Mika 7:13 - ŊMALƐ KRƆŊKRƆŊ LƐ

¹³ Shi shikpɔŋ lɛ aaatsɔ̃ shiaŋa yɛ enɔ bii lɛ anifɔ̃ɔjianii ni amɛfeɔ lɛ ahewɔ.

Ṅmãle̱ Kroṅkroṅ Le̱

¹³ Ši šikpoṅ le̱ aatšṍ amaṅfõ ye̱ eno̱ bii le̱ ahewo̱, ye̱ ame̱nifemo̱nii ayibii le̱ ahewo̱.

Mika 7:13 ပူးပေါင်းရင်းမြစ်များ

Hiob 4:8

Bɔ pɛ ni mina nɛ: Mɛi ni huɔ nɔsha ŋmɔ, ni amɛduɔ yiwalɛ wui lɛ nomɛi nɔŋŋ amɛkpaa.

Abe̱i 1:31

hewɔ lɛ, nɔ ni amɛdu lɛ, no yibii amɛaakpa, ni ŋaa ni amɛtotoo lɛ he sɛɛ amɛaana.

Abe̱i 31:31

Nyɛŋɔa eninenaa nitsumɔi lɛ eko nyɛhãa lɛ, ni hã enitsumɔi lɛ ajie eyi yɛ koii lɛ ashi.

Abe̱i 5:22

Mɔ fɔŋ lɛ enifɔji anii lɛ nɔŋŋ duɔ lɛ tamɔ tsɔne, ni eshai ni efeɔ lɛ nɔŋŋ fimɔɔ lɛ tamɔ kpãa.

Yesaia 17:9

Nakai gbi lɛ nɔ lɛ, amɛmaji ni he wa lɛ baatsɔ̃mɔ tamɔ maji ni Hivbii lɛ kɛ Amorbii lɛ jo foi shi ni amɛtsɔmɔ amaŋfɔ̃i be ni amɛjoɔ Israelbii lɛ anaa foi lɛ, ni nibii ahiɛ baakpãtã lɛ.

Yeremia 17:10

Mi, Yehowa, mitaoɔ gbɔmɔ yitsoŋ, ni mikaa tsui mikwɛɔ. Mikɛ mɔ fɛɛ mɔ yeɔ yɛ ejeŋba naa; mikɛ mɔ fɛɛ mɔ yeɔ yɛ yibii ni ewoɔ naa.

Yeremia 21:14

Yehowa kɛɛ, “Shi naa, mibagbala nyɛtoi yɛ yibii ni nyɛjeŋba ewo lɛ naa. Mibama nyɛkoo lɛ naa la, ni la nɛɛ baashã nɔ fɛɛ nɔ ni bɔle lɛ. Mi Yehowa, mikɛɛ.”

Yeremia 25:11

Shikpɔŋ tso muu nɛɛ fɛɛ baatsɔ̃ amaŋfɔ̃ kɛ shiaŋa tete; ni majimaji nɛɛ baasɔ̃mɔ Babilon maŋtsɛ lɛ afii nyɔŋmai kpawo.

Yeremia 32:19

oŋaalee mli kwɔ, ni ofeɔ nibii wuji. Bo ni onaa gbɔmɛi ajeŋbai fɛɛ, ni bɔ ni mɔ fɛɛ mɔ nifeemɔ yɔɔ lɛ nakai he nyɔmɔ owoɔ lɛ; ni nɔ ni mɔ fɛɛ mɔ duɔ lɛ no yibii ohãa ekpaa.

Ezekiel 12:19

Kɛkɛ lɛ kɛɛmɔ shikpɔŋ lɛ nɔ bii lɛ akɛ, Bɔ ni Nuŋtsɔ Yehowa kɛɔ yɛ Yerusalɛmbii ni yɔɔ Israel shikpɔŋ lɛ nɔ lɛ ahe nɛ, amɛniyenii lɛ, tsuiyeli amɛkɛaaye, ni amɛnu lɛ hu, hejɔ̃mɔ amɛkɛaanu; ejaakɛ yiwalɛnii ni maŋ lɛ mli bii lɛ fɛɛ fee lɛ hewɔ lɛ, ahaŋ shikpɔŋ lɛ aba niyenii dɔŋŋ.

Ezekiel 33:28

Makpãtã shikpɔŋ lɛ hiɛ ni ebaatsõ amaŋfɔ̃; ni ehewalɛ ni ekɛshwãa lɛ sɛɛ baafo; ni Israel gɔji lɛ anɔ baatsɔ̃ amaŋfɔ̃, bɔ ni mɔ ko mɔ ko tsɔŋ jɛi kɛhoŋ.

Mika 3:12

No hewɔ lɛ, yɛ nyɛhewɔ lɛ, aaatsa Zion ashwie shi tamɔ atsaa ŋa akɛfeɔ ŋmɔ. Yerusalɛm aaatsɔ̃ tsu koi ni bua shi tamɔ gɔŋ, ni Sɔlemɔ we lɛ gɔŋ lɛ nɔ aaatsa atsɔ̃ koo hayii.

Mika 3:4

Nakai be lɛ mli lɛ nyɛaablɔ nyɛtsɛ Yehowa, shi efoŋ nyɛdaaŋ; shi moŋ ekɛ ehiɛ aaatee nyɛ yɛ efɔŋ ni nyɛfee lɛ hewɔ.

Mika 5:3

No hewɔ lɛ, Yehowa aaaŋmɛɛ emaŋ lɛ he ehã amɛhenyɛlɔi lɛ kɛyashi beyinɔ ni yoofɔyoo lɛ aaafɔ ebinuu lɛ, ni enyɛmimɛi lɛ ateŋ mɛi ni eshwɛ ni yɔɔ nomŋɔɔ mli lɛ aaaku amɛsɛɛ kɛaaba amɛnyɛmɛi Israelbii lɛ aŋɔɔ.

Mika 6:13

No hewɔ lɛ, mije nyɛ nitswiamɔ kɛ hiɛkpãtãmɔ shishi momo yɛ nyɛhe eshai lɛ ahewɔ.