Mika 7:3 - ŊMALƐ KRƆŊKRƆŊ LƐ

³ Amɛhe esa kɛ efɔŋfeemɔ, ni amɛfeɔ lɛ kɛ ŋaa. Lumɛi kɛ kojolɔi lɛ heɔ nyɔɔŋnii. Nɔ fɔŋ ni yɔɔ hiɛnaanɔ gbɔmɔ tsuiŋ lɛ, ejeɔ enaa; kɛkɛ lɛ amɛ fɛɛ amɛkpãŋ amɛto.

Ṅmãle̱ Kroṅkroṅ Le̱

³ Ame̱nidši dſere efõṅ no̱, ame̱mīfe le̱ mo̱deṅbō̱. Lumo le̱ bio̱ noko, ni kodšolo̱ le̱ kwe̱o̱ nyõmo̱wo ekodšoo̱; gbomo agbo le̱ wieo̱ noni esusuma taoo̱, ni ame̱lòo̱ mli ame̱too̱.

Mika 7:3 ပူးပေါင်းရင်းမြစ်များ

Abe̱i 16:30

Mɔ ni bɛɔ mɔ hiŋmɛi lɛ, etoɔ yiŋ fɔŋ; ni mɔ ni kɔ̃ɔ enaa ablafa lɛ, ehãa efɔŋ baa mli.

Abe̱i 17:23

Efɔŋfeelɔ heɔ nyɔɔŋnii koni etsɔ̃ jalɛ hiɛ ebu shi.

Yesaia 1:23

Omli lumɔi lɛ etsɔ̃mɔ atuatselɔi kɛ julɔi ananemɛi. Amɛteŋ mɔ fɛɛ mɔ miinya nyɔɔŋnihamɔ he ni amɛhiŋmɛii etsu kɛnyiɛ mɛi adɛŋ nikee sɛɛ. Amɛfãaa awusa he lɛ, amɛyeee okulafo sane amɛhãaa lɛ.

Yesaia 26:21

Ejaakɛ, naa, Yehowa miije kpo kɛmiijɛ eshihilɛhe lɛ koni ebagbala je lɛ mli bii atoi yɛ amɛnishaianii lɛ ahewɔ, ni shikpɔŋ lɛ aaajie lá shi ni ashwie yɛ enɔ lɛ etsɔ̃ɔ, ni ehaŋ mɛi ni agbe yɛ enɔ lɛ anɔ dɔŋŋ.”

Yesaia 3:5

Maŋbii lɛ aaawawaa amɛhe yi, mɔ fɛɛ mɔ baawa enyɛmi yi. Oblahii ebuŋ amɛnukpai, ni maŋ bii yakagbɔmɛi ebuŋ mɛi ni hiɛ yɔɔ nyam.

Yesaia 32:7

Shishiulɔ nifeemɔ lɛ nɔ fɔŋ ni; etoɔ efɔŋfeemɔ he ŋaa koni ekɛ amale wiemɔi akpãtã ohiafo hiɛ kɛji ohiafo sane ja tete po lɛ.

Yesaia 5:23

Kpoo hã mɛi ni heɔ nyɔɔŋnii ni no hãa amɛŋmɛɔ mɔ ni efe efɔŋ he tswaa lɛ, ni amɛhãa mɔ ni sane ja gbɛnaanii ŋmɛɔ lɛ lɛ!

Yeremia 3:5

omli fuŋ mi kɛyaŋ naanɔ, ni obɛŋ mi owoŋ omli kɛyaŋ naanɔ?’ Israel, nɔ ni okɛɔ nɛ, shi kɛ̃lɛ ofee nɔ fɔŋ fɛɛ nɔ fɔŋ ni obaanyɛ ofee.”

Yeremia 4:22

Ejaakɛ kwashiai ji miwebii lɛ, amɛleee nii; bii kwashiai ji amɛ, amɛbɛ jwɛŋmɔ. Amɛhe esa kɛ efɔŋfeemɔ shi ekpakpafeemɔ ebɔ amɛ.

Yeremia 8:10

Enɛ hewɔ lɛ, maŋɔ amɛŋamɛi lɛ mahã mɛi krokomɛi; ni mikɛ amɛŋmɔji lɛ baahã mɛi ni baaye amɛnɔ kunim lɛ. Ejaakɛ kɛjɛ amɛteŋ mɔ bibioo nɔ kɛyashi mɔ wulu nɔ lɛ, amɛteŋ mɔ fɛɛ mɔ hiɛ joɔ; ni kɛjɛ gbalɔ nɔ kɛyashi osɔfo nɔ lɛ, amɛteŋ mɔ fɛɛ mɔ shishiuɔ mɔ.

Ezekiel 22:12

Mɛi heɔ nyɔɔŋnii, koni ashwie lá shi yɛ omli; aheɔ hekpa ni fe nine, ni atswaa nanemɛi ojo. Nyɛhiɛ ekpa minɔ.” Nuŋtsɔ Yehowa kɛɛ.

Ezekiel 22:27

“Emli lumɛi lɛ tamɔ klãji ni tserɛɔ milɛloo mli, amɛshwieɔ lá shi, amɛkpãtãa mɛi ahiɛ, bɔ ni afee ni amɛwo shishiumɔ ninamɔ.

Ezekiel 22:6

Naa, Israel lumɛi ni yɔɔ omli lɛ, amɛteŋ mɔ fɛɛ mɔ tswaa efai shi akɛ ebaashwie lá shi yɛ omli, bɔ ni eeenyɛ.

Ezekiel 34:21

Akɛni nyɛkɛ nyɛkɔ̃ji tsirɛɔ toi lɛ; ni nyɛkɛ nyɛkoji hɛlɛɔ amɛmli helatsɛmɛi lɛ kɛyashiɔ nyɛgbɛɔ kui enyɔ lɛ fɛɛ nyɛshwãa majiasɛɛ

Ezekiel 9:9

Kɛkɛ ni Nyɔŋmɔ kɛɛ mi akɛ, “Israel kɛ Yuda efee esha kpele, ni shikpɔŋ lɛ nɔ eyi obɔ̃ tɔ kɛ lashishwiemɔ, ni toikɔdɔmɔ saneyeli hu eyi maŋ lɛ mli obɔ̃; ejaakɛ amɛkɛɔ akɛ, ‘Yehowa ekwa shikpɔŋ lɛ, ni Yehowa enaaa wɔ.’

Hosea 4:18

Kɛji amɛnunuu dãi ni amɛtɔrɔ sɛɛ lɛ kɛkɛ lɛ amɛkɛ ajwamãŋbɔɔ lɛ etsa nɔ, ejaakɛ amɛsumɔɔ hiɛgbele moŋ fe hiɛnyam.

Hosea 7:3

Yehowa kɛɛ akɛ, “Amɛkɛ yiwalɛ nifeemɔi lɛ hãa maŋtsɛ lɛ mii shɛɔ ehe, ni amɛkɛ mɔshishinyiɛmɔ wiemɔ hãa lumɛi hu naa miishɛɛ.

Amos 5:12

Ejaakɛ mile akɛ nyɛmlanɔtɔ̃mɔi lɛ fa, ni mile eshai ni nyɛfeefee anaawalɛ. Nyɛgbaa jalɔ naa, ni nyɛheɔ nyɔŋnii, ni nyɛŋmɛɛɛ gbɛ koni ohiafo kɛ esane ashɛ koishi koni aye ahã lɛ.

Mika 2:8

Yehowa to he akɛ, “Nyɛteɔ shi nyɛwoɔ mimaŋ lɛ tamɔ ateɔ shi awoɔ henyɛlɔi. Mɛi kuɔ amɛsɛɛ kɛjɛɔ ta naa kɛbaa, ni amɛsusuɔ akɛ amɛfee shweshweeshwe yɛ shĩa. Shi naa nyɛ ni nyɛmiimɛ amɛ koni nyɛkpɔlɔ amɛtadei yɛ amɛhe.

Mika 3:11

Maŋ onukpai lɛ, nyɔɔŋnii amɛheɔ dani amɛbuaa sane he; osɔfoi lɛ, nyɔmɔwoo hewɔ amɛtsɔ̃ɔ Nyɔŋmɔ Mla lɛ, ni gbalɔi lɛ shika hewɔ amɛgbaa nɔ ni ajie atsɔ̃ɔ amɛ. Kɛ̃lɛ amɛkɛ amɛhe kpasaa Yehowa ni amɛkɛɔ akɛ, “Yehowa kɛ wɔ yɛ; nɔ fɔŋ ko nɔ fɔŋ ko baŋ wɔnɔ.”

Mika 3:2

Shi nyɛnyɛɔ ekpakpa, ni nyɛsumɔɔ efɔŋ. Nyɛkpɔɔ mimaŋbii lɛ ahe wolo yɛ amɛhe be mli ni amɛhiɛ kã; ni nyɛjieɔ amɛheloo yɛ amɛwui ahe.

Mateo 26:15

ni eyabi akɛ, “Mɛni nyɛaahã mi ni majie lɛ mawo nyɛdɛŋ?” Ni amɛkane jwiɛtɛi kukuji nyɔŋmai etɛ̃ amɛhã lɛ.

1 Korintobii 4:5

No hewɔ lɛ, nyɛkakojoa nɔ ko dani shɛ be lɛ, kɛyashi beyinɔ ni Nuŋtsɔ lɛ aaaba, mɔ ni kɛ dujiaŋ nibii ni akɛtee lɛ tete aaaba la hiɛ, ni eeejie tsuiiaŋ ajinai lɛ ashi lɛ. Ni no mli lɛ mɔ fɛɛ mɔ aaana eyijiemɔ kɛaajɛ Nyɔŋmɔ dɛŋ.