Mika 7:2 - ŊMALƐ KRƆŊKRƆŊ LƐ

² Gbɔmɔ Nyɔŋmɔ gbeyeishelɔ ko bɛ shikpɔŋ lɛ nɔ dɔŋŋ; mɔ ko bɛ ni yeɔ Nyɔŋmɔ anɔkwa. Mɔ fɛɛ mɔ miitao akɛ ena hegbɛ ni eshwie lá shi. Mɔ fɛɛ mɔ miigbɔbi enaanyo.

Ṅmãle̱ Kroṅkroṅ Le̱

² *Mo̱kroṅkroṅ elādše ke̱-dše̱ šikpoṅ le̱ no̱, ni ano̱kwafo be̱ gbomei ateṅ: ame̱fẽ-kwa ame̱woo̱ lá he ká; mofẽmo tšõ̀o̱ enyemi tšõne. *Lal. 12.2.

Mika 7:2 ပူးပေါင်းရင်းမြစ်များ

Lalai 10:9

Edɛkeɔ shi tamɔ jata yɛ olɔtɔ mli; ewoɔ ka koni emɔ ohiafo; ekɛ akpa duɔ ohiafo; ni eshãtãa lɛ kɛyaa.

Lalai 12:1

Yehowa, ye obua wɔ! Ejaakɛ Nyɔŋmɔ gbeyeishelɔ ko bɛ dɔŋŋ; ni anɔkwafoi etã yɛ gbɔmɛi ateŋ.

Lalai 12:2

Mɔ fɛɛ mɔ lakaa enaanyo. Amɛnaa dɔkɔbii kɛ amɛlilɛi nta.

Lalai 57:6

Mihenyɛlɔi ŋmɛ mi yaa koni amɛdu mi; misusuma edɔ kɔmɔɔ kɛ awerɛho. Amɛtsa bu yɛ migbɛ nɔ, shi amɛ diɛŋtsɛ moŋ amɛyagbee mli.

Abe̱i 1:11

Kɛji amɛkɛɛ bo akɛ, “Ba wɔtee ni wɔyawo mɔ ko antɛo, ni wɔyawo mɔ ko lá ni efeko nɔ ko fɔŋ ko ka yakatswaa lɛ kaakpɛlɛ̃.

Abe̱i 12:6

Mɛi fɔ̃ji woɔ lá antɛo, shi jalɔi awiemɔ hereɔ mɔ yiwala.

Yesaia 3:5

Maŋbii lɛ aaawawaa amɛhe yi, mɔ fɛɛ mɔ baawa enyɛmi yi. Oblahii ebuŋ amɛnukpai, ni maŋ bii yakagbɔmɛi ebuŋ mɛi ni hiɛ yɔɔ nyam.

Yesaia 57:1

Jalɔ hiɛ kpãtãa, ni mɔ ko mɔ ko kɛ esane lɛ wooo etsuiŋ. Aŋɔɔ gbɔmɛi kpakpai kɛjeɔ jeŋ kɛyaa ni mɔ ko mɔ ko nuuu shishi. Ejaakɛ aŋɔɔ gbɔmɔ kpakpa lɛ kɛyaa kɛjeɔ haomɔ mli, ni eboteɔ hejɔlɛ mli.

Yesaia 59:7

Amɛhe yɛ oya kɛ efɔŋfeemɔ, ni amɛyeɔ oyai kɛshwieɔ mɔ ni fɔbuu ko bɛ ehe lɛ lá shi. Nɔ he pɛ ni amɛjwɛŋɔ ji nɔsha, ni nifitemɔ kɛ niihiɛkpãtãmɔ anaa yɛ he ni amɛyɔɔ.

Yesaia 9:19

Yehowa, Taiatsɛ lɛ, mlifu lɛ naa lɛ, shikpɔŋ lɛ shã. Maŋbii lɛ tsɔ̃ tamɔ latso ni tsoɔ; mɔ ko mɔ ko yeee buaa enyɛmi.

Yeremia 16:16

“Naa, miitsu koni ayaŋɔ wolɛimɛi pii abahã mi koni amɛbahɛ amɛ. No sɛɛ lɛ, mibatsu koni ayaŋɔ gbɔbilɔi abahã mi ni amɛbagbɔbi amɛ yɛ gɔji kɛ gɔ̃ŋkpɔi kɛ tɛkploi afɔji blublu amli.

Yeremia 5:16

Amɛgãimlibii akotoku lɛ tamɔ gbonyobu ni naa kã. Hii kãkãlɔi sɔŋŋ ji amɛ,

Yeremia 5:26

“Ejaakɛ mɛi fɔ̃ji yɛ mimaŋbii lɛ ateŋ; amɛwoɔ gbɔmɛi ka tamɔ loofɔlɔdulɔi woɔ antɛo lɛ; ni amɛtsɔ̃ɔ tsɔnei amɛkɛduɔ gbɔmɛi.

Yeremia 8:6

Mikɛ tsuishitoo bo amɛ toi; shi amɛwieee anɔkwale. Mɔ ko mɔ ko kwraa bɛ ni nifɔɔjianii ni efee lɛ edɔ lɛ, ni no ehã etsake etsui. Shi moŋ ekɛɔ akɛ, ‘Mɛni mifee?’ Mɔ fɛɛ mɔ ekɔ lɛ diɛŋtsɛ egbɛ tamɔ bɔ ni okpɔŋɔ shaa foi kitikiti kɛboteɔ ta mli lɛ.

Yāfó 4:18

Henyɛlɔi wɔɔ wɔ, ni no hewɔ lɛ, wɔnyɛɛɛ wɔblohuiaŋ tete wɔnyiɛ. Wɔnaagbee lɛ eshɛ, gbii lɛ etã; ejaakɛ wɔnaagbee lɛ eshɛ.

Ezekiel 22:12

Mɛi heɔ nyɔɔŋnii, koni ashwie lá shi yɛ omli; aheɔ hekpa ni fe nine, ni atswaa nanemɛi ojo. Nyɛhiɛ ekpa minɔ.” Nuŋtsɔ Yehowa kɛɛ.

Ezekiel 24:6

No hewɔ lɛ, bɔ ni Nuŋtsɔ Yehowa kɛɛ nɛ, “Kpoo hã maŋ ni ashwieɔ lá shi yɛ emli; nakai maŋ lɛ, etamɔ dadesɛŋ ni mli edɔ ŋkanale, ni ŋkanale lɛ yɛ mli lolo. Kɔlɔmɔ loi lɛ yɛ dadesɛŋ lɛ mli ekomekome, kaahala mli.

Hosea 5:1

“Nyɛ Osɔfoi, nyɛboa sane nɛɛ toi! Nyɛ Israelbii, nyɛkaa toi! Nyɛ maŋtsɛ we lɛ mli bii, nyɛfea toi, shi naa, abaakojo nyɛ fɛɛ, ejaakɛ nyɛfee nyɛhe tamɔ akpa ni atsɔ̃ yɛ Mizpa, kɛ yaa ni akɛlɛɛ shi yɛ Tabor Gɔŋ lɛ nɔ.

Hosea 6:9

Tamɔ bɔ ni ojotswalɔi woɔ mɔ ka lɛ, nakai nɔŋŋ pɛ osɔfoi lɛ efee ekome amɛgbeɔ mɛi, ni amɛfeɔ nishaianii yɛ Shekem gbɛteŋ.

Mika 2:8

Yehowa to he akɛ, “Nyɛteɔ shi nyɛwoɔ mimaŋ lɛ tamɔ ateɔ shi awoɔ henyɛlɔi. Mɛi kuɔ amɛsɛɛ kɛjɛɔ ta naa kɛbaa, ni amɛsusuɔ akɛ amɛfee shweshweeshwe yɛ shĩa. Shi naa nyɛ ni nyɛmiimɛ amɛ koni nyɛkpɔlɔ amɛtadei yɛ amɛhe.

Mika 3:10

Nyɛmiima Nyɔŋmɔ maŋ wulu ni ji Yerusalɛm lɛ, nyɛmiima lashishwiemɔ kɛ kutumpɔo.

Mika 3:2

Shi nyɛnyɛɔ ekpakpa, ni nyɛsumɔɔ efɔŋ. Nyɛkpɔɔ mimaŋbii lɛ ahe wolo yɛ amɛhe be mli ni amɛhiɛ kã; ni nyɛjieɔ amɛheloo yɛ amɛwui ahe.

Zakaria 11:6

“No hewɔ lɛ, minaŋ mɔ ko mɔ ko mɔbɔ dɔŋŋ yɛ shikpɔŋ nɛɛ nɔ; naa, maŋmɛɛ mɔ fɛɛ mɔ he mawo enɔkwɛlɔ kɛ emaŋtsɛ hu dɛŋ. Ni nɔkwɛlɔi nɛɛ baakpãtã shikpɔŋ lɛ hiɛ ni mihereŋ mɔ ko mɔ ko yiwala.

Bɔfoi 24:9

Ni Yudafoi lɛ hu ká mli wao ni amɛkɛɛ akɛ saji nɛɛ yɛ mli nakai.

1 Samuel 24:11

Mitsɛ Ataa, Okwɛɛɛ? Otade lɛ naabu ko ni mifo lɛ mihiɛ nɛɛ. Akɛ mifo otade lɛ naabu, ni mitswaaa bo nɔ migbeee bo lɛ, no aaatsɔ̃ɔ bo koni ona ole akɛ mibɛ ohe yiŋtoo fɔŋ ko. Mifeko bo esha ko, shi kɛ̃lɛ bo lɛ gbɔbimɔ sɔŋŋ kɛkɛ ogbɔbiɔ mi koni ogbe mi.

1 Samuel 26:20

Kɛji magbo po lɛ, kaahã migbo yɛ he ko ni jeee Yehowa shikpɔŋ nɔ, ejaakɛ naa Israel maŋtsɛ eba mi oflikiti taomɔ tamɔ agbɔbiɔ afi yɛ gɔji anɔ lɛ.”