Nahum 1:5 - ŊMALƐ KRƆŊKRƆŊ LƐ

⁵ Gɔji hosoɔ yɛ ehiɛ, gɔ̃ŋkpɔi lɛ sereɔ: Shikpɔŋ lɛ hiɛ kpãtãa yɛ ehiɛ, ni je lɛ kɛ emli bii fɛɛ hu ahiɛ kpãtãa.

Ṅmãle̱ Kroṅkroṅ Le̱

⁵ *Gõdši hosoo̱ ye̱ ehĩe, ni goṅkpo̱i hũ sĕreo̱; šikpoṅ le̱ wóo̱ ehe no̱ ye̱ ehĩe, ke̱ dšeṅ ke̱ emli bii le̱ fẽ! *Lal. 97,5.

Nahum 1:5 ပူးပေါင်းရင်းမြစ်များ

2 Samuel 22:8

Kɛkɛ ni shikpɔŋ lɛ hoso; ni ekpokpo, ŋwɛi shishitoi lɛ hu hoso, ni amɛkpokpo ejaakɛ Nyɔŋmɔ mli efu.

Hiob 26:11

Akulashiŋi ni hiɛ ŋwɛi lɛ ahe kpokpoɔ, ni amɛhe jɔ̃ɔ amɛhe kɛji ekã amɛhiɛ lɛ.

Hiob 9:5

Efãmɔɔ gɔji, ni amɛleee kwraa kɛji etsɔ̃mɔ amɛ ebu shi yɛ emlifu mli.

Lalai 104:32

Lɛ ji mɔ ni kɛ ekwɛ shikpɔŋ lɛ, shikpɔŋ lɛ hosoɔ, kɛ eta gɔji lɛ ahe lɛ, amɛjeɔ lasu.

Lalai 114:4

Gɔji lɛ tumɔ tamɔ ojwɛnii, ni gɔŋkpɔi lɛ hu tumɔ tamɔ gwantɛŋbii.

Lalai 114:6

Oo nyɛ gɔji, mɛni eba ni nyɛtumɔɔ tamɔ ojwɛnii nɛɛ?

Lalai 18:7

Kɛkɛ ni shikpɔŋ lɛ kpokpo, ni gɔji lɛ ashishitoo lɛ hu hoso, ni amɛjo bliblibli; ejaakɛ Nyɔŋmɔ mli efu.

Lalai 18:8

Lasu fã kɛjɛ egugɔ mli kɛtee ŋwɛi; ni la ni kpãtãa nii ahiɛ jɛ edaaŋ; ŋai ni miitso jɛ edaaŋ.

Lalai 46:6

Majimaji lɛ feɔ hoo; maŋtsɛyelii lɛ hosoɔ. Nyɔŋmɔ woɔ egbee ni shikpɔŋ lɛ sereɔ.

Lalai 68:8

shikpɔŋ lɛ hoso, ni ŋwɛi nɛ nu shwie shi, yɛ Nyɔŋmɔ hiɛ, yɛ bo Sinai Nyɔŋmɔ lɛ hiɛ. Shikpɔŋ lɛ hoso yɛ bo, Israel Nyɔŋmɔ lɛ, ohiɛ.

Lalai 98:7

Ŋshɔ ahũu kɛ emli nibii fɛɛ; je lɛ kɛ mɛi fɛɛ ni yɔɔ mli abɔ oshe!

2 Mose 19:18

Sinai Gɔŋ muu lɛ fɛɛ miije lasu, ejaakɛ Yehowa ekpeleke shi kɛba gɔŋ lɛ nɔ yɛ la mli. Lasu lɛ fãa kɛyaa ŋwɛi tamɔ flɔnɔɔ mli lasu, ni gɔŋ muu lɛ fɛɛ hoso waa naakpa.

Yesaia 24:1

Naa, Yehowa baakpãtã je lɛ hiɛ koni efee lɛ amaŋfɔ̃? Ebaatsɔ̃ je lɛ hiɛ ebu shi, ni ebaagbɛ enɔ bii lɛ eshwã.

Yesaia 24:20

Shikpɔŋ lɛ baatsɔ̃ tamɔ dãatɔlɔ ni miididãa, ebaahoso tamɔ aboŋo yɛ ahum mli. Etɔmɔ lɛ tsii yɛ enɔ, ni ebaatsi lɛ egbee shi, ni eteŋ shi dɔŋŋ.

Yesaia 5:25

Enɛ hewɔ lɛ, Yehowa mli fu ewebii lɛ, ni ewo enine nɔ yɛ amɛnɔ, ni egbala amɛtoi. Gɔji lɛ hoso, ni amɛgbohii lɛ jwere blohui amli oookɛɛ shĩaŋ jwɛi ni abɛɛ ashwie. Shi fɛɛ sɛɛ lɛ Yehowa mlifu lɛ naa bako shi, shi ekpã enine lɛ mli lolo.

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Yeremia 4:24

Mikwɛ gɔji lɛ, naa, amɛmiihoso, ni gɔ̃ŋkpɔi lɛ miitsi kɛmiiya kɛmiiba.

Ezekiel 38:20

Nakai gbi lɛ nɔ lɛ ŋshɔŋloi kɛ ŋwɛi loofɔji kɛ ŋaŋ kooloi kɛ waamɔnii fɛɛ ni wamɔɔ yɛ shikpɔŋ lɛ nɔ lɛ kɛ gbɔmɛi fɛɛ ni yɔɔ shikpɔŋ lɛ nɔ lɛ he baakpokpo yɛ mihegbeyei naa. Abaatsirɛ gɔji atswia shi, ni tɛsai ni kwɔlɔ lɛ baagbeegbee shi, ni aaawule gbogbo fɛɛ gbogbo ashwie shi.

Yoel 2:10

Kɛji amɛmiiba lɛ, shikpɔŋ hosoɔ, ni ŋwɛi kpokpoɔ bliblibli. Hulu kɛ nyɔɔŋtsere woɔ duŋ, ni ŋulamii fɔ̃ɔ kpɛmɔ.

Amos 9:5

Nuŋtsɔ Nyɔŋmɔ lɛ, mɔ ni kɛ́ enine sa je lɛ he kɛkɛ lɛ je lɛ miihoso, ni emli gbɔmɛi fɛɛ yeɔ awerɛhoo, mɔ ni hãa je lɛ yiɔ ni ekpɔ̃ŋɔ tamɔ Nilo Faa lɛ,

Mika 1:4

Gɔji lɛ aaasere yɛ enaneshi tamɔ wo-agbaku sereɔ yɛ la hiɛ lɛ; gɔji lɛ aaayiridi awo jɔi lɛ amli ni jɔi lɛ aaagbalagbalai tamɔ nu ni jɛ gɔŋ yiteŋ eebote jɔɔ mli.

Habakuk 3:10

Gɔji lɛ na bo, ni amɛhosohosoo; nu tue kɛbaho yoo. Bu kwɔŋkwɔŋ lɛ wo egbee; ehole eniji anɔ kɛtee ŋwɛi.

Zakaria 4:7

Shi bo gɔŋ kpeteŋkple, mɛni mli oyɔɔ? Obaatsɔ ŋa kplanaa yɛ Zerubabel hiɛ. Ebaakɔ oyiteŋ tɛ lɛ diɛŋtsɛ kɛba, ni aaabɔ oshe kɛaaba akɛ, “Dromɔ, dromɔ naa sɔŋŋ kɛkɛ.”

Maleaki 4:1

Yehowa kɛɛ akɛ, “Naa, gbi ko miiba; ni emli edɔ la tamɔ flɔnɔɔ. Eshishɛɛ lɛ gbɔmɛi fɔ̃ji fɛɛ baatsɔ̃mɔ tamɔ abele gbetselii; ebaashã amɛ bɔ ni eshwɛŋ eko eko shishifã loo tso nine.

Mateo 27:51

Ni naa, Sɔlemɔtsu lɛ mli muhɔɔ lɛ mli gba enyɔ kɛjɛ ŋwɛi kɛbayi shi, ni shikpɔŋ hoso, ni tɛsai gbala;

Mateo 28:2

Ni naa, shikpɔŋ ehoso waa, ejaakɛ Nuŋtsɔ lɛ bɔfo jɛ ŋwɛi kpeleke shi, ni ebakoklo tɛ lɛ kɛtee sɛɛ, ni eho eta nɔ.

Kpojiemɔ 20:11

Ni mina maŋtsɛ sɛ̃i yɛŋ ko ni da, kɛ mɔ ni ta nɔ lɛ, ni shikpɔŋ kɛ ŋwɛi jo foi yɛ ehiɛ, ni amɛbɛ gbɛhe dɔŋŋ.

Kpojiemɔ 6:14

Ni ŋwɛi tsi ehe kɛtee sɛɛ tamɔ wolo ni aakota; ni atsirɛ gɔŋ fɛɛ gɔŋ kɛ ŋshɔkpɔ fɛɛ ŋshɔkpɔ kɛje egbɛhe.

Kojolɔi 5:5

Gɔji lɛ hoso yɛ Yehowa hiɛ, nakai nɔŋŋ hu Sinai fee yɛ Yehowa, Israel Nyɔŋmɔ lɛ, hiɛ.