Mika 7:19 - ŊMALƐ KRƆŊKRƆŊ LƐ

¹⁹ Oooku sɛɛ omusuŋ atsɔ̃ bo yɛ wɔhe. Okɛ onane aaashwishwia wɔnishaianii lɛ anɔ ni osherɛ oshwie ŋshɔ shishi bu kwɔŋkwɔŋ lɛ mli.

Ṅmãle̱ Kroṅkroṅ Le̱

¹⁹ Eekũ ese̱ ni emũsũṅ aatšõle̱ ye̱ wo̱-he, eke̱ enane aaſiſia wo̱nišaianii le̱ ano̱; ni ooše̱re̱ wohe ešai le̱ oſie ṅšo̱ṅ bu kwo̱ṅkwo̱ṅ le̱ mli.

Mika 7:19 ပူးပေါင်းရင်းမြစ်များ

2 Samuel 24:14

David hã Gad hetoo akɛ, “Sane lɛ wa hã mi naakpa. Shi fɛɛ sɛɛ lɛ misumɔŋ akɛ mayaje gbɔmɔ adesa dɛŋ. Wɔyɛ Yehowa dɛŋ, ejaakɛ lɛ lɛ, emɔbɔnalɛ fa.”

Lalai 103:12

Bɔ ni bokã kɛ anai teŋ jɛkɛ lɛ, nakai ehãa wɔ kɛ wɔtɔ̃mɔi lɛ ateŋ jekɛɔ.

Lalai 130:8

Lɛ eeekpɔ̃ Israel kɛaajɛ enishaianii lɛ fɛɛ mli.

Lalai 85:3

Ofo omli ni fu amɛ lɛ sɛɛ, ni oŋmɛɛ omlila kpele lɛ he.

Yesaia 33:24

Maŋbii lɛ ateŋ mɔ ko ekɛŋ akɛ, “Mihe miiye.” Akɛ mɛi ni yɔɔ shikpɔŋ lɛ nɔ lɛ ahe eshai aaafa amɛ.

Yesaia 38:17

Naa, mijurɔyeli hewɔ jɛ ni mina hejaramɔ babaoo lɛ, Ojie miwala kɛje hiɛkpãtãmɔ mli, ejaakɛ osherɛ mihe eshai lɛ fɛɛ oshwie osɛɛ.

Yesaia 43:25

“Kɛ̃lɛ mi, mi nɔŋŋ ji mɔ ni ŋɔɔ ohe eshai lɛ efaa, yɛ mi diɛŋtsɛ mihewɔ, ni mikaiŋ ohe eshai lɛ dɔŋŋ.

Yeremia 31:20

Israel ji mibinuu kpakpa lɛ. Lɛ ji misuɔmɔ bi lɛ. Shii abɔ fɛɛ ni miwieɔ mishiɔ lɛ lɛ, mikaiɔ lɛ kɛ̃ kɛ dɔlɛ. No hewɔ lɛ, mitsui shweɔ lɛ. Bɔ fɛɛ bɔ ni fee lɛ mana lɛ mɔbɔ. Mi, Yehowa, mikɛɛ.

Yeremia 31:34

Ni mɔ ko etsɔŋ enaanyo, ni mɔ ko hu etsɔŋ enyɛmi dɔŋŋ akɛ, ‘Le Yehowa’, ejaakɛ amɛ fɛɛ kwa amɛaale mi, kɛjɛ amɛteŋ mɔ bibioo nɔ kɛyashi mɔ wulu nɔ, ejaakɛ mikɛ amɛnishaianii lɛ baafa amɛ, ni mikaiŋ eshai ni amɛfee lɛ dɔŋŋ. Mi Yehowa, mikɛɛ.”

Yeremia 33:8

Eshai fɛɛ ni amɛfee amɛshi mi hewɔ lɛ mibatsuu amɛhe; ni eshai fɛɛ ni amɛfee amɛshi mi kɛtsɔ̃ tɔ̃mɔ ni amɛtɔ̃ minɔ lɛ nɔ, kɛ shi ni amɛte amɛwo mi lɛ, mikɛ fɛɛ baafa amɛ.

Yeremia 50:20

Kɛji nakai be lɛ shɛ lɛ, aaatao nishaianii yɛ Israel, shi anaŋ eko, ni anaŋ esha ko yɛ Yuda hu, ejaakɛ mɛi fɛɛ ni mibahã ashwɛ lɛ, maŋɔ amɛhe mafa amɛ. Mi Yehowa, mikɛɛ.’ ”

Yāfó 3:22

Yehowa suɔmɔ ni tsakeee lɛ sɛɛ efooo kɔkɔɔkɔ, ni emɔbɔnalɛ bɛ naagbee.

Yāfó 3:32

ejaakɛ ehãa mɔ he jaraa lɛ moŋ, kɛ̃lɛ emusuŋ tsɔ̃ɔ lɛ yɛ suɔmɔ ni tsakeee lɛ hewɔ.

Ezekiel 18:22

Tɔ̃mɔi ni etɔ̃ lɛ akaiŋ ekoeko dɔŋŋ, akɛaafa lɛ. Ejalɛnii ni efee lɛ hewɔ lɛ eyi aaana wala.

Ezekiel 39:29

Mafɔse miMumɔ lɛ mashwie Israel we lɛ nɔ, ni mitsiŋ mihe kɛjɛŋ amɛhe dɔŋŋ,” Nuŋtsɔ Yehowa kɛɛ.

Daniel 9:24

“Be ni Nyɔŋmɔ eto ni ekɛbaafo omaŋbii lɛ kɛ omaŋ krɔŋkrɔŋ lɛ eshai kɛ nifɔɔjianii ni afee lɛ sɛɛ lɛ ji afii nyɔŋmai kpawo toi kpawo; abaafo eshafeemɔ sɛɛ; abaakpãtã eshafeelɔ kɛ Nyɔŋmɔ teŋ; ni jalɛ saneyeli aaabaye nɔ kɛya naanɔ; abaawo ninaa kɛ gbalɛ fɛɛ obɔ̃; ni abaasaa ajɔɔ He Krɔŋkrɔŋ lɛ nɔ ekoŋŋ.

Hosea 14:2

Nyɛkpalea kɛyaa Yehowa ŋɔɔ, nyɛyakpaa lɛ fai kɛ wiemɔi nɛɛ akɛ, “Kɛ efɔŋ ni wɔfee lɛ afa koni omɔ wɔfaikpamɔ nɛɛ mli, ni wɔɔkafo bo.

Hosea 14:4

Yehowa kɛɛ, “Mibahã amɛkpa anɔkwa ni amɛyeee lɛ. Mibasumɔ amɛ kɛ mitsui fɛɛ, ejaakɛ miŋmɛɛ mimli ni fu amɛ lɛ he.

Zakaria 3:4

Kɛkɛ ni bɔfo lɛ fã mɛi ni damɔ ehiɛ lɛ ekɛɛ, “Nyɛjiea atadei mujimuji lɛ yɛ ehe.” Kɛkɛ ni ekɛɛ Yoshua hu akɛ, “Bɔ ni ajie ohe atadei nɛɛ lɛ, nakai ajie ohe eshai lɛ ashwie, ni mawula bo kɛ atadei ni jara wa.”

Romabii 6:14

Ejaakɛ esha naŋ nyɛnɔ hewalɛ, ejaakɛ jeee Mla shishi nyɛyɔɔ, shi moŋ dromɔ shishi nyɛyɔɔ.

Romabii 8:13

Ejaakɛ kɛ heloo naa nyɛhiɔ shi yɛ lɛ, nyɛbaagboi shi kɛ nyɛkɛ Mumɔ lɛ gbeɔ heloo lɛ nitsumɔi lɛ, nyɛhiɛ aaakãmɔ.

5 Mose 30:3

no lɛ Yehowa, nyɛNyɔŋmɔ lɛ aaana nyɛ mɔbɔ ekoŋŋ. Emusuŋ aaatsɔ̃ lɛ, ni eeeku sɛɛ ebua nyɛnaa kɛaajɛ majimaji anɔ hei fɛɛ ni Yehowa, nyɛNyɔŋmɔ lɛ, egbɛ nyɛ eshwã lɛ kɛaaba.

5 Mose 30:6

Yehowa, nyɛNyɔŋmɔ lɛ, aaahã nyɛ kɛ nyɛshwiei hu atsake nyɛtsui bɔ ni afee ni nyɛkɛ nyɛtsui kɛ nyɛnyɛmɔ fɛɛ asumɔ Yehowa, nyɛNyɔŋmɔ lɛ, koni nyɛyi ana wala.

5 Mose 32:36

Ejaakɛ Yehowa baafã ewebii ahe; ebaana amɛ mɔbɔ kɛji ena akɛ amɛhewalɛ fɛɛ etã, ni eshwɛko mɔ ko mɔ ko kwraa, mɔ ni hiɛ ehe jio, nyɔŋ jio.

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Hebribii 8:12

Ejaakɛ mana amɛ mɔbɔ yɛ amɛtɔ̃mɔi lɛ agbɛfaŋ, ni amɛhe eshai lɛ hu mikaiŋ dɔŋŋ.”

1 Yohane 3:8

Mɔ ni feɔ esha lɛ, ejɛ abonsam mli; ejaakɛ kɛjɛ shishijee beebe lɛ, abonsam feɔ esha. Enɛ hewɔ Nyɔŋmɔ Bi lɛ jie ehe kpo koni efite abonsam nitsumɔi lɛ.