Nahum 1:4 - ŊMALƐ KRƆŊKRƆŊ LƐ

⁴ Eŋãa ŋshɔ yi, ni emiɔ; ehãa fai fɛɛ miɔ. Bashan kɛ Karmel gɔji lɛ anɔ ŋãlãa, ni Lebanon ŋã floŋŋ lɛ hu ŋãlãa.

Ṅmãle̱ Kroṅkroṅ Le̱

⁴ Eṅã̀a ṅšo̱ yi, ni ehãa emī̃o̱, ni ehãa fāi fẽ mī̃o̱. Bašan ke̱ Karmel fẽ ṅălãa, Lebanon afofroi le̱ ṅălãa!

Nahum 1:4 ပူးပေါင်းရင်းမြစ်များ

1 Mose 8:1

Kɛkɛ ni Nyɔŋmɔ kai Noa kɛ ŋaŋ kooloi lɛ kɛ shĩa kooloi lɛ fɛɛ ni kɛ lɛ yɔɔ adeka lɛ mli lɛ; ni Nyɔŋmɔ hã kɔɔyɔɔ ko batswa yɛ shikpɔŋ lɛ nɔ, ni nu lɛ bɔ̃i kpɔ̃ŋmɔ.

2 Samuel 22:16

Kɛkɛ ni ana ŋshɔ shishi kã shi, ni agbele je lɛ shishitoo atsɔ̃ɔ faŋŋ, be ni Yehowa kã ehenyɛlɔi lɛ ahiɛ, ni ekɛ mlifu bolɔ ewo amɛ lɛ.

Hiob 38:11

ni mikɛɛ akɛ, ‘Biɛ nɛɛ obaawa, ni okafo mli; ni biɛ oshɔkei wuji lɛ baawa.’

Lalai 104:7

Oŋa nui lɛ ayi, ni amɛjo foi; oŋwɛi shiimɔ naa lɛ, amɛjo foi oya.

Lalai 106:9

Eŋa Ŋshɔ Tsuru lɛ yi, ni egbi; ni enyiɛ amɛhiɛ kɛtsɔ̃ bu kwɔŋkwɔŋ lɛ mli, oookɛɛ shiaŋa nɔ.

Lalai 114:3

Ŋshɔ Tsuru lɛ na, ni ejo foi; Yordan hu kpa hoo.

Lalai 114:5

Oo Ŋshɔ, te aye tɛŋŋ, ni ojoɔ foi nɛɛ? Bo Yordan hu, ni okpa hoo nɛɛ?

Lalai 18:16

Ekpã enine mli kɛjɛ ŋwɛi ni ebawo mi, ni egbala mi kɛjɛ nui babaoo mli.

Lalai 74:15

Ohã nuhiŋmɛii kɛ faa niji tue; ni ohã faa ni hoɔ daa lɛ ŋala.

Yesaia 33:9

Shikpɔŋ lɛ miiye ŋkɔmɔ, ni eeŋala. Labanon kooŋ tsei ayibii ekpala, ekoi lɛ miigbi. Sharon jɔɔ shikpɔŋ frɔ̃frɔ̃ lɛ etsɔ̃ shiaŋa, ni Bashan kɛ Karmel Gɔŋ lɛ nɔ tsei ayibai miikpala.

Yesaia 42:15

Makpãtã gɔji kɛ gɔŋkpɔi ahiɛ, ni mahã amɛnɔ jwɛi fɛɛ agbi, mahã fai atsɔ̃mɔ faakpɔi, ni mahã kpaakpoi hu amii.

Yesaia 44:27

Lɛ ekɛɔ ŋshɔ akɛ, ‘Omli nu agbi, mibahã ofai lɛ hu amii?’

Yesaia 51:10

Aso jeee bo oha ŋshɔ mii lɛ? Ani jeee bo oha bu kwɔŋkwɔŋ lɛ mli nu mii, ni ogba gbɛ yɛ ŋshɔ lɛ mli oha mɛi ni okpɔ̃ amɛ lɛ, ni amɛfo mli kɛho lɛ?

Ezekiel 30:12

Ni mahã Nilo Faa lɛ amii; ni mikɛ shikpɔŋ lɛ baawo mɛi fɔ̃ji adɛŋ. Matsɔ̃ mɛi kpɔ̃ji anine nɔ, ni mahã shikpɔŋ lɛ atsɔ̃ amaŋfɔ̃, ni mafite nɔ fɛɛ nɔ ni yɔɔ nɔ. Mi, Yehowa, mikɛɛ.”

Ezekiel 38:20

Nakai gbi lɛ nɔ lɛ ŋshɔŋloi kɛ ŋwɛi loofɔji kɛ ŋaŋ kooloi kɛ waamɔnii fɛɛ ni wamɔɔ yɛ shikpɔŋ lɛ nɔ lɛ kɛ gbɔmɛi fɛɛ ni yɔɔ shikpɔŋ lɛ nɔ lɛ he baakpokpo yɛ mihegbeyei naa. Abaatsirɛ gɔji atswia shi, ni tɛsai ni kwɔlɔ lɛ baagbeegbee shi, ni aaawule gbogbo fɛɛ gbogbo ashwie shi.

Amos 1:2

Amos kɛɛ akɛ, “Yehowa miihũu tamɔ jata yɛ Zion Gɔŋ lɛ nɔ, ni egbee miishi yɛ Yerusalɛm. Shikpɔji lɛ anɔ jwɛi fɔ aaaŋala, ni Karmel Gɔŋ lɛ yiteŋ aaagbi.”

Amos 5:8

Naa, mɔ ni bɔ ŋulamii, “Wuɔ kɛ ebii kɛ Oŋwɛ” mɔ ni hãa duŋ kpii tsɔ̃ɔ jetsɛremɔ, ni ehãa shwane woɔ duŋ ni etsɔ̃ɔ tamɔ nyɔŋ. Lɛ mɔ ni efãa ŋshɔ mli nu, ni efɔseɔ eshwieɔ shikpɔŋ lɛ hiɛ lɛ, Yehowa ji egbɛi.

Mateo 8:26

Ni ekɛɛ amɛ akɛ, “Mɛɛba nyɛsheɔ gbeyei nɛkɛ, nyɛ ni nyɛhemɔkɛyeli faaa?” Kɛkɛ ni ete shi ni efã kɔɔyɔɔ lɛ kɛ ŋshɔ lɛ yi, ni eŋmɛ dɛmm.

Yoshua 3:16

kɛkɛ ni nu ni jɛ yiteŋgbɛ baa lɛ wa, ni ekwɔ kɛtee ŋwɛi shɔŋŋ, yɛ Adam ni ji maŋ ko ni bɛŋkɛ Zaretan lɛ he. Kɛkɛ ni nu ni kpelekeɔ shi kɛyaboteɔ Araba ŋshɔ, ni ji Ŋoo Ŋshɔ, lɛ mli lɛ tã, ni esɛɛ fo kwraa. Kɛkɛ ni Israelbii lɛ fo faa lɛ yɛ Yeriko ŋlɛnɔ tuuŋtu.