Nahum 2:4 - ŊMALƐ KRƆŊKRƆŊ LƐ

⁴ Tayaa shwiilii lɛ gbaa shi yɛ gbɛjegbɛi lɛ anɔ; amɛyaa amɛbaa kɛ foi yɛ maŋ lɛ mli blohui lɛ amli. Amɛhe kpɛlɛɔ tamɔ kɔtii, ni amɛfoɔ hiŋmɛi naa tamɔ srawa.

Ṅmãle̱ Kroṅkroṅ Le̱

⁴ Ekãkãlo̱i le̱ atše̱ṅi le̱ tšuo̱, tabilo̱i le̱ hũ wo munẽle, eſīlii ahe dadei le̱ kple̱o̱ ye̱ ehesāmo̱ gbĩ le̱ no̱, ni ahosoo̱ akplo̱i le̱.

Nahum 2:4 ပူးပေါင်းရင်းမြစ်များ

Abe̱i 31:21

Esheee snoo gbeyei yɛ eshĩaŋbii lɛ ahewɔ, ejaakɛ shĩaŋbii lɛ fɛɛ bumɔɔ mama tsuji fɛɛfɛji.

Yesaia 37:24

Otsɔ̃ otsuji anɔ, ni obabɔ Nuŋtsɔ lɛ ahora, ni okɛɛ akɛ, ‘Mikwɔ kɛtee gɔji lɛ ayiteiaŋ, kɛtee Lebanon sɛɛ tɔ̃ɔ. Mifolɔ emli tsenedrui ni kwɔlɔ lɛ kɛ emli sɛsɛoi kpakpai ni hi fe fɛɛ lɛ. Mibote ekoo ni mli ti lɛ diɛŋtsɛ mli.

Yesaia 66:15

Ejaakɛ naa, Yehowa aaaba kɛ la, ni eshwiilii lɛ aaanyiɛ lasuogbele mli kɛaaba, ni ekɛ mlila kpele aaawo ehenyɛlɔi lɛ anyɔmɔ; ni ekɛ la lilɛii aaakã ehenyɛlɔi.

Yeremia 4:13

Naa, henyɛlɔ lɛ efã kɛmiiba tamɔ atatu; etayaa shwiilii lɛ tamɔ lasuogbele; ni ekpɔŋɔi lɛ ahe yɛ oya fe okropɔŋ. Kpoo hã wɔ. Wɔhiɛ ekpãtã!

Yeremia 46:9

Okpɔŋɔi, nyɛfãa kɛyaa, Ta shwiilii, nyɛwoa foi kɛyaa! Nyɛhãa kãkãlɔi lɛ afã; Etiopiabii kɛ Libiabii ni hiɛɔ tsɛŋi, kɛ Ludiabii ni le gãitsɛ̃mɔ, nyɛfãa.”

Ezekiel 23:24

Ni mɛi pii kɛ ta shwiilii kɛ tsɔnei ni gbalaa nii aaajɛ kooyigbɛ aba; ni amɛaagba amɛwo ohe kɛ tsɛŋi bibii kɛ dade fai, ni maha amɛ hegbɛ ni amɛkojo bo yɛ amɛmlai anaa.

Ezekiel 26:10

Ekpɔŋɔi ayifalɛ sɔŋŋ naa lɛ, amɛnaneshi mlu kpɔŋŋ lɛ aaatsi onɔ. Kɛji eetsɔ̃ ogboi lɛ amli kɛbote omaŋ lɛ mli tamɔ aboteɔ maŋ ni ajwa egbogbo awo mli lɛ, ekpɔŋɔnɔtalɔi lɛ abolɔmɔ kɛ enigbalamɔ shwiilii kɛ eta shwiilii agbɛɛmɔ naawalɛ sɔŋŋ naa lɛ ogbogboi lɛ aaahoso.

Ezekiel 26:7

Bɔ ni Nuŋtsɔ Yehowa kɛɔ nɛ, “Naa, maha Babilon maŋtsɛ Nebukadnezar, ni ji maŋtsɛmɛi amaŋtsɛ lɛ, kɛ okpɔŋɔi kɛ shwiilii kɛ okpɔŋɔnɔtalɔi kɛ asraafoi babaoo ajɛ kooyigbɛ abatua Tiro.

Daniel 11:40

“Kɛji Siria maŋtsɛ lɛ naagbee be lɛ shɛ lɛ, Ijipt maŋtsɛ lɛ baaya eyatua lɛ. Siria maŋtsɛ lɛ baafã tamɔ ahum ekɛ Ijipt maŋtsɛ lɛ abakpe kɛ tayaa shwiilii kɛ okpɔŋɔtalɔi kɛ lɛji babaoo. Ebaatua shikpɔji babaoo, ni ebaatsɔ̃ amɛnɔ kɛho tamɔ faa ni eje ŋa.