Mika 6:9 - ŊMALƐ KRƆŊKRƆŊ LƐ

⁹ Ehi akɛ ashe Yehowa gbeyei. Eeetsɛ maŋ lɛ ekɛɛ, “Nyɛboa toi, nyɛ mɛi ni nyɛbuaa nyɛhe naa kɛkpeɔ yɛ maŋ lɛ mli!

Ṅmãle̱ Kroṅkroṅ Le̱

⁹ Iehowa gbē le̱ mĩbo mĩtšé̱ maṅ le, ni ehĩ ake̱ aše egbe̱i le̱ gbeyei; nyeboa tšo le̱ ke̱ moni tole̱ le̱ toi!

Mika 6:9 ပူးပေါင်းရင်းမြစ်များ

2 Samuel 21:1

David yinɔ lɛ hɔmɔ ni naa wa ko ba afii nɔtonɔto shii etɛ̃ sɔŋŋ. Enɛ hã David tee ni eyabi Yehowa nii. Yehowa kɛɛ David akɛ, “Enɛ fɛɛ jɛ Saul kɛ ewe lɛ yɛ Gibeonbii lɛ ni amɛgbe lɛ hewɔ.”

Hiob 10:2

Mibakɛɛ Nyɔŋmɔ akɛ, ‘Kaabu mi fɔ!’ Tsɔɔmɔ mi nɔ hewɔ ni okɛ mi ena nɛɛ.

Hiob 23:14

Nɔ ni eto ehã mi lɛ, ebaafee kɛgbe naa; ni nibii ni tamɔ enɛɛmɛi pii yɛ eyiŋ.

Hiob 5:17

“Naa, ajɔɔ mɔ ni Nyɔŋmɔ kãa lɛ lɛ, no hewɔ lɛ, ekafee bo dɔlɛ kɛji Ofe lɛ kã bo.

Lalai 107:43

Hã mɔ fɛɛ mɔ ni ji nilelɔ lɛ ekase nii kɛjɛ enɛɛmɛi amli; Hã amɛsusu Yehowa suɔmɔ ni tsakeee lɛ he.

Lalai 48:10

Oo Nyɔŋmɔ, bɔ ni ogbɛi lɛ jijeɔ lɛ nakai nɔŋŋ oyijiemɔ jijeɔ, kɛyaa shikpɔŋ lɛ naagbeehei. Oninejurɔ eyi obɔ kɛ kunimyeli.

Lalai 83:18

Hã amɛna amɛle akɛ bo mɔ ni ogbɛi ji Yehowa lɛ, bo pɛ ji Ofe yɛ shikpɔŋ lɛ nɔ fɛɛ.

Lalai 9:16

Yehowa kɛ ejalɛ kojomɔ ehã ale lɛ; mɛi fɔ̃ji edu tsɔne ni amɛ diɛŋtsɛ amɛtsɔ̃ lɛ.

Abe̱i 22:3

Hiɛtɛ̃lɔ naa osharã miiba ni eteɔ ehe; shi mɔ ni jwɛŋmɔ esako kɛ lɛ yakpeɔ, ni ehiɛ kpãtãa.

Yesaia 26:11

Ao Yehowa, owo onine nɔ, shi kɛ̃lɛ amɛnaaa. Hã amɛna joomɔ ni ojoɔ yɛ omaŋbii ahe lɛ koni amɛhiɛ agboi. Hã la ni oto hã ohenyɛlɔi lɛ akpãtã amɛhiɛ.

Yesaia 27:10

Ejaakɛ maŋ ni atswa gbogbo awo he lɛ etsɔ̃ amaŋfɔ̃ kɛ shihilɛhe ni ashi afɔ shi ni akwa lɛ tamɔ shiaŋa. Tsinabii miiye nii yɛ jɛi; amɛbumɔɔ shi yɛ jɛi, ni amɛyeɔ nii.

Yesaia 30:27

Naa Yehowa hewalɛ jɛ shɔŋŋ miiba! Emlifu miitso, ni eeje lasu kpɔŋŋ; enaa miitswa afui kɛ mlila, ni elilɛi tamɔ la ni kpãtãa nii ahiɛ.

Yesaia 66:6

Nyɛboa toi, aafee hoo yɛ maŋ lɛ mli. Gbee ko miijɛ Sɔlemɔ we lɛ. Yehowa mɔ ni baawo ehenyɛlɔi lɛ nyɔmɔ lɛ gbee ni.

Yesaia 9:13

Israelbii lɛ kpaleee amɛbaaa mɔ ni gbala amɛtoi lɛ ŋɔɔ lɛ, amɛtaooo Yehowa, Taiatsɛ lɛ, sɛɛgbɛ.

Yeremia 26:18

“Be ko lɛ Mika ni jɛ Moreshet lɛ gba yɛ Yuda Maŋtsɛ Hezekia yinɔ, ni ekɛɛ Yudabii fɛɛ akɛ, ‘Nɔ ni Yehowa, Taiatsɛ lɛ, kɛɛ ji,’ ‘Abaahu Zion tamɔ ahuɔ ŋmɔ, Yerusalɛm baatsɔ̃ koikoi, ni Sɔlemɔ we lɛ gɔŋ lɛ baatsɔ̃ koo ni etsa sulaŋŋ.’

Yeremia 26:6

hewɔ lɛ mafee Sɔlemɔ we nɛɛ tamɔ mifee Shilo lɛ, ni mahã maŋ nɛɛ atsɔ̃ loomɔ nɔ̃ ahã shikpɔŋ lɛ nɔ maji fɛɛ.’ ”

Yeremia 47:7

Te aaafee tɛŋŋ ni ehe aaajɔ hu, be mli ni Yehowa efã lɛ lɛ? Efã lɛ ewo Ashkelon kɛ ŋshɔnaa maji lɛ ahe.”

Ezekiel 7:9

Be abɔ ni nyɛmusubɔɔ nibii lɛ yɔɔ nyɛteŋ lɛ, mihiŋmɛi baakã nyɛhe, ni minaŋ mɔbɔ; shi magbala otoi yɛ ojeŋba hewɔ, kɛkɛ lɛ nyɛaana nyɛle akɛ mi, mi ji Yehowa ni tswaa mɔ nɔ lɛ.

Hosea 13:16

Samaria yi sɔ̃ lɛ baatere lɛ diɛŋtsɛ; emli bii lɛ ahiɛ aaakpãtã yɛ ta mli, akɛ emli abifabii lɛ aaatswiatswia shi; ni aaagbala amɛyeihɔlɔi lɛ amli.”

Hosea 14:9

Mɔ ni le nii lɛ, enu saji nɛɛ ashishi; ni hiɛshikãlɔ lɛ ekɔ sɛɛ. Naa, Yehowa gbɛi fɛɛ ja, ni nomɛi mɔ ni feɔ jalɛnii kɛbaa ejeŋ; nomɛi anaa mɔ ni feɔ jalɛnii hiɔ shi yɛ; shi eshafeelɔi tswaa egbɛi lɛ amɛfɔ̃ɔ, ni no hewɔ lɛ, amɛtɛrɛɔ, ni amɛgbeɔ shi.

Amos 2:5

No hewɔ lɛ, mibama Yuda shikpɔŋ lɛ naa la, ni ebaashã Yerusalɛm mɔji lɛ fɛɛ.”

Amos 6:1

Kpoo hã mɛi ni ahe ejɔ amɛ yɛ Zion, kɛ mɛi ni nyɛsusuɔ akɛ amɛyɛ shweshweeshwe yɛ Samaria Gɔŋ lɛ nɔ, mɛi ni ji lumɛi wuji yɛ maŋ wulu, Israel mli lɛ, mɛi aŋɔɔ ni Israelbii lɛ baa lɛ.

Mika 3:12

No hewɔ lɛ, yɛ nyɛhewɔ lɛ, aaatsa Zion ashwie shi tamɔ atsaa ŋa akɛfeɔ ŋmɔ. Yerusalɛm aaatsɔ̃ tsu koi ni bua shi tamɔ gɔŋ, ni Sɔlemɔ we lɛ gɔŋ lɛ nɔ aaatsa atsɔ̃ koo hayii.

Mika 6:10

Nɔ ni yɔɔ efɔŋfeelɔi ashĩai amli ni ji jwetri ni atsɔ̃ shishiumɔ gbɛi anɔ ana, kɛ susumɔnii kɛ nsɛnitɛi ni shɛɛɛ ni akɛŋmɛɔ nii lɛ, ani mihiɛ aaakpa nɔ? Dabida, miihi!

Mika 6:8

Dabida! Ao Adesa, Yehowa etsɔ̃ɔ bo nɔ ni hi. Nɔ ni ebiɔ yɛ odɛ̃ŋ nɛ, akɛ ofee nɔ ni ja gbɛ, osumɔ onyɛmimɛi, okɛ oNyɔŋmɔ lɛ anyiɛ yɛ heshibaa mli.

Zefania 3:2

Ebooo mɔ ko mɔ ko wiemɔ toi lɛ, ekpɛlɛ̃ɛɛ tsɔsemɔ hu; ekɛ ehiɛ efɔ̃ɔɔ Yehowa nɔ lɛ, etsiii ebɛŋkɛɛɛ eNyɔŋmɔ lɛ.

Kpojiemɔ 3:19

Mi lɛ, mɛi abɔ ni midɔɔ amɛhe lɛ, mikãa amɛ ni mitsɔseɔ amɛ; no hewɔ lɛ, ohiɛ adɔ ni otsake otsui.