Mika 7:6 - ŊMALƐ KRƆŊKRƆŊ LƐ

⁶ Ejaakɛ binuu ebuuu etsɛ, biyoo teɔ shi woɔ enyɛ; ni shaayoo teɔ shi woɔ eshaayoo. Gbɔmɔ henyɛlɔi ji lɛ diɛŋtsɛ eshĩa teŋ bii.

Ṅmãle̱ Kroṅkroṅ Le̱

⁶ Edšake̱ *binū ebuu etše̱, biyō hũ teo̱ ši woo̱ enye, šāyō teo̱ ši woo̱ ešāyō; ni modientše̱ šĩateṅbii dši ehenye̱lo̱i! *Ier. 9,3. 5. Mat. 10,35. 36.

Mika 7:6 ပူးပေါင်းရင်းမြစ်များ

1 Mose 49:4

Otamɔ nu hamahama ni damɔɔɔ he kome; ofeŋ klɛŋklɛŋ mɔ dɔŋŋ, ejaakɛ okɛ mihemɔ wɔ, ni owo misaa he muji ni obule misaatso.

2 Samuel 16:11

Kɛkɛ ni David kɛɛ Abishai kɛ lɛ David etsuji krokomɛi lɛ fɛɛ akɛ, “Kɛji mi diɛŋtsɛ mimusuŋbi miitao mi egbe lɛ, mɛni hewɔ esa akɛ nɔ ni Benyaminnyo nɛɛ feɔ lɛ afee nyɛ naakpɛɛ? Nyɛŋmɛa ehe ni elomɔa, ejaakɛ Yehowa ni tsu lɛ koni ebafee.

Lalai 41:9

Mi diɛŋtsɛ mishieŋtsɛ po ni miheɔ lɛ miyeɔ, mɔ ni yeɔ midɛŋ aboloo lɛ efã ntia eshi mi.

Abe̱i 30:11

Mɛi komɛi yɛ ni amɛlomɔɔ amɛtsɛmɛi, ni amɛjɔɔɔ amɛnyɛmɛi hu.

Abe̱i 30:17

Mɔ ni yeɔ etsɛ he fɛo ni egbeɔ enyɛ tsɔsemɔ he guɔ lɛ, kwãakwãalabitei aaafãmɔ ehiŋmɛii, ni akpaŋai aaaye eloo.

Yesaia 3:5

Maŋbii lɛ aaawawaa amɛhe yi, mɔ fɛɛ mɔ baawa enyɛmi yi. Oblahii ebuŋ amɛnukpai, ni maŋ bii yakagbɔmɛi ebuŋ mɛi ni hiɛ yɔɔ nyam.

Yesaia 9:19

Yehowa, Taiatsɛ lɛ, mlifu lɛ naa lɛ, shikpɔŋ lɛ shã. Maŋbii lɛ tsɔ̃ tamɔ latso ni tsoɔ; mɔ ko mɔ ko yeee buaa enyɛmi.

Yeremia 12:6

Ejaakɛ onyɛmimɛi kɛ otsɛ we lɛ, amɛ tete po amɛkwa bo; ni amɛmiitao bo efɔŋ waa diɛŋtsɛ. Kɛji amɛdɔkɔ amɛnaa amɛhã bo tete lɛ, kaahe amɛ oye.”

Yeremia 20:10

Minuɔ akɛ aawie ablɛbi akɛ, “He fɛɛ he efee gbeyei. Nyɛfolɔa enaa, nyɛhãa wɔfolɔ enaa!” Minanemɛi tete ni kɛɔ enɛ nɛɛ, ni amɛmiikwɛ akɛ minane aaatɔ̃tɔ̃ lo. Amɛkɛɛ akɛ, “Eko lɛ aaalaka lɛ ni wɔnine aaashɛ enɔ, ni wɔɔtɔ wɔhe owele yɛ enɔ.”

Yeremia 9:4

Mɔ fɛɛ mɔ akwɛ ehe ni ahi yɛ enaanyo hewɔ; mɔ ko kɛ ehe akafɔ̃ enyɛmi nɔ, ejaakɛ mɔ fɛɛ mɔ etsɔ̃ ehe shishiulɔ, ni naanyo fɛɛ naanyo etsɔ̃ mɔ he oshekuyelɔ.

Ezekiel 22:7

Abuuu tsɛ kɛ nyɛ yɛ omli, ayeɔ gbɔ amim yɛ omli; awaa awusa kɛ okulafo yi yɛ omli.

Obadia 1:7

Nyɛhefatalɔi lɛ elaka nyɛ; amɛshwie nyɛ kɛtee husu lɛ nɔ tɔ̃ɔ; mɛi ni kɛ nyɛ yɔɔ gbee jurɔ lɛ hu eye nyɛnɔ kunim. Nanemɛi ni nyɛkɛye nii lɛ tsɔ̃ nyɛ tsɔne; nɔ ko ni anuuu shishi.

Mateo 10:21

“Shi nyɛmi kɛ nyɛmi aaahã gbele, ni tsɛ kɛ bi aaahã, ni bii aaate shi awo amɛfɔlɔi, ni amɛaahã agbe amɛ.

Mateo 26:23

Shi ehere nɔ ekɛɛ, “Mɔ nine ni kɛ minine kpeɔ yɛ kã lɛ mli lɛ, lɛ ebaatsɔ̃ɔ misɛɛgbɛ lɛ.

Luka 12:53

Mligbalamɔ aaaba tsɛ kɛ ebinuu, kɛ binuu hu kɛ etsɛ teŋ; nyɛ kɛ biyoo kɛ biyoo hu kɛ nyɛ teŋ; shaayoo kɛ shaayoo, ebi ŋa lɛ, teŋ, kɛ lɛ hu kɛ eshaayoo, ewu nyɛ lɛ, teŋ.”

Luka 21:16

Shi fɔlɔi tete kɛ nyɛmimɛi kɛ wekumɛi kɛ shieŋtsɛmɛi aaaŋɔ nyɛ ahã, ni amɛaahã agbe nyɛteŋ mɛi komɛi;

Yohane 13:18

“Jeee nyɛ fɛɛ nyɛhe miwieɔ; mi lɛ mile mɛi ni mihala; shi moŋ bɔ ni afee ni nɔ ni aŋma lɛ aba mli akɛ, ‘Mɔ ni yeɔ midɛŋ aboloo lɛ, ewo enanetsitsi eshi mi.’