Nahum 1:7 - ŊMALƐ KRƆŊKRƆŊ LƐ

⁷ Yehowa hi, etsɔ̃ɔ teemɔhe yɛ amanehulu be mli, ni ebaa mɛi ni baa lɛ abo lɛ ayi.

Ṅmãle̱ Kroṅkroṅ Le̱

⁷ Iehowa *hĩ, mō̃ ní wa dšile̱ ye̱ fĩmo̱ gbĩ no̱; ni †ele mei ni baäle̱ abo le̱. *5 Mose 4, 31. †Lal. 1,6.

Nahum 1:7 ပူးပေါင်းရင်းမြစ်များ

1 Kronika 16:34

Nyɛdaa Yehowa shi ejaakɛ ehi; ejaakɛ esuɔmɔ ni tsakeee lɛ hiɔ shi kɛyaa naanɔ.

1 Kronika 5:20

Hagribii lɛ na mɛi yafata amɛhe yɛ ta mli, kɛ̃lɛ aye amɛ kɛ mɛi ni yafata amɛhe lɛ fɛɛ nɔ kunim, ejaakɛ Rubenbii lɛ kɛ Gadbii lɛ kɛ Bokãgbɛ Manasebii lɛ sɔle amɛtsɛ Naa Nyɔŋmɔ koni eye ebua amɛ yɛ ta lɛ mli. Naa Nyɔŋmɔ bo amɛsɔlemɔ lɛ toi ejaakɛ amɛkɛ amɛhiɛ fɔ enɔ.

2 Kronika 13:18

Belɛ Yudabii lɛ ye Israelbii lɛ anɔ kunim ejaakɛ Yudabii lɛ kɛ amɛhiɛ fɔ̃ Yehowa ni ji amɛtsɛmɛi aNyɔŋmɔ lɛ nɔ.

2 Kronika 32:11

Nyɛnaaa akɛ lakamɔ Hezekia lakaa nyɛ koni ehã hɔmɔ kɛ kumai agbe nyɛ hewɔ ekɛɔ nyɛ akɛ, ‘Yehowa, wɔNyɔŋmɔ lɛ, baahere wɔyiwala yɛ Asiria maŋtsɛ lɛ dɛŋ lɛ?’

2 Kronika 32:21

Kɛkɛ ni Yehowa tsu bɔfo ko, ni ebagbe tabilɔi kãkãlɔi lɛ kɛ tatsɛmɛi lɛ kɛ asafoiatsɛmɛi lɛ fɛɛ ni yɔɔ Asiria maŋtsɛ lɛ tabilɔi lɛ ateŋ lɛ. No hewɔ lɛ, Asiria maŋtsɛ lɛ ku esɛɛ kɛtee eshikpɔŋ lɛ nɔ kɛ hiɛgbele. Ni be ni etee eyabote ejemawɔŋ lɛ we lɛ mli lɛ, lɛ diɛŋtsɛ emusuŋ bihii bamɔ lɛ klante, ni amɛgbe lɛ.

2 Kronika 32:8

Lɛ lɛ adesa hewalɛ kɛ lɛ yɔɔ; shi wɔ lɛ, Yehowa, wɔNyɔŋmɔ lɛ kɛ wɔ yɔɔ, koni eye ebua wɔ, asaŋ koni ewu wɔtai lɛ ehã wɔ.” Maŋbii lɛ na ekãa kɛ hiɛnɔkãmɔ yɛ Yuda Maŋtsɛ Hezekia wiemɔi lɛ ahewɔ.

Ezra 3:11

Amɛla ni amɛhereheree nɔ amɛkɛkafo Yehowa, ni amɛkɛda lɛ shi amɛkɛɛ, “Ejaakɛ ehi, ejaakɛ esuɔmɔ ni ekɛsumɔɔ Israel lɛ yɛ kɛmiiya naanɔ.” Maŋ muu lɛ fɛɛ bɔ oshe waa amɛkɛkafo Yehowa yɛ Yehowa shĩa lɛ shishitoo lɛ hewɔ.

Lalai 1:6

Ejaakɛ Yehowa kudɔɔ jalɔi agbɛ lɛ, shi mɛi fɔ̃ji agbɛ lɛ ekɛ mɛi fɔ̃ji yaa hiɛkpãtãmɔ mli.

Lalai 100:5

Ejaakɛ Yehowa hi; esuɔmɔ ni tsakeee lɛ yɛ kɛyaa naanɔ; ni enɔkwayeli lɛ hiɔ shi kɛyaa yinɔi fɛɛ anɔ!

Lalai 20:1

Yehowa abo bo toi yɛ ofimɔ gbi lɛ nɔ! Yakob Nyɔŋmɔ lɛ abu ohe.

Lalai 25:8

Yehowa hi, ni jalɔ ji lɛ, hewɔ lɛ etsɔ̃ɔ eshafeelɔi gbɛ ni ja.

Lalai 27:5

Ejaakɛ fimɔ gbi nɔ lɛ, eeeŋɔ mi ehɔ ebuu lɛ mli; eeeŋɔ mi etee ebuu lɛŋ teemɔhe lɛ, eeewo mi edamɔ tɛsaa nɔ.

Lalai 37:39

Yehowa hereɔ jalɔi ayiwala. Lɛ ji amɛbobaahe yɛ haomɔ be mli.

Lalai 37:40

Yehowa yeɔ buaa amɛ, ni ehereɔ amɛyiwala. Ekpɔ̃ɔ amɛ kɛjɛɔ yiwalɔi adɛŋ, ni ehereɔ amɛ, ejaakɛ amɛbaa lɛ abo.

Lalai 46:2

No hewɔ lɛ, kɛji shikpɔŋ hiɛ tsɔ̃ bu shi, kɛji gɔji famɔ yagbee ŋshɔŋ teŋteŋ tete po lɛ, wɔsheŋ gbeyei.

Lalai 50:15

Tsɛ mi yɛ fimɔ gbi lɛ nɔ! Majie bo, ni ooowo mihiɛ nyam.”

Lalai 59:16

Shi mi lɛ, mala ohewalɛ lɛ he lala; leebi lɛ, mala osuɔmɔ ni tsakeee lɛ he lala; ejaakɛ otsɔ̃ mɔɔ ohã mi, ni otsɔ̃ abobaahe ohã mi, yɛ mifimɔ gbi lɛ nɔ.

Lalai 71:3

Tsɔ̃ abobaa tɛkplo ohã mi, kɛ mɔɔ ni wa ni okɛhere miyiwala, ejaakɛ mitɛsaa kɛ mimɔ̃ɔ ji bo!

Lalai 86:7

Mihaomɔ gbi nɔ lɛ, mibolɔɔ mitsɛɔ bo, ejaakɛ ohereɔ mi nɔ.

Lalai 9:10

Ni mɛi ni le ogbɛi lɛ ŋɔɔ amɛhiɛ amɛfɔ̃ɔ onɔ; ejaakɛ bo Yehowa, okwaaa mɛi ni taoɔ osɛɛgbɛ lɛ.

Lalai 91:15

Kɛji amɛtsɛ mi lɛ, mahere amɛ nɔ. Mi kɛ amɛ aaahi shi yɛ haomɔ mli; mahere amɛ, ni mawo amɛhiɛ nyam.

Abe̱i 18:10

Mɔɔ ni wa ji Yehowa gbɛi lɛ, ni no mli jalɔ shaa foi kɛyaa, ni ehiɔ shi shweshweeshwe.

Yesaia 25:4

Ejaakɛ otsɔ̃ abobaahe ohã ohiafo, otsɔ̃ abobaahe ohã mɔ ni ehĩa yɛ ehĩamɔ be mli. Otsɔ̃ abobaahe yɛ ahum mli, kɛ hɔ̃ɔŋ yɛ latsa be mli; ejaakɛ yiwalɔi amlifu lɛ, etamɔ ahum ni miitswa,

Yesaia 32:2

Amɛteŋ mɔ fɛɛ mɔ baatsɔ̃ tamɔ teemɔhe be mli ni kɔɔyɔɔ miitswa, loo abobaahe be mli ni ahum miitswa; eeetsɔ̃ tamɔ faa yɛ shiaŋa nɔ, loo tamɔ tɛsaa kpele hɔ̃ɔŋ yɛ shikpɔŋ gbiŋ nɔ.

Yesaia 50:10

Nyɛteŋ namɔ sheɔ Yehowa gbeyei? Namɔ boɔ etsulɔ lɛ gbee toi? Kɛji mɔ lɛ nyiɛ duŋ mli, ni la etsooo hãaa lɛ po, hã ekɛ ehiɛ afɔ Yehowa gbɛi lɛ nɔ, ni ekɛ ehe akpasa eNyɔŋmɔ lɛ.

Yeremia 16:19

“Yehowa, bo ji mihewalɛ kɛ mimɔɔ ni wa kɛ mibobaahe yɛ fimɔ be mli. Bo oŋɔɔ maji aaajɛ je lɛ naagbeehei aba, ni amɛaakɛɛ akɛ, Wɔtsɛmɛi lɛ ebanaaa gboshinii ko akɛ ja lakamɔ kɛ yaka nibii ni ahe bɛ sɛɛnamɔ ko.

Yeremia 17:17

Kaawo mihe gbeyei, ejaakɛ gbi fɔŋ lɛ nɔ lɛ bo ji mibobaahe.

Yeremia 24:5

“Nɔ ni mi, Yehowa, Israel Nyɔŋmɔ lɛ mikɛɔ ji akɛ bɔ ni agbãmii kpakpai lɛ hi lɛ, nakai nomi ni jɛ Yuda, mɛi ni mijie kɛjɛ biɛ nɛɛ kɛtee Babilon shikpɔŋ lɛ nɔ lɛ yɔɔ yɛ mihiɛ; majie mlijɔlɛ kpo matsɔ̃ɔ amɛ.

Yeremia 33:11

nyamɔ kɛ mliflimɔ kɛ ayɛmforowu kɛ ayɛmforo gbee ekoŋŋ yɛ jɛi. Abaanu mɛi ni kɛ amɛshidaa afɔlei baa Yehowa we lɛ he ni amɛmiila akɛ, ‘Nyɛdaa Yehowa, Taiatsɛ lɛ, shi ejaakɛ Yehowa hi, ni esuɔmɔ ni tsakeee lɛ hiɔ shi kɛyaa naanɔ!’ Ejaakɛ mibahã shikpɔŋ lɛ ashwere tamɔ bɔ ni eyɔɔ tsuutsu lɛ. Mi Yehowa mikɛɛ.”

Yāfó 3:25

Yehowa mli hi hã mɛi fɛɛ ni kwɛɔ lɛ gbɛ, kɛ mɔ ni taoɔ esɛɛgbɛ lɛ hu.

Daniel 3:28

Maŋtsɛ Nebukadnezar kɛɛ akɛ, “Ajie Shadrak kɛ Meshak kɛ Abednego Nyɔŋmɔ lɛ yi, ejaakɛ etsu ebɔfo, ni ebahere etsuji lɛ ni kɛ amɛhiɛ fɔ̃ enɔ lɛ kɛje gbele mli. Amɛtse mifãmɔ lɛ hiɛ atua, ni amɛkã kitã akɛ nɔ ni amɛaaja he ko bii anyɔŋmɔ fe amɛNyɔŋmɔ lɛ amɛkɛ amɛwala moŋ baatse.

Daniel 6:23

Maŋtsɛ lɛ mii shɛ ehe naakpa, ni efã akɛ ajie Daniel yɛ bu lɛ mli. Ajie Daniel yɛ bu lɛ mli ni apilako ehe ko he ko, ejaakɛ ekɛ ehiɛ fɔ̃ eNyɔŋmɔ lɛ nɔ.

Yoel 3:16

Yehowa miihuu kɛjɛ Zion, ni egbee miijije kɛjɛ Yerusalɛm; ŋwɛi kɛ shikpɔŋ miihoso. Shi Yehowa ji abobaahe hã emaŋ lɛ, kɛ mɔɔ ni wa hu hã Israelbii lɛ.

Zefania 3:12

ejaakɛ mibashi gbɔmɛi omlɛfoi kɛ humii pɛ yɛ nyɛteŋ. Amɛbaatao abobaahe yɛ Yehowa gbɛi mli,

Mateo 27:43

Ekɛ ehe fɔ̃ Nyɔŋmɔ nɔ; ejie lɛ amrɔ nɛɛ koo, kɛji eyɛ ehe tsui lɛ; ejaakɛ ekɛɛ, ‘Nyɔŋmɔ Bi ji mi.’ ”

Mateo 7:23

Ni no lɛ magba mli makɛɛ amɛ akɛ, ‘Mileee nyɛ kwraa, nyɛjea minɔ nyɛyaa, nyɛ mɛi ni nyɛtsuɔ nibii ni ejaaa gbɛ!’ ”

Yohane 10:14

Mi ji tookwɛlɔ kpakpa lɛ; mile mi diɛŋtsɛ mitoi lɛ, ni mitoi lɛ hu le mi,

Yohane 10:27

Mitoi lɛ nuɔ migbee, ni mile amɛ, ni amɛnyiɛɔ misɛɛ,

Romabii 11:22

No hewɔ lɛ, kwɛmɔ Nyɔŋmɔ mlihilɛ kɛ bɔ ni ekɛ mɔ yeɔ waa hu, ekɛ mɛi ni egbee shi lɛ yeɔ waa, shi bo lɛ, emli hi yɛ onɔ kɛji ohi emlihilɛ lɛ mli lɛ; kɛjeee nakai lɛ, bo hu aaafo bo ashɛ afɔ̃.

Galatabii 4:9

shi agbɛnɛ moŋ ni nyɛle Nyɔŋmɔ, aloo ni Nyɔŋmɔ ele nyɛ lɛ, te feɔ tɛŋŋ ni nyɛkuɔ nyɛsɛɛ kɛya shishijee nibii ni nyɛ̃ɛɛ nɔ ko afee ni bɛ hewalɛ ko lɛ aŋɔɔ, ni nyɛsaa nyɛtaoɔ akɛ nyɛje shishi nyɛsɔ̃mɔ amɛ ekoŋŋ lɛ?

2 Timoteo 2:19

Kɛ̃lɛ Nyɔŋmɔ shishitoo ni wa lɛ ma shi shiŋŋ, ni ehiɛ nɛkɛ naasɔomɔnɔ nɛɛ, “Nuŋtsɔ lɛ le lɛ diɛŋtsɛ emɛi lɛ,” kɛ “Mɔ fɛɛ mɔ ni tsiɔ Nuŋtsɔ lɛ gbɛi lɛ tã lɛ atsi ehe kɛjɛ nii ni ejaaa gbɛ lɛ ahe.”