama tsuru fɔɔ, ni ewulaa kɛ shika kɛ ojarawatɛi kɛ adiagbai lɛ!