Nahum 2:10 - ŊMALƐ KRƆŊKRƆŊ LƐ

¹⁰ Akpãtã Nineve hiɛ, afee lɛ butuu etsɔ̃ amaŋfɔ̃! Gbeyei emɔmɔ tsuii, nakutsei miikpokpo hewalɛ etã yɛ mɛi amli, ni hiɛiaŋ fɛɛ eshale.

Ṅmãle̱ Kroṅkroṅ Le̱

¹⁰ Nyehaä dſie̱te̱i, nyekaä šika! edšake̱ nii ni abua nā ato ke̱ fe̱onibii sro̱toi babaō le̱ fẽ be̱ nāgbẽ.

Nahum 2:10 ပူးပေါင်းရင်းမြစ်များ

Lalai 22:14

Aloo mi ashwie tamɔ nu, ni mitalɔi amli egoi: ni mitsui esere yɛ mimli tamɔ wo agbaku.

Yoel 2:6

Kɛ amɛmiiba lɛ, maji ahe kpokpoɔ, ni hiɛiaŋ fɛɛ shaleɔ.

Daniel 5:6

Maŋtsɛ lɛ hiɛ tsake amrɔ, ni etsui fã, ni eshe gbeyei bɔ sɔŋŋ ni etalɔiaŋ jɔ biɛɛ, ni enakutsei kpokpo.

Yeremia 30:6

Nyɛbia nyɛkwɛa; Ani nuu ekɔ̃mɔ efɔ bi pɛŋ? Mɛɛba mɔ ni minaa nuu fɛɛ nuu efua emusu tamɔ yoo ni miikɔmɔ nɛɛ? Mɛɛba mɔ fɛɛ mɔ hiɛ eshale nɛkɛ?

Yesaia 24:1

Naa, Yehowa baakpãtã je lɛ hiɛ koni efee lɛ amaŋfɔ̃? Ebaatsɔ̃ je lɛ hiɛ ebu shi, ni ebaagbɛ enɔ bii lɛ eshwã.

Yesaia 21:3

No hewɔ lɛ, mihɛ mli eyi obɔ̃ kɛ piŋmɔ, kɔ̃ɔmɔ eta mihe; kɔ̃ɔmɔ eta mihe tamɔ yoo ni baafɔ. Mishɔ kwekweekwe, hewɔ lɛ minuuu nii. Mijijaa hewɔ lɛ minaaa nii.

Zefania 3:6

Yehowa kɛɛ akɛ, “Mikpãtã maji ahiɛ dã. Mikumɔ amɛtabilɔi atasui lɛ mishwie shi; ni amɛblohui amli kamɔ shi efoji, ni mɔ ko mɔ ko hooo yɛ mli; afite amɛmaji lɛ bɔ ni mɔ ko mɔ ko bɛ mli, ni mɔ ko mɔ ko ehiŋ amɛmli dɔŋŋ.

Nahum 3:7

Mɛi fɛɛ ni baana bo baasu amɛhe kɛya sɛɛ. Amɛbaakɛɛ akɛ, ‘Nineve etsɔ̃ amaŋfɔ̃! Namɔ yeɔ lɛ ŋkɔmɔ koo! Nɛgbɛ mana mɛi aaajɛ abashɛje emii?’ ”

Yeremia 51:62

Kɛkɛ lɛ osɔle akɛ, ‘Ao Yehowa, okɛɛ yɛ maŋ nɛɛ he akɛ obaakpãtã ehiɛ butubutu kɛmɔ shi bɔ ni adesa loo kooloo ko ehiŋ mli, ni ebaakã shi amaŋfɔ̃ kɛya naanɔ.’

Yesaia 14:23

Mibahã jɛi atsɔ̃ shadeboai ashihilɛhe kɛ kpaakpoi ashikpɔŋ. Mikɛ bolɔ baabɛɛ lɛ mashwie.” Yehowa, Taiatsɛ, kɛɛ.

Yoshua 2:11

Amrɔ nɔŋŋ ni wɔnu saji nɛɛ lɛ, wɔtsui fã, ni shi ofɔ̃ shi nuu fɛɛ nuu nɔ yɛ nyɛhewɔ, ejaakɛ Yehowa, nyɛNyɔŋmɔ lɛ, lɛ ji ŋwɛi ni yɔɔ shɔŋŋ lɛ kɛ shikpɔŋ ni yɔɔ ŋwɛi shishi lɛ nɔ Nyɔŋmɔ.

1 Mose 1:2

Ni shikpɔŋ lɛ yɛ olɛŋlɛ, ni efee flóŋŋ, ni duŋ ha nu babaoo ni ha shikpɔŋ lɛ nɔ lɛ hiɛ; ni Nyɔŋmɔ Mumɔ lɛ ha nu lɛ hiɛ.

Yoshua 7:5

Aibii lɛ gbe Israelbii lɛ ateŋ mɛi aaafee nyɔŋmai etɛ̃ kɛ ekpaa. Aibii lɛ wo Israelbii lɛ foi kɛjɛ Ai maŋ agbo lɛ naa kɛtee Shebarim, ni amɛgbe Israelbii lɛ be ni amɛkpelekeɔ jɔɔ lɛ. Sane nɛɛ hã Israelbii lɛ atsui fã, ni amɛhe jɔ tamɔ nu.

Yeremia 8:21

Mitsui ekumɔ yɛ mimli, yɛ mimaŋbii ahejaramɔ lɛ hewɔ. Miiye ŋkɔmɔ; mihe ejɔ̃ mihe.

Yeremia 49:23

Nɔ ni Yehowa kɛɛ yɛ Damaskobii ahe nɛ, “Hamatbii kɛ Arpadbii ejijaa, ejaakɛ amɛnu sane fɔŋ; amɛtsui efã fe nine, ni amɛyoyro; amɛfee tamɔ ŋshɔ ni efee hamahama ni amɛnaaa hejɔlɛ.

Ezekiel 21:7

Ni kɛji amɛbi bo akɛ, ‘Mɛni hewɔ ohũɔ lɛ?’ Okɛɛ akɛ, ‘Saji ni minu lɛ hewɔ ni. Kɛji eba mli lɛ, mɔ fɛɛ mɔ baashe gbeyei, ni kɔ̃ɔji fɛɛ baakplɔke, ni mɔ fɛɛ mɔ baatsɔ̃ feetɔ, ni nakutsei fɛɛ tswɛm baakpokpo tamɔ ayawaŋ nu. Naa, be lɛ eshɛ, ni ebaaba mli kɛ̃;’ ” Nuŋtsɔ Yehowa kɛɛ.

Ezekiel 31:15

“Bɔ ni Nuŋtsɔ Yehowa kɛɔ nɛ, kɛ ekpeleke shi kɛtee gbohiiaje lɛ, mahã bu kwɔŋkwɔŋ lɛ awo yara yɛ ehewɔ ni matsi efai lɛ anaa, ni nu ko nu ko hoŋ. Mahã Lebanon gɔji lɛ anɔ awo duŋ, ni ŋa nɔ tsei lɛ fɛɛ baatɔ biti yɛ ehewɔ.

Nahum 2:2

(Yehowa miihã Israel hiɛ aba nyam ekoŋŋ, ejaakɛ ehenyɛlɔi lɛ baye enɔ, ni amɛkpãtã eblema nyam lɛ hiɛ.)