Nahum 1:3 - ŊMALƐ KRƆŊKRƆŊ LƐ

³ Yehowa mli fuuu mra, ni ehewalɛ da kpele; ehãaa tɔ̃lɔ aŋɔ ehe aye. Ahum kɛ lasuogbele teɔ shi yɛ he ni Yehowa etsɔ̃ kɛho, ni enaneshi mlu ji atatui.

Ṅmãle̱ Kroṅkroṅ Le̱

³ Iehowa mli fũũ mrā, ni ehewale̱ le̱ da kple, ni *ehãã no̱tõlo̱ aṅõ ehe aye. Iehowa le̱, ahum ke̱ lasũogbĕle mli egbe̱ le̱ kã, ni atatu le̱, enaneši mlu ni. *2 Mose 34,7.

Nahum 1:3 ပူးပေါင်းရင်းမြစ်များ

2 Samuel 22:10

Egba ŋwɛi mli, ni ekpeleke shi, Yehowa hã ŋwɛi kpoo enaa shi, ni eyi shikpɔŋ lɛ nɔ, ni duŋ kpii yɛ enaneshi.

Nehemia 9:17

Amɛbooo bo toi, ni asaŋ amɛkaiii onaakpɛɛnii ni ofee yɛ amɛteŋ lɛ; shi moŋ amɛfee amɛhe kuɛŋtilɔi. Amɛtse atua, ni amɛto asafoiatsɛ ni ekɛ amɛ aku sɛɛ kɛya nyɔŋyeli mli ekoŋŋ yɛ Ijipt. Shi bo lɛ oji Nyɔŋmɔ ni kɛ eshai faa, durolɔ kɛ musuŋtsɔlɔ ni toɔ etsui shi ni emɔbɔnalɛ fa, hewɔ lɛ oshiii amɛ.

Hiob 10:14

Kɛji mifee esha lɛ, okadiɔ ohãa mi, ni okɛ mitɔmɔ lɛ efaaa.

Hiob 38:1

Kɛkɛ ni Yehowa jɛ ahum lɛ mli ehã Hiob hetoo ekɛɛ,

Hiob 9:4

Nilelɔ ji lɛ, ni eyɛ hewalɛ; namɔ ete shi ewo lɛ, ni eye kunim pɛŋ?

Lalai 103:8

Mɔbɔnalɔ kɛ durolɔ ji Yehowa, emli fuuu mra, ni esuɔmɔ ni tsakeee lɛ fa babaoo.

Lalai 104:3

Oma oshĩa lɛ yɛ nui anɔ; oŋɔ atatui okɛfee oshwiilii; otaa kɔɔyɔɔ fiji anɔ okɛsheraa shi.

Lalai 145:8

Durolɔ kɛ mɔbɔnalɔ ji Yehowa; emli fuuu mra, ni esuɔmɔ ni tsakeee lɛ fa babaoo.

Lalai 147:5

WɔNuŋtsɔ lɛ je agbo; ni ehewalɛ fa naakpa, ni enilee lɛ anaaa naa.

Lalai 50:3

WɔNyɔŋmɔ lɛ miiba, ebaaa lɛ kpoo. La ni kpãtãa nii ahiɛ nyiɛ ehiɛ; ni ahum kpele bɔle ehe.

Lalai 62:11

Minu ni Nyɔŋmɔ ekɛɛ fe shii abɔ akɛ Lɛ edɛŋ hewalɛ fɛɛ yɔɔ.

Lalai 66:3

Nyɛkɛa Nyɔŋmɔ akɛ, “Onitsumɔi lɛ yɛ gbeyei pam! Ohewalɛ lɛ dalɛ naa sɔŋŋ hewɔ lɛ, ohenyɛlɔi kotoɔ bo kɛ gbeyeishemɔ.

Yesaia 19:1

Ijipt toigbalamɔ he gbalɛ nɛ. Naa, Yehowa ta atatu ni hiɛ foi nɔ kɛmiiba Ijipt. Ijipt amãgãi lɛ atsui efã yɛ ehiɛ.

Yesaia 29:6

Yehowa, Taiatsɛ lɛ, kɛ ŋwɛi shiimɔ kɛ shikpɔŋhosomɔ kɛ gbɛɛmɔ kpeteŋkple kɛ lasuogbele kɛ ahum kɛ la ni kpãtãa nii hiɛ aaakpɔ̃ bo.

Yesaia 66:15

Ejaakɛ naa, Yehowa aaaba kɛ la, ni eshwiilii lɛ aaanyiɛ lasuogbele mli kɛaaba, ni ekɛ mlila kpele aaawo ehenyɛlɔi lɛ anyɔmɔ; ni ekɛ la lilɛii aaakã ehenyɛlɔi.

Yeremia 4:13

Naa, henyɛlɔ lɛ efã kɛmiiba tamɔ atatu; etayaa shwiilii lɛ tamɔ lasuogbele; ni ekpɔŋɔi lɛ ahe yɛ oya fe okropɔŋ. Kpoo hã wɔ. Wɔhiɛ ekpãtã!

Daniel 7:13

Mina yɛ nyɔɔŋ ninaa lɛ mli nɔ ko ni tamɔ gbɔmɔ adesa. Ekpeleke shi kɛjɛ ŋwɛi ni atatu ebɔle ehe kɛba mɔ ni Etsɛ Naakpa lɛ ŋɔɔ, ni ebadamɔ ehiɛ.

Hosea 8:7

Ejaakɛ akɛni amɛdu kɔɔyɔɔ lɛ lasuogbele ji yibii ni amɛbaakpa. Abele ekpɛŋ bi kome nɛkɛ ni aaana aye. Ni kɛji abele lɛ aaaba tete lɛ, gbɔi moŋ aaabaye.

Yoel 2:13

Nyɛtsɛrɛa nyɛtsuii, shi jeee nyɛtadei; nyɛkpalea kɛbaa nyɛNyɔŋmɔ lɛ ŋɔɔ, ejaakɛ durolɔ kɛ mlitsɔ̃lɔ ji lɛ; emli fuu mra, ni eyeɔ eshiwoo nɔ; ni emɔbɔnalɛ fa, ni eshwaa ehe yɛ nɔ fɔŋ hewɔ.

Yona 4:2

No hewɔ lɛ, esɔle, ni ekɛɛ akɛ, “Ao, Yehowa, ani jeee nɔ ni mikɛɛ be mli ni miyɔɔ mimaŋ lɛ eba mli nɛɛ? Enɛ hewɔ nɔŋŋ ni mijɛ mra mijo foi kɛmiiya Tarshish lɛ. Ejaakɛ mile akɛ bo lɛ, Nyɔŋmɔ durolɔ kɛ musuŋtsɔlɔ ji bo; omli fuuu mra, ni omɔbɔnalɛ fa, ni otsakeɔ oyiŋtoo yɛ toigbalamɔ he.

Zakaria 9:14

Agbɛnɛ Yehowa aaapue yɛ ewebii lɛ anɔ ni egãimlibii lɛ aafliki tamɔ srawa gbalaa lɛ. Nuŋtsɔ Nyɔŋmɔ lɛ diɛŋtsɛ ni aaakpã eta tɛtɛrɛmantɛrɛ lɛ, ni eeefã tamɔ wuoyigbɛ lasuogbele.

4 Mose 14:18

‘Mi, Yehowa, mimli fuuu mra, ni mimɔbɔnalɛ hu fa; ni mikɛ tɔ̃mɔ kɛ efɔŋfeemɔ faa; shi kɛ̃lɛ mihãaa tɔ̃lɔ aŋɔ ehe aye, ni miwoɔ bii anyɔmɔ yɛ tsɛmɛi atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete nɔ.’

Mateo 26:64

Yesu kɛɛ lɛ akɛ, “Okɛɛ. Shi miikɛɛ nyɛ akɛ, kɛjɛ be nɛ nɔ kɛyaa nɛɛ, nyɛaana Gbɔmɔ Bi lɛ akɛ eta Hewalɛ lɛ ninejurɔ nɔ, ni eeba yɛ ŋwɛi atatui lɛ amli.”

Yakobo 1:19

No hewɔ lɛ, minyɛmimɛi ni misumɔɔ, mɔ fɛɛ mɔ he afee oya kɛ ninumɔ; ehumi shi kɛ wiemɔ; ehumi shi kɛ mlifu.

Kpojiemɔ 1:7

Naa, eeba kɛ atatui lɛ, ni hiŋmɛi fɛɛ hiŋmɛi aaana lɛ kɛ mɛi ni tsulɔ lɛ nii lɛ hu. Ni shikpɔŋ lɛ nɔ akutsei lɛ fɛɛ aaawo yara yɛ ehewɔ. Aba mli nakai. Amen!